1«عِ وُلَ عِ سِ دِ بَرِ تّمُي كٌلٌن فٍيَيٍ قَرِ؟
2عِ عٍ شَ قُرِ مَشَنِن كِكٍ كْنتِ كٌلٌن
3عٍ نَ عٍ سَ، عٍ دِ بَرِ مَ،
4عٍ شَ دِيٍ نَ مْ،
5«ندٍ لُوتِ بَشِ سٌقَلٍ مَ،
6ﭑ تَن نَن وُلَ قِندِشِ عَ شْنيِ رَ
7تَا شَ وُندُي مُ رَقَن عَ مَ،
8عَ وُلَ عِسَمَ حٌوفٍ قٍندٍ عَ بَلٌسٍ رَ.»
9«عِ نْمَ سّشّ نِنفٍ رَوَلِدٍ؟
10عِ نْمَ عَ شِرِدٍ سَرِ رَ،
11عِ عِ يِفِ سُشُمَ عَ سّنبّ فبٍ رَ؟
12عِ نْمَ عَ شّيدٍ شّ شَبّ، عَ شَ عِ مَلِ عِ شَ بَلٌي رَ سٌدٍ؟»
13«شْنِ مْولِ ندٍ نَ نَ نَشَن
14عَ عَ شّلّيٍ سَمَ بْشِ مَ،
15عَ مُ عَ مَحْشُن سُبٍ ندٍ نْمَ تِدٍ عٍ قَرِ، عٍ بُلَ.
16عَ مُ مّينِمَ عَ شَ دِيٍ مَ،
17عَ نَ مْولِ رَبَمَ
18كْنْ عَ نَ عَ فِ قْلْ،
19«عِ تَن نَن سٌي سّنبّ قِمَ عَ مَ؟
20عِ تَن نَن عَ نِيَمَ عَ شَ نْ تُفَندٍ عَلْ كَتٌي،
21عَ بْشِ عِبٌرٌنمَ عَ سَنيِ رَ،
22عَ مُ فَاشُمَ سٍسٍ يَ رَ،
23تَنبّيٍ نُن عٍ سَسٍ فبَكُشِ عَ مَ،
24عَ فبَتَشِ تُفَنمَ، عَ شُلُن عَ فِدٍ فٍرٍ يِرٍ.
25فٍرٍ سَرَ نَ قٍ،
26«عِ شَ لْننِ بَرَ عَ نِيَ
27عِ تَن نَن يَامَرِ قِمَ عَ مَ عَ شَ عَ تّي سَ يِرٍ عِتٍشِ؟
28كْي رَ، عَ يِفِيَمَ فّمّ لٌنفٌرِ رَ فٍيَيٍ قَرِ.
29عَ سُبٍيٍ تٌمَ نَ يِرٍ مَكُيٍ نّ،
30سُبٍ شِندٍ حْشُن عَ شَ دِيْرّيٍ بّ.