1عَلَتَلَ مَن نَشَ عَ مَسٍن عَيُبَ بّ،
2«عِ تَن نَشَن عَلَ سّنبّ كَنيِ كَلَمُمَ،
3عَيُبَ نَشَ عَلَتَلَ يَابِ،
4«مِشِ شُرِ دِ نَن ﭑ نَ.
5ﭑ وْيّن نّ كٍرٍن،
6عَلَ مَن نَشَ عَ مَسٍن عَيُبَ بّ تُرُننَادّ قٌيٍ كُي،
7«عِ عِ تَفِ شِرِ فبٍن عَلْ فبَنفبَلَنيِ،
8عِ مُ لَشِ عَ رَ ﭑ مَ كِيتِ تِنشِن؟
9عِ سّنبّ فبٌ عَلَ فبٍ بّ؟
10نَ كُي، عِ عِ مَشِرِ نْرّ نُن شُننَكٍلِ رَ بَ،
11عِ شَ عِ شَ شْنّ مَفَاشُشِ رَ مِنِ بَ،
12عٍ بِرِن كُنتَن،
13بّندّ رَدِن عٍ بِرِن شُن نَ،
14نَ تّمُي ﭑ قَن يّتّ يَتِ عِ مَتْشْمَ نّ،
15«مَلِ مَتٌ بَ عَ قَنيِ رَ،
16عَ سّنبّ فبٍ نَ عَ فُنفُي نّ،
17عَ شُلِ سّنبّ فبٌ عَلْ كٌندٍ بِلِ،
18عَ شْرِيٍ لُشِ عَلْ يْشُي، شَ نَ مُ عَ رَ وُرٍ.
19عَلَ شَ دَالِسٍ قِسَمَنتٍ نَن عَ رَ،
20عَ عَ بَلٌي قٍنمَ فٍيَيٍ كْن سُبٍ شَاحّيٍ يَ مَ.
21عَ شِمَ نِينِ بُن مَ،
22عَ عَ مَلَبُمَ وُرِ بِلِيٍ نِينِ بُن مَ،
23دَبٌنيِ يٍ شَ فبٌي مُ عَ مَفَاشُمَ.
24عَ يَ رَبِشِ نْمَ سُشُدٍ؟
25«عِ نْمَ سْحّ سُشُدٍ كْنيِ رَ؟
26عِ نْمَ عَ حْي، شَ نَ مُ عَ رَ عَ دّ تُنبَدٍ،
27عَ عِ مَيَندِ مَ عِ شَ عَ قُلُن؟
28وٌ سَاتّ شِرِ مَ؟
29عِ نْمَ بٍرٍدٍ عَ رَ عَلْ شْنِ دِ؟
30عِ نْمَ عَ مَتِدٍ؟
31عِ نْمَ عَ كِرِ مَسْشْدٍ تَنبّيٍ رَ؟
32فٍرٍ تِ عَ بّ،