1سُلٍمَنِ شَ تَالِ ندٍيٍ نَن يَ، يُدَ مَنفّ شٍسٍكِيَ نَشٍيٍ سّبّ؛
2عَلَ قٍيٍ نْشُنمَ، مَنفّيٍ كَتَمَ عٍ قَهَامُدٍ.
3كٌورٍ شَ مَءِتٍيَ نُن بْشِ شَ تِلِنيِ مُ كٌلٌنمَ.
4شَ فبٍتِ فبِ بَ، عَ نْمَ قِندِدٍ سٍ تٌقَنيِ رَ.
5شَ مِشِ حَاشِ بَ مَنفّ رَبِلِنيِ،
6عِ نَشَ عِ يّتّ عِفبٌ مَنفّ يَ شْرِ،
7عَ قِسَ كُنتِفِ نَن شَ عِ شِلِ عِ شَ دْشْ يِرٍ ندٍ،
8عِ نَ قٍ ندٍ تٌ، عِ نَشَ فبَتَ سِفَقٍ رَ كِيتِ بَنشِ،
9قٍ نَ سٌ وٌ نُن عِ دْشْبٌورٍ تَفِ،
10شَ نَ مُ عَ رَ مِشِ ندٍ نَ نَ كٌلٌن،
11وْيّنيِ قَلَشِ عَ كِ مَ،
12شَشِلِمَ شَ مَرَ سِ تِدٍ فبٌ شَشِلِ قٍنيِ بّ،
13دُفُتّفّ شّيرَ حْشُن عَ شّيمَ بّ،
14مِشِ نَشَن عَ قَلَمَ عَ سٍتَرٍيٍ كِمَ، كْنْ عَ مُ عَ رَبَمَ،
15تُننَبّشِيَ عَ نِيَمَ نّ مَنفّ شَ نَتّ مَسَرَ،
16عِ نَ كُمِ تٌ، نَشَن عِ رَلِمَ، نَ نَن كْن.
17عِ نَشَ عِ دْشْبٌورٍ شْنيِ سِفَقٍ رَدِفَن،
18عِ دْشْبٌورٍ تْوحّفّقٍ شْنْ
19عِ شَشِلِ تِقٍ يَنقَنتٍ رَ، نَ لُشِ نّ
20مِشِ نَشَن سِفِ سَمَ مِشِ سُننُنشِ يَ شْرِ،
21شَ كَامّ نَ عِ يَشُي مَ، دٌنسٍ سٌ عَ يِ رَ.
22شَ عِ نَ وَلِ مْولِ رَبَ عَ بّ،
23قٌيٍ نَشَن كٍلِمَ كْولَ مَ،
24لُقٍ رَ بَنشِ قَرِ مَ،
25شِبَارُ قَنيِ نَشَن كٍلِشِ يِرٍ مَكُيٍ،
26تِنشِنتْي نَشَن نَتّ تٌنفٌمَ،
27كُمِ دٌنقٍ عَ رَدَنفِ عَ عِ، نَ مُ قَن.
28مِشِ نَشَن مُ نْمَ عَ يّتّ رَشَندٍ عَ نَ شْنْ،