1حَشَنكَتّ نَ تِرٍكَيٍ بّ.
2وٌ وٌ سَبَرِ، وٌ تَن نَشٍيٍ سَبَتِشِ بَا دّ رَ،
3بَا بَرَ عَ نِيَ وٌ شَ سَنسِ شْرِ سْتْ كٍلِقٍ سِشٌرِ.
4سِدْنكَيٍ، وٌ يَافِ، وٌ تَن نَشٍيٍ شَ نْي نُ نَ بَا شُن مَ.
5مِسِرَكَيٍ نَ نَ شِبَارُ مّ تِرٍ شَ قٍ رَ،
6وٌ شَ سِفَ تَرَ سِسِ.
7سِنفٍ وٌ شَ تَا نُ نَ حّلّشِنيِ نَن كُي،
8ندٍ يِ نَتّ تٌنفٌشِ تِرٍ شِلِ مَ،
9عَلَتَلَ سّنبّمَ نَن يِ نَتّ تٌنفٌشِ،
10تَرَ سِسِكَيٍ، وٌ شَ بْشِ رَوَلِ عَلْ عَ رَبَمَ نِلِ شُرٍ دّ رَ كِ نَشّ،
11عَلَتَلَ بَرَ عَ بّلّشّ عِتَلَ بَا شُن مَ،
12عَ نَشّ، «عِ تَن سِدْن تَا تٌقَنيِ،
13كَلِدٍ بْشِ مَتٌ بَ. عٍ شُن بَرَ رَكَنَ.
14«تَرَ سِسِ كُنكُي كَنيِيٍ، وٌ شَ وٌ وَ شُي عِتٍ،
15تِرٍ لُمَ نّيمُي نَن كُي هَن حّ تٌنفٌ سٌلٌقٍرٍ، مَنفّ كٍرٍن شَ بُي شَسَبِ. حّ تٌنفٌ سٌلٌقٍرٍ رَحْنيِ، قٍ قَمَ رَبَدٍ تِرٍ بّ عَلْ عَ قَلَشِ سِفِ كُي لَنفٌي فِنّ شَ قٍ رَ كِ نَشّ،
16«عِ تَن لَنفٌي فِنّ، بِرِن نّيمُشِ نَشَن مَ،
17حّ تٌنفٌ سٌلٌقٍرٍ رَحْنيِ، مَرِفِ عَ يَ رَقِندِ مَ نّ تِرٍ مَ. عَ فبِلٍنمَ نّ عَ شَ لَنفٌيحَ قٌرِ مَ، عَ عَ يّتّ سَ دُنِحَ مَنفّيَيٍ بِرِن سَفٌي كْبِرِ شَ قٍ رَ.
18كْنْ عَ شَ فٍينِ قَمَ رَوَلِدٍ عَلَتَلَ شَ قٍ نَن كُي. عَ مُ نْمَ نَ رَفَتَدٍ عَ يّتّ بّ، عَ لُمَ مِشِيٍ نَن بّ نَشٍيٍ بِرَ مَ عَلَتَلَ قْشْ رَ، عَلَكٌ عٍ شَ دٌنمَ قَنيِيٍ نُن بَلٌي فبٍفبٍ سْتْ.