تَالِيٍ 14

¹فِنّ لْننِلَ سّنبّ قِمَ نّ عَ شَ دٍنبَيَ مَ،

²مِشِ نَشَن عَ حّرّ مَ عَ تِنشِنشِ رَ، عَ فَاشُمَ نّ عَلَ يَ رَ،

³يّتّ عِفبٌي شَ وْيّنيِ قِندِ مَ بْنبْي نَن نَ عَ بّ،

⁴شَ نِنفٍ مُ بْشِ بُشَمَ، سَفَ مُ رَقٍمَ.

⁵سٍيدٍ قَنيِ مُ وُلٍ قَلَمَ،

⁶مِشِ مَيٍلٍ لْننِ قٍنمَ نّ، كْنْ عَ مُ عَ سْتْمَ.

⁷عِ شَ عِ مَكُيَ شَشِلِتَرٍيٍ رَ،

⁸لْننِلَ عَ حْشْ سَمَ نّ عَ حّرّ كِ شْن مَ،

⁹شَشِلِتَرٍ يٌمَ يُنُبِ تٌنفٌقٍ مَ،

¹⁰مِشِ عَ يّتّ شَ تْورّ كٌلٌن عَ بْحّ كُي،

¹¹مِشِ حَاشِيٍ شَ دٍنبَيَ هَلَكِمَ نّ،

¹²مِشِ حْشْ عَ مَ عَ عَ حّرّ كِ قَن،

¹³مِشِ نْمَ يٍلٍدٍ عَ دّ رَ، عَ تْورْشِ عَ بْحّ كُي.

¹⁴مِشِ حَاشِ يٌ، مِشِ قَنيِ يٌ،

¹⁵شَشِلِتَرٍ لَمَ نّ مِشِ بِرِن شَ مَسٍنيِ رَ،

¹⁶شَشِلِمَ فَاشُمَ نّ عَلَ يَ رَ، عَ قَ فبِلٍن قٍ حَاشِ قْشْ رَ،

¹⁷مِشِ نَشَن بْحّ تٍمَ مَقُرٍن، عَ دَشُحَ نَن نَبَمَ.

¹⁸دَشُحَ قِندِ مَ نّ شَشِلِتَرٍ كّ رَ،

¹⁹مِشِ حَاشِيٍ قَمَ نّ عٍ شِنبِ سِندٍ تِنشِنتْييٍ بُن مَ،

²⁰سٍتَرٍ رَحَاشُ بِرِن مَ، هَلِ عَ دْشْبٌورٍ،

²¹مِشِ نَشَن يٌمَ عَ نفَشَكٍرٍنيِ مَ، عَ بَرَ يُنُبِ سْتْ،

²²مِشِ نَشٍيٍ قٍ حَاشِ مَحْشُنمَ، نٍيٍ بْنْمَ نّ.

²³فٍينِ نَ وَلِ بِرِن كُي،

²⁴بَننَيَ نَن نَ لْننِلَ سَرٍ رَ،

²⁵سٍيدٍ نْندِ قَلّ مِشِ نِي رَتَنفَمَ نّ،

²⁶مِشِ نَشَن فَاشُ عَلَتَلَ يَ رَ،

²⁷عَلَتَلَ شَ يَرَفَاشُي سِمَيَ قِمَ نّ مِشِ مَ،

²⁸حَمَ شَ فبٌي قِندِ مَ مَنفّ شَ شُننَكٍلِ نَن نَ،

²⁹شَشِلِمَ بْحّ تٍ شْنْ،

³⁰بْحّسَ قِندِ مَ سِمَيَ نَن نَ،

³¹نَشَن سٍتَرٍ تْورْ مَ، نَ بَرَ يٌ سٍتَرٍ دَا مَنفّ مَ،

³²مِشِ حَاشِ شَ حَاشُحَ عَ شُن نَكَنَمَ نّ،

³³لْننِ نَ شَشِلِمَ بْحّ كُي،

³⁴تِنشِنيِ بْشِ رَ سِفَمَ نّ يَرٍ،

³⁵وَلِكّ لْننِلَ رَقَن مَنفّ مَ، كْنْ عَ وَلِكّ يَافِتَرٍ تَن شْنمَ نّ.