1مَرِفِ شَ مَسٍنيِ نَن يَ،
2ﭑ بّلّشّ نَن سٍيٍ بِرِن نَقَلَشِ نَشٍيٍ نَ دُنِحَ.»
3كْنْ مِشِ نَشَن نِنفٍ بَمَ سّرّشّ رَ فبَنسَن،
4نَ كُي ﭑ قَن عٍ حَشَنكَتَمَ نّ،
5وٌ شَ وٌ تُلِ مَتِ عَلَتَلَ شُي رَ،
6وٌ بَرَ نَ سْنشْي مّ كٍلِقٍ تَا كُي،
7بٍينُ دِ بَرِ شْنّ شَ عَ لِ،
8ندٍ سِنفٍ بَرَ يِ قٍ مْولِ مّ؟
9وٌ مَرِفِ عَلَتَلَ نَشّ،
10وٌ تَن دَرِ سَلَمُ رَقَن نَشٍيٍ مَ،
11وٌ قَمَ نّ عَ شِحّ مِندٍ هَن وٌ لُفَ،
12عَلَتَلَ شَ مَسٍنيِ نَن يَ،
13ﭑ وٌ شَ تْورّ بَمَ نّ وٌ مَ عَلْ دِنفّ عَ شَ دِ شَ تْورّ بَمَ كِ نَشّ.
14وٌ نَ نَ تٌ، وٌ بْحّ سّيوَ مَ نّ،
15عَلَتَلَ نَن نَ كِ، عَ نَ قَقٍ تّ شْورَ،
16عَلَتَلَ عَ شَ كِيتِ سَمَ نّ تّ نُن سَنتِدّفّمَ رَ،
17عَلَتَلَ نَشّ، «مِشِ نَشٍيٍ سّرّشّ بَمَ وٌندِ كُي، عٍ قَ شْسّ نُن بَلٍ سُبٍ دٌن، عَ نُن دٌنسٍ سّنِيّنتَرٍ فبّتّيٍ عَلَتَلَ نَشٍيٍ شْنشِ، عٍ شَ قٍ قَمَ نّ رَحْندٍ كٍرٍنيِ رَ.»
18«ﭑ قَمَ نّ سِ بِرِن مَلَندٍ، سِ نَشٍيٍ شُي وُيَشِ قَلَمَ، ﭑ قَ ﭑ مَ نْرّ مَسٍن عٍ بّ عٍ شَ قٍ رَبَشِيٍ نُن عٍ شَ مَحْشُنيِيٍ شَ قٍ رَ.
19ﭑ تْنشُمَ ندٍ لُمَ نّ عٍ تَفِ، ﭑ قَ عٍ شَ مِشِ كِسِشِيٍ شّي بْنسْييٍ تَفِ، عَلْ تَرَ سِسِ، ثُلُ، لُدُ شَلِ وٌلِيٍ، تُبَلِ، يَوَنِ، نُن سِ فبّتّ نَشٍيٍ نَ يِرٍ مَكُيٍيٍ، نَشٍيٍ مُ ﭑ شِلِ كٌلٌن، نَشٍيٍ مُ ﭑ مَ نْرّ تٌشِ سِندٍن. ﭑ مَ شّيرَيٍ قَمَ نّ ﭑ مَ نْرّ مَسٍندٍ عٍ بّ.
20عٍ مَن قَمَ نّ وٌ نفَشَكٍرٍنيِيٍ رَ نَشٍيٍ تٌمَ نَ حَمَنّيٍ تَفِ. عٍ قَمَ نّ عٍ رَ ﭑ مَ فٍيَ سّنِيّنشِ قَرِ عَلْ سّرّشّ قَمَ كِ نَشّ. عٍ قَمَ نّ عٍ رَ سٌييٍ نُن حْشْمّيٍ قَرِ، عٍ تِشِ سَرّتِيٍ كُي. عٍ قَمَ نّ نَ بِرِن نَ عَلْ عِسِرَيِلَكَيٍ قَمَ عٍ شَ هَدِيَيٍ رَ سٍسَسٍ سّنِيّنشِيٍ كُي كِ نَشّ عَلَتَلَ شَ هْرْ مْبَنشِ كُي.
21ﭑ سّرّشّدُبّ ندٍيٍ سُفَندِ مَ نّ عٍ قَن يَ مَ، عٍ شَ لُ لٍوِ بْنسْي سّيتِ مَ.»
22«ﭑ تَن عَلَتَلَ، ﭑ شَ عَ قَلَ وٌ بّ، عَ ﭑ قَمَ نّ كٌورٍ نّينّ نُن بْشِ نّينّ يَءِلَندٍ وٌ بّ. نَ بُمَ كِ نَشّ، وٌ شِلِ نُن وٌ بْنسْي بُمَ نَ كِ نّ عَبَدَن.
23كٍلِ كِكٍ نّينّ سّرّشّ مَ هَن كِكٍ نّينّ سّرّشّ فبّتّ، كٍلِ مَلَبُ لْشْي مَ هَن مَلَبُ لْشْي فبّتّ، عِبُنَدَ مَ بِرِن قَمَ نّ سُيِدِدٍ ﭑ يَ عِ.
24عٍ مِشِ قَشَشِيٍ تٌمَ نّ نَشٍيٍ مُرُتَشِ ﭑ مَ. نِمَسٍيٍ عٍ قُرٍيٍ دٌنمَ نّ، تّ قَن عٍ سُبٍ فَن، عٍ قَ قِندِ قٍ مَفَاشُشِ رَ عَدَ مَدِيٍ بّ.»