تَالِيٍ 15

¹يَابِ بْرْشْشِ مِشِ بْحّ رَفٌرٌ مَ نّ،

²شَشِلِمَ شَ وْيّنيِ عَ نِيَمَ نّ شَشِلِ قَنيِ شَ رَقَن مِشِيٍ مَ،

³عَلَتَلَ مِشِ بِرِن مَتٌمَ،

⁴وْيّن قَنيِ مِشِ رَيَلَنمَ،

⁵شَشِلِتَرٍ يٌمَ نّ عَ بَبَ شَ مَرَ سِ مَ،

⁶هَرِفٍ قَنيِ نَ تِنشِنتْي شْنيِ،

⁷لْننِلَيٍ شَ وْيّنيِيٍ شَشِلِ قِمَ نّ مِشِ مَ،

⁸عَلَتَلَ مِشِ حَاشِ شَ سّرّشّ شْنمَ،

⁹عَلَتَلَ مِشِ حَاشِ شَ كِرَ شْنمَ،

¹⁰كِرَ قَنيِ بّحِنقٍ قِندِ مَ حَشَنكَتّ نَن نَ.

¹¹عَلَتَلَ تٌ قٍ بِرِن كٌلٌن،

¹²يّتّ عِفبٌي مُ وَ مَ مَرَ سِ شْن مَ،

¹³بْحّ سّيوَشِ مِشِ لَهَلّ قَنمَ،

¹⁴شَشِلِمَ لْننِ نَن قٍنمَ،

¹⁵هَلِ مِسِكِينّ تْورْ عَ شَ سِمَيَ كُي،

¹⁶سٍتَرٍ عَلَ يَرَفَاشُي،

¹⁷بَندٍ حِحّ دٌنقٍ شَنُنتٍيَ كُي،

¹⁸بْحّ رَتٍ فٍرٍ شْرّ عِسْشْمَ نّ،

¹⁹تُننَشْنّ شَ كِرَ مَبَلَنشِ تُنبٍيٍ نَن نَ،

²⁰دِ لْننِشِ قِندِ مَ سّيوّ نَن نَ عَ بَبَ بّ،

²¹شَشِلِتَرٍحَ رَقَن لْننِتَرٍ مَ،

²²مَرَ سِتَرٍحَ وَلِ كَنَمَ نّ،

²³سّيوّ نَ مِشِ بّ نَشَن قَتَ عَ بٌورٍ يَابِدٍ.

²⁴شَشِلِمَ شَ كِرَ عَ رَتٍمَ نّ كٌورٍ مَ،

²⁵عَلَتَلَ يّتّ عِفبٌي شَ بَنشِ رَبِرَ مَ نّ،

²⁶مَحْشُن كٌبِ رَحَاشُ عَلَتَلَ مَ،

²⁷مِلَنتٍ قِندِ مَ نّ تْورّ رَ عَ شَ دٍنبَيَ بّ،

²⁸تِنشِنتْي قٍ مَتٌمَ نّ عَ قَنيِ رَ بٍينُ عَ شَ يَابِ ندٍ قِ،

²⁹عَلَتَلَ مَكُيَ مِشِ حَاشِيٍ رَ،

³⁰شّيرَ يَ عِيَلَنشِ مِشِ بْحّ رَ سّيوَ مَ نّ،

³¹مِشِ نَشَن عَ تُلِ مَتِمَ كِسِ مَرَ سِ رَ،

³²نَشَن تٌندِ مَ مَرَ سِ رَ مّدٍ،

³³عَلَ شَ يَرَفَاشُي قِندِ مَ لْننِ نَن نَ مِشِ بّ.