تَالِيٍ 24

¹عِ نَشَ مِلَ مِشِ حَاشِيٍ مَ،

²عٍ بْحّ كٌبِ، عٍ شَ وْيّنيِ شْرْشْ.

³لْننِ بَنشِ تِمَ نّ،

⁴قٍ كٌلٌنيِ عَ نِيَمَ نّ عٍ شَ هَرِفٍ سْتْ،

⁵لْننِلَ سّنبّ فبٌ،

⁶عِ هَيِ نَ مَرَ سِمَ عَلَكٌ قٍ شَ سْونّيَ،

⁷لْننِ شْرْشْ شَشِلِتَرٍ بّ،

⁸مِشِ نَشَن قٍ حَاشِ شَبُمَ،

⁹شَشِلِتَرٍحَ قِندِشِ يُنُبِ نَن نَ.

¹⁰شَ لِمَنِيَ بَمَ عِ يِ رَ تْورّ كُي،

¹¹مِشِيٍ رَتَنفَ نَشٍيٍ نَ سَيَ كِرَ شْن مَ،

¹²شَ عِ عَ قَلَمَ، «مُشُ مُ نُ عَ كٌلٌن،»

¹³ﭑ مَ دِ، كُمِ ندٍ دٌن،

¹⁴كْنْ عِ شَ عَ كٌلٌن شَشِلِ لُمَ نّ عَلْ كُمِ.

¹⁵عِ نَشَ فَنتَنيِ عِتَلَ تِنشِنتْي بّ،

¹⁶تِنشِنتْي نْمَ بِرَدٍ سَنمَيَ سٌلٌقٍرٍ، عَ مَن كٍلِ.

¹⁷عِ نَشَ حّلّشِن عِ يَشُي شَ بِرّ رَ،

¹⁸شَ نَ مُ عَ رَ عَلَتَلَ عِ شَ مَحْشُنيِ كٌبِ تٌمَ نّ،

¹⁹عِ نَشَ شْنْ قٍ حَاشِ رَبَيٍ مَ، عِ نَشَ عٍ تْونّ.

²⁰مِشِ حَاشِ مُ قٍ قَنيِ لِمَ يَرٍ،

²¹ﭑ مَ دِ، عِ شَ فَاشُ عَلَتَلَ يَ رَ، عِ شَ مَنفّيٍ بِنيَ،

²²بَرِ مَ هَلَكِ نَن قَمَ عٍ رَتّرّننَدٍ.

²³لْننِلَ فبّتّيٍ شَ تَالِيٍ نَن يَ؛

²⁴مِشِ نَشَن عَ قَلَمَ مِشِ حَاشِ بّ، «عِ تِنشِن،»

²⁵كْنْ مِشِ نَشَن مِشِ حَاشِ كَلَمُمَ نْندِ كُي،

²⁶يَابِ تِنشِنشِ حْشُن نّ عَلْ شَنُنتٍنيِ شَ شّيبُي.

²⁷قّنتّن عِ شَ وَلِ مَ، عِ قٍ رَبَ بَلٌي سْتْقٍ رَ،

²⁸عِ نَشَ عِ دْشْبٌورٍ تْوحّفّ.

²⁹عِ نَشَ عَ قَلَ،

³⁰ﭑ بَرَ دَنفِ تُننَشْنّ ندٍ شَ شّ رَ،

³¹ﭑ تُنبٍيٍ نُن حٌوفٍ حَاشِيٍ نَن تُن تٌ نَا.

³²ﭑ نَشَ نَ قٍ مَحْشُن هَن عَ نَشَ قِندِ شَشِلِ رَ ﭑ بّ؛

³³شِشْلِ نَ عِ سُشُ، عِ كِنسْن قْلْ، عِ عِ بّلّشّيٍ قِندِفِلِن عِ مَ،

³⁴سٍتَرٍحَ قَ دُتُن عِ مَ عَلْ مُحّتِ حَاشِ.