1«ﭑ بَرَ ﭑ يّتّ مَسٍن مِشِيٍ بٍ نَشٍيٍ مُ نُ ﭑ شِلِشِ،
2ﭑ نَ ﭑ بّلّشّ تِ نّ لْشْي بِرِن حَمَ تُلِ شْرْشْشِ بّ،
3نَ حَمَ كَتَمَ تّمُي بِرِن ﭑ نَشْنْقٍ رَ.
4عٍ دْشْمَ فَبُرِ سّيتِ مَ كْي رَ،
5عٍ عَ قَلَمَ مِشِيٍ بّ، ‹وٌ نَشَ وٌ مَسٌ ﭑ نَ دٍ،
6«يِ نَن سّبّشِ ﭑ يَ عِ،
7ﭑ تَن وٌ مَرِفِ نَشّ،
8عَلَتَلَ شَ مَسٍنيِ نَن يَ،
9ﭑ يَشُبَ شَ دِ ندٍيٍ رَكٍلِمَ نّ،
10سَرْن قِيلِ قِمَ نّ عٍ مَ عٍ شُرُ سٍيٍ مَدٌنمَ دّننَشّ،
11«كْنْ وٌ تَن نَشٍيٍ وٌ كٌبٍ سٌشِ ﭑ تَن عَلَتَلَ رَ،
12ﭑ بَرَ نَتّ تٌنفٌ وٌ تَن حَشَنكَتَمَ سَنتِدّفّمَ نَن نَ،
13نَ كُي وٌ مَرِفِ عَلَ يِ نَن قَلَ،
14ﭑ مَ كٌنيِيٍ بّيتِ بَمَ سّيوّ نَن كُي،
15وٌ شِلِ قِندِ مَ نّ دَنكّ رَ ﭑ مَ حَمَ تَفِ.
16مِشِ نَشَن دُبّ رَبَمَ يِ بْشِ مَ،
17«وٌ شَ عَ كٌلٌن ﭑ قَمَ نّ كٌورٍ نُن بْشِ نّينّ دَادٍ.
18كْنْ ﭑ مَ دَالِ، وٌ شَ سّيوَ عَبَدَن،
19ﭑ سّيوَ مَ نّ دَرِ سَلَمُ تَفِ،
20دِ يٌ مُ قَشَمَ عَ يْرّ رَ سْنْن،
21عٍ بَنشِيٍ تِمَ نّ، عٍ سَبَتِ عٍ كُي.
22عٍ مُ بَنشِيٍ تِمَ سْنْن، مِشِ فبّتّيٍ قَ سَبَتِ نٍيٍ كُي.
23عٍ مُ وَلِمَ قُ رَ، عٍ شَ دِيٍ مُ فبَلٌي سْتْمَ.
24بٍينُ عٍ شَ ﭑ مَشَندِ، عَ لِمَ نّ ﭑ حَن بَرَ عٍ شُي سُشُ.
25شُلُمَسٍ نُن سِ لُمَ نّ كُلّ كٍرٍن.