كْنتِ تِقٍ 29

¹«كِكٍ سٌلٌقٍرٍ ندٍ شِ سِنفٍ، وٌ شَ وٌ مَلَن ﭑ بَتُدٍ. وٌ نَشَ وَلِ يٌ رَبَ نَ لْشْي. وٌ سَرَيٍ قٍمَ نّ نَ لْشْي.

²وٌ شَ تُورَ قِرِن بَ سّرّشّ فَن دَاشِ رَ، عَ نُن يّشّي كٌنتٌنيِ كٍرٍن، عَ نُن يّشّي سٌلٌقٍرٍ، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ.

³سَنسِ شْرِ دِنشِ سّرّشّ كِلٌ سٌلٌمَنَانِ نَشَن نَمُلَنشِ تُرٍ رَ، عَ شَ سَ تُورَ كٍرٍن يٌ تُورَ كٍرٍن سّيتِ مَ. سَنسِ شْرِ دِنشِ سّرّشّ كِلٌ سٍننِ نَشَن نَمُلَنشِ تُرٍ رَ، عَ شَ سَ يّشّي كٌنتٌنيِ كٍرٍن يٌ يّشّييٍ كٌنتٌنيِ كٍرٍن سّيتِ مَ.

⁴سَنسِ شْرِ دِنشِ سّرّشّ كِلٌ سَشَن نَشَن نَمُلَنشِ تُرٍ رَ، عَ شَ سَ يّشّي كٍرٍن يٌ يّشّي كٍرٍن سّيتِ مَ.

⁵وٌ شَ سِكْتّ كٍرٍن قَن بَ عَلَتَلَ بّ يُنُبِ شَقَرِ سّرّشّ رَ.

⁶نَ سّرّشّ بِرِن سَمَ سّرّشّ فَن دَاشِيٍ نَن شُن، وٌ نَشٍيٍ بَمَ لْشْ يٌ لْشْ، عَ نُن وٌ نَشٍيٍ بَمَ كِكٍ يٌ كِكٍ عَ شِ سِنفٍ، عَ نُن سَنسِ شْرِ دِنشِ نُن وّنِ سّرّشّ نَشَن سَمَ عٍ سّيتِ مَ. سّرّشّيٍ نَن عٍ رَ نَشٍيٍ فَنمَ، عٍ شِرِ حْشُنمّ تٍ ﭑ تَن عَلَتَلَ رَ.»

⁷«نَ كِكٍ سٌلٌقٍرٍ ندٍ، شِ قُ لْشْي، وٌ شَ وٌ مَلَن ﭑ بَتُدٍ، وٌ قَن شَ سُنيِ سُشُ. وٌ نَشَ وَلِ يٌ رَبَ نَ لْشْي.

⁸نَ لْشْي وٌ شَ تُورَ ندٍ بَ سّرّشّ فَن دَاشِ رَ، عَ نُن يّشّي كٌنتٌنيِ كٍرٍن، عَ نُن يّشّي سٌلٌقٍرٍ، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ.

⁹سَنسِ شْرِ دِنشِ سّرّشّ كِلٌ سٌلٌمَنَانِ نَشَن نَمُلَنشِ تُرٍ رَ، عَ شَ سَ تُورَ سّيتِ مَ. سَنسِ شْرِ دِنشِ سّرّشّ كِلٌ سٍننِ نَشَن نَمُلَنشِ تُرٍ رَ، عَ شَ سَ يّشّي كٌنتٌنيِ كٍرٍن يٌ يّشّي كٌنتٌنيِ كٍرٍن سّيتِ مَ.

¹⁰سَنسِ شْرِ دِنشِ سّرّشّ كِلٌ سَشَن نَشَن نَمُلَنشِ تُرٍ رَ، عَ شَ سَ يّشّي كٍرٍن يٌ يّشّي كٍرٍن سّيتِ مَ.

¹¹وٌ شَ سِكْتّ كٍرٍن قَن بَ ﭑ تَن عَلَتَلَ بّ يُنُبِ شَقَرِ سّرّشّ رَ، دَنفِقٍ نَ يُنُبِ شَقَرِ سّرّشّ، نُن نَ سّرّشّ فَن دَاشِيٍ وٌ نَشٍيٍ بَمَ لْشْ يٌ لْشْ، عَ نُن سَنسِ شْرِ دِنشِ نُن وّنِ سّرّشّ.»

¹²«كِكٍ سٌلٌقٍرٍ ندٍ، شِ قُ نُن سُولِ، وٌ شَ وٌ مَلَن ﭑ بَتُدٍ. وٌ نَشَ وَلِ يٌ رَبَ نَ لْشْي. وٌ شَ سَلِ ندٍ رَبَ ﭑ تَن عَلَتَلَ بّ شِ سٌلٌقٍرٍ بُن مَ.

¹³عَ شِ سِنفٍ، وٌ شَ تُورَ قُ نُن سَشَن، يّشّي كٌنتٌنيِ قِرِن، نُن يّشّي قُ نُن نَانِ بَ سّرّشّ فَن دَاشِ رَ ﭑ تَن عَلَتَلَ بّ، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ. وٌ نَ عٍ فَن، عَ شِرِ حْشُنمّ تٍ ﭑ تَن عَلَتَلَ رَ.

¹⁴سَنسِ شْرِ دِنشِ سّرّشّ كِلٌ سٌلٌمَنَانِ نَشَن نَمُلَنشِ تُرٍ رَ، عَ شَ سَ نَ تُورَ قُ نُن سَشَن سّيتِ مَ. سَنسِ شْرِ دِنشِ سّرّشّ كِلٌ سٍننِ نَشَن نَمُلَنشِ تُرٍ رَ، عَ شَ سَ نَ يّشّي كٌنتٌنيِ قِرِن سّيتِ مَ.

¹⁵سَنسِ شْرِ دِنشِ سّرّشّ كِلٌ سَشَن نَشَن نَمُلَنشِ تُرٍ رَ، عَ شَ سَ نَ يّشّي قُ نُن نَانِ سّيتِ مَ.

¹⁶وٌ شَ سِكْتّ كٍرٍن قَن بَ ﭑ تَن عَلَتَلَ بّ يُنُبِ شَقَرِ سّرّشّ رَ، دَنفِقٍ نَ يُنُبِ شَقَرِ سّرّشّ، نُن نَ سّرّشّ فَن دَاشِيٍ وٌ نَشٍيٍ بَمَ لْشْ يٌ لْشْ، عَ نُن سَنسِ شْرِ دِنشِ نُن وّنِ سّرّشّ.»

¹⁷«سَلِ شِ قِرِن ندٍ، وٌ شَ تُورَ قُ نُن قِرِن، يّشّي كٌنتٌنيِ قِرِن، نُن يّشّي قُ نُن نَانِ بَ سّرّشّ رَ، نَشٍيٍ بَرَ حّ كٍرٍن سْتْ، لَنيُرُ مُ نَ نَشَن مَ،

¹⁸عَ نُن عٍ شَ سَنسِ شْرِ دِنشِ نُن وّنِ سّرّشّ نَشَن لَنمَ سّرِيّ كِ مَ.

¹⁹وٌ شَ سِكْتّ كٍرٍن قَن بَ ﭑ تَن عَلَتَلَ بّ يُنُبِ شَقَرِ سّرّشّ رَ. وٌ شَ نَ سّرّشّيٍ سَ بٌورٍ سّرّشّيٍ شُن، وٌ نَشٍيٍ بَمَ لْشْي بِرِن، عٍ نُن سَنسِ شْرِ نُن وّنِ نَشَن قَن بَمَ سّرّشّ رَ.»

²⁰«سَلِ شِ سَشَن ندٍ، وٌ شَ تُورَ قُ نُن قِرِن، يّشّي كٌنتٌنيِ قِرِن، نُن يّشّي قُ نُن نَانِ بَ سّرّشّ رَ، نَشٍيٍ بَرَ حّ كٍرٍن سْتْ، لَنيُرُ مُ نَ نَشَن مَ،

²¹عَ نُن عٍ شَ سَنسِ شْرِ دِنشِ نُن وّنِ سّرّشّ نَشَن لَنمَ سّرِيّ كِ مَ.

²²وٌ شَ سِكْتّ كٍرٍن قَن بَ ﭑ تَن عَلَتَلَ بّ يُنُبِ شَقَرِ سّرّشّ رَ. وٌ شَ نَ سّرّشّيٍ سَ بٌورٍ سّرّشّيٍ شُن، وٌ نَشٍيٍ بَمَ لْشْي بِرِن، عٍ نُن سَنسِ شْرِ نُن وّنِ نَشَن قَن بَمَ سّرّشّ رَ.»

²³«سَلِ شِ نَانِ ندٍ، وٌ شَ تُورَ قُ نُن قِرِن، يّشّي كٌنتٌنيِ قِرِن، نُن يّشّي قُ نُن نَانِ بَ سّرّشّ رَ، نَشٍيٍ بَرَ حّ كٍرٍن سْتْ، لَنيُرُ مُ نَ نَشَن مَ،

²⁴عَ نُن عٍ شَ سَنسِ شْرِ دِنشِ نُن وّنِ سّرّشّ نَشَن لَنمَ سّرِيّ كِ مَ.

²⁵وٌ شَ سِكْتّ كٍرٍن قَن بَ ﭑ تَن عَلَتَلَ بّ يُنُبِ شَقَرِ سّرّشّ رَ. وٌ شَ نَ سّرّشّيٍ سَ بٌورٍ سّرّشّيٍ شُن، وٌ نَشٍيٍ بَمَ لْشْي بِرِن، عٍ نُن سَنسِ شْرِ نُن وّنِ نَشَن قَن بَمَ سّرّشّ رَ.»

²⁶«سَلِ شِ سُولِ ندٍ، وٌ شَ تُورَ قُ نُن قِرِن، يّشّي كٌنتٌنيِ قِرِن، نُن يّشّي قُ نُن نَانِ بَ سّرّشّ رَ، نَشٍيٍ بَرَ حّ كٍرٍن سْتْ، لَنيُرُ مُ نَ نَشَن مَ،

²⁷عَ نُن عٍ شَ سَنسِ شْرِ دِنشِ نُن وّنِ سّرّشّ نَشَن لَنمَ سّرِيّ كِ مَ.

²⁸وٌ شَ سِكْتّ كٍرٍن قَن بَ ﭑ تَن عَلَتَلَ بّ يُنُبِ شَقَرِ سّرّشّ رَ. وٌ شَ نَ سّرّشّيٍ سَ بٌورٍ سّرّشّيٍ شُن، وٌ نَشٍيٍ بَمَ لْشْي بِرِن، عٍ نُن سَنسِ شْرِ نُن وّنِ نَشَن قَن بَمَ سّرّشّ رَ.»

²⁹«سَلِ شِ سٍننِ ندٍ، وٌ شَ تُورَ قُ نُن قِرِن، يّشّي كٌنتٌنيِ قِرِن، نُن يّشّي قُ نُن نَانِ بَ سّرّشّ رَ، نَشٍيٍ بَرَ حّ كٍرٍن سْتْ، لَنيُرُ مُ نَ نَشَن مَ،

³⁰عَ نُن عٍ شَ سَنسِ شْرِ دِنشِ نُن وّنِ سّرّشّ نَشَن لَنمَ سّرِيّ كِ مَ.

³¹وٌ شَ سِكْتّ كٍرٍن قَن بَ ﭑ تَن عَلَتَلَ بّ يُنُبِ شَقَرِ سّرّشّ رَ. وٌ شَ نَ سّرّشّيٍ سَ بٌورٍ سّرّشّيٍ شُن، وٌ نَشٍيٍ بَمَ لْشْي بِرِن، عٍ نُن سَنسِ شْرِ نُن وّنِ نَشَن قَن بَمَ سّرّشّ رَ.»

³²«سَلِ شِ سٌلٌقٍرٍ ندٍ، وٌ شَ تُورَ قُ نُن قِرِن، يّشّي كٌنتٌنيِ قِرِن، نُن يّشّي قُ نُن نَانِ بَ سّرّشّ رَ، نَشٍيٍ بَرَ حّ كٍرٍن سْتْ، لَنيُرُ مُ نَ نَشَن مَ،

³³عَ نُن عٍ شَ سَنسِ شْرِ دِنشِ نُن وّنِ سّرّشّ نَشَن لَنمَ سّرِيّ كِ مَ.

³⁴وٌ شَ سِكْتّ كٍرٍن قَن بَ عَلَتَلَ بّ يُنُبِ شَقَرِ سّرّشّ رَ. وٌ شَ نَ سّرّشّيٍ سَ بٌورٍ سّرّشّيٍ شُن، وٌ نَشٍيٍ بَمَ لْشْي بِرِن، عٍ نُن سَنسِ شْرِ نُن وّنِ نَشَن قَن بَمَ سّرّشّ رَ.»

³⁵«سَلِ شِ سٌلٌمَسَشَن ندٍ، وٌ شَ وٌ مَلَن ﭑ تَن عَلَ بَتُدٍ. وٌ نَشَ وَلِ فبّتّيٍ رَبَ نَ لْشْي.

³⁶وٌ شَ تُورَ قُ نُن قِرِن، يّشّي كٌنتٌنيِ قِرِن، نُن يّشّي قُ نُن نَانِ بَ سّرّشّ فَن دَاشِ رَ، نَشٍيٍ بَرَ حّ كٍرٍن سْتْ، لَنيُرُ مُ نَ نَشَن مَ. عٍ شِرِ حْشُنمّ تٍمَ ﭑ تَن عَلَتَلَ مَ.

³⁷وٌ مَن شَ سَنسِ شْرِ دِنشِ نُن وّنِ سّرّشّ بَ نَشَن لَنمَ سّرِيّ كِ مَ نَ تُورَ، نَ يّشّي كٌنتٌنيِ، نُن نَ يّشّي شَ قٍ رَ.

³⁸وٌ شَ سِكْتّ كٍرٍن قَن بَ ﭑ تَن عَلَتَلَ بّ يُنُبِ شَقَرِ سّرّشّ رَ. وٌ شَ نَ سّرّشّيٍ سَ بٌورٍ سّرّشّيٍ شُن، وٌ نَشٍيٍ بَمَ لْشْي بِرِن، عٍ نُن سَنسِ شْرِ نُن وّنِ نَشَن قَن بَمَ سّرّشّ رَ.»

³⁹«سّرّشّيٍ نَن نَ كِ وٌ لَن وٌ شَ نَشٍيٍ بَ ﭑ تَن عَلَتَلَ بّ وٌ شَ سَلِ لْشْييٍ، بَقٍ وٌ شَ لَايِدِ سّرّشّيٍ، وٌ شَ سّرّشّ حَنِفٍشِيٍ، وٌ شَ سّرّشّ فَن دَاشِيٍ، وٌ شَ سَنسِ شْرِ دِنشِ سّرّشّيٍ، وٌ شَ وّنِ سّرّشّيٍ، نُن وٌ شَ شَنُنتٍيَ سّرّشّيٍ.»