كْنتِ تِقٍ 28

¹عَلَتَلَ نَشَ يِ مَسٍنيِ تِ مُنسَ بّ،

²«عَ قَلَ عِسِرَيِلَكَيٍ بّ، عٍ شَ ﭑ مَ سّرّشّ بَ عَ بَ تّمُي. دٌنسٍيٍ نَن عٍ رَ، نَشٍيٍ فَنمَ، عٍ شِرِ حْشُنمّ تٍ ﭑ نَ.

³«عَ قَلَ عٍ بّ، ‹لْشْ يٌ لْشْ وٌ شَ سّرّشّ فَن دَاشِ بَ عَلَتَلَ بّ، يّشّي قِرِن، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ.

⁴كٍرٍن شَ بَ فّيسّفّ، بٌورٍ شَ بَ نُنمَرٍ.

⁵وٌ مَن شَ سَنسِ شْرِ دِنشِ كِلٌ سَشَن بَ سّرّشّ رَ نَشَن نَمُلَنشِ عٌلِوِ تُرٍ قَنيِ لِتِرِ كٍرٍن نُن عَ تَفِ رَ.

⁶نَ سّرّشّ فَن دَاشِ مْولِ نُ بَمَ ﭑ بّ تُرُ سِنِنَ فٍيَ مَ، عَ شِرِ حْشُنمّ نُ تٍمَ ﭑ نَ.

⁷وّنِ سّرّشّ لِتِرِ كٍرٍن نُن عَ تَفِ بَمَ يّشّي سّيتِ مَ عَلَتَلَ بّ. نَ سّرّشّ رَقَلَمَ يِرٍ سّنِيّنشِ نَن كُي.

⁸وٌ شَ سَنسِ شْرِ دِنشِ سّرّشّ نُن وّنِ سّرّشّ بَ نُنمَرٍ تّمُي يّشّي سّيتِ مَ. نَ بِرِن قِندِ مَ سّرّشّ فَن دَاشِ نَن نَ نَشَن شِرِ حْشُنمّ تٍمَ ﭑ تَن عَلَتَلَ رَ.›»

⁹مَلَبُي لْشْي وٌ شَ يّشّي قِرِن بَ مَلَبُ لْشْي سّرّشّ رَ، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ. سَنسِ شْرِ دِنشِ سّرّشّ نَشَن نَمُلَنشِ تُرٍ كِلٌ سٍننِ رَ، نُن وّنِ سّرّشّ شَ بَ نَ يّشّييٍ سّيتِ مَ.

¹⁰مَلَبُي لْشْي سّرّشّ فَن دَاشِيٍ نَن بَمَ فّيسّفّ نُن نُنمَرٍ سّرّشّيٍ رَ، عَ نُن عٍ شَ وّنِ سّرّشّيٍ.

¹¹كِكٍ شِ سِنفٍ بِرِن، وٌ شَ تُورَ قِرِن بَ سّرّشّ فَن دَاشِ رَ، عَ نُن يّشّي كٌنتٌنيِ كٍرٍن، عَ نُن يّشّي سٌلٌقٍرٍ، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ.

¹²سَنسِ شْرِ دِنشِ سّرّشّ كِلٌ سٌلٌمَنَانِ نَشَن نَمُلَنشِ تُرٍ رَ، عَ شَ سَ تُورَ كٍرٍن يٌ تُورَ كٍرٍن سّيتِ مَ. سَنسِ شْرِ دِنشِ سّرّشّ كِلٌ سٍننِ نَشَن نَمُلَنشِ تُرٍ رَ، عَ شَ سَ يّشّي كٌنتٌنيِ كٍرٍن يٌ يّشّي كٌنتٌنيِ كٍرٍن سّيتِ مَ.

¹³سَنسِ شْرِ دِنشِ سّرّشّ كِلٌ سَشَن نَشَن نَمُلَنشِ تُرٍ رَ، عَ شَ سَ يّشّي كٍرٍن يٌ يّشّي كٍرٍن سّيتِ مَ. سّرّشّ فَن دَاشِ نَن عَ رَ نَشَن فَنمَ، عَ شِرِ حْشُنمّ تٍ ﭑ تَن عَلَتَلَ رَ.

¹⁴وّنِ لِتِرِ سَشَن سّرّشّ شَ بَ تُورَ بِرِن بّ. وّنِ لِتِرِ قِرِن سّرّشّ شَ بَ يّشّي كٌنتٌنيِ بِرِن بّ. وّنِ لِتِرِ كٍرٍن سّرّشّ شَ بَ يّشّي بِرِن بّ. نَ سّرّشّ مْولِ بَمَ كِكٍ شِ سِنفٍ بِرِن حّ كُي.

¹⁵وٌ شَ سِكْتّ كٍرٍن قَن بَ عَلَتَلَ بّ يُنُبِ شَقَرِ سّرّشّ رَ، وٌ فّيسّفّ نُن نُنمَرٍ سّرّشّ بَمَ تّمُي نَشّ، عَ نُن عَ شَ وّنِ سّرّشّ.

¹⁶كِكٍ سِنفٍ شِ قُ نُن نَانِ ندٍ، وٌ شَ سَيَمَلٍكّ دَنفِ سَلِ رَبَ عَلَتَلَ شَ بِنيّ بُن مَ.

¹⁷نَ كِكٍ شِ قُ نُن سُولِ ندٍ قِندِ مَ سَلِ لْشْي نَن نَ. وٌ شَ تَامِ لّبِنِتَرٍ دٌن شِ سٌلٌقٍرٍ بُن مَ.

¹⁸نَ شِ سِنفٍ وٌ شَ وٌ مَلَن عَلَ بَتُدٍ. وٌ نَشَ وَلِ يٌ رَبَ نَ لْشْي.

¹⁹وٌ شَ يِ سّرّشّ فَن دَاشِيٍ بَ عَلَتَلَ بّ نَ لْشْي؛ تُورَ قِرِن، يّشّي كٌنتٌنيِ كٍرٍن، نُن يّشّي سٌلٌقٍرٍ، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ.

²⁰سَنسِ شْرِ دِنشِ سّرّشّ كِلٌ سٌلٌمَنَانِ نَشَن نَمُلَنشِ تُرٍ رَ، عَ شَ سَ تُورَ كٍرٍن يٌ تُورَ كٍرٍن سّيتِ مَ. سَنسِ شْرِ دِنشِ سّرّشّ كِلٌ سٍننِ نَشَن نَمُلَنشِ تُرٍ رَ، عَ شَ سَ يّشّي كٌنتٌنيِ كٍرٍن يٌ يّشّي كٌنتٌنيِ كٍرٍن سّيتِ مَ.

²¹سَنسِ شْرِ دِنشِ سّرّشّ كِلٌ سَشَن نَشَن نَمُلَنشِ تُرٍ رَ، عَ شَ سَ يّشّي يٌ يّشّي سّيتِ مَ.

²²وٌ شَ سِكْتّ كٍرٍن قَن بَ عَلَتَلَ بّ يُنُبِ شَقَرِ سّرّشّ رَ.

²³وٌ شَ نَ سّرّشّيٍ سَ فّيسّفّ دَاشِيٍ شُن مَ، نَشٍيٍ بَمَ لْشْي بِرِن.

²⁴وٌ شَ نٍيٍ بَ شِ سٌلٌقٍرٍ بُن مَ. سّرّشّ فَن دَاشِ نَن عَ رَ نَشَن فَنمَ، عَ شِرِ حْشُنمّ تٍ ﭑ تَن عَلَتَلَ رَ. نٍيٍ بَمَ نّ لْشْ يٌ لْشْ، عٍ نُن بٌورٍ سّرّشّ فَن دَاشِيٍ، نُن وّنِ سّرّشّ.

²⁵عَ شِ سٌلٌقٍرٍ ندٍ، وٌ شَ وٌ مَلَن عَلَ بَتُدٍ. وٌ نَشَ وَلِ فبّتّيٍ رَبَ نَ لْشْي.

²⁶شّ شَبَ سَلِ، وٌ نَ قَ سَنسِ بٌفِ سِنفٍيٍ سّرّشّ رَ عَلَتَلَ شْن مَ، وٌ شَ وٌ مَلَن ﭑ بَتُدٍ. وٌ نَشَ وَلِ يٌ سُشُ نَ لْشْي.

²⁷وٌ شَ يِ سّرّشّيٍ بَ؛ تُورَ قِرِن، يّشّي كٌنتٌنيِ كٍرٍن، نُن يّشّي سٌلٌقٍرٍ، نَشٍيٍ بَرَ حّ كٍرٍن سْتْ. نٍيٍ نَن بَمَ سّرّشّ فَن دَاشِ رَ، عٍ شِرِ حْشُنمّ تٍ ﭑ تَن عَلَتَلَ رَ.

²⁸سَنسِ شْرِ دِنشِ سّرّشّ كِلٌ سٌلٌمَنَانِ نَشَن نَمُلَنشِ تُرٍ رَ، عَ شَ سَ تُورَ كٍرٍن يٌ تُورَ كٍرٍن سّيتِ مَ. سَنسِ شْرِ دِنشِ سّرّشّ كِلٌ سٍننِ نَشَن نَمُلَنشِ تُرٍ رَ، عَ شَ سَ يّشّي كٌنتٌنيِ كٍرٍن يٌ يّشّي كٌنتٌنيِ كٍرٍن سّيتِ مَ.

²⁹سَنسِ شْرِ دِنشِ سّرّشّ كِلٌ سَشَن نَشَن نَمُلَنشِ تُرٍ رَ، عَ شَ سَ يّشّي كٍرٍن يٌ يّشّي كٍرٍن سّيتِ مَ.

³⁰وٌ شَ سِكْتّ كٍرٍن قَن بَ عَلَتَلَ بّ يُنُبِ شَقَرِ سّرّشّ رَ.

³¹وٌ شَ نَ سّرّشّيٍ سَ بٌورٍ سّرّشّيٍ شُن، وٌ نَشٍيٍ بَمَ لْشْي بِرِن، عٍ نُن سَنسِ شْرِ نُن وّنِ نَشَن قَن بَمَ سّرّشّ رَ. لَنيُرُ يٌ نَشَ لُ نَ سّرّشّيٍ مَ.