1حَشَنكَتّ نَ فُلُنبَ بّ تٌي تِمَ دّننَشّ.
2سِنفٍ وٌ نُ شُلُنيِ رَبَمَ، وٌ نُ وٌ شُي عِتٍ حّلّشِنيِ كُي،
3وٌ شَ مَنفّيٍ نَن تُن عٍ فِشِ عٍ سِفَ يِرٍ مَكُيٍ.
4نَ كُي ﭑ نَشَ عَ قَلَ، «وٌ ﭑ لُ نَ، ﭑ شَ وَ عَ شْرْشْي رَ.
5عَلَتَلَ سّنبّمَ شَ لْشْي يَ عِسٌشِ نَن نُ عَ رَ،
6عٍلَمَكَيٍ عٍ شَ شَلِ سَسٍ فبَكُمَ عٍ مَ،
7سْورِ نُ بَرَ وُيَ وٌ شَ فُلُنبَ قَنيِيٍ كُي،
8سٍسٍ مُ لُشِ وٌ نُن وٌ يَشُييٍ تَفِ سْنْن.
9وٌ نَشَ عَ تٌ يَلٍ فبٍفبٍ نُ بَرَ تِ دَوُدَ شَ تَا تّتّ مَ.
10وٌ نَشَ دَرِ سَلَمُ بَنشِيٍ مَتٌ، وٌ قَ ندٍ رَبِرَ عَلَكٌ وٌ شَ تّتّ سّنبّ سٌ.
11وٌ نَشَ يٍ رَفَتَدٍ يَءِلَن تّتّ قِرِنيِيٍ تَفِ،
12ﭑ مَرِفِ عَلَتَلَ نُ بَرَ شِلِ تِ نَ لْشْي حَمَ شَ وَ سُننُنيِ كُي،
13كْنْ وٌ مُ تِن نَ رَ، وٌ نَشَ شُلُنيِ تِ حّلّشِنيِ كُي،
14عَلَتَلَ سّنبّمَ بَرَ عَ مَسٍن ﭑ بّ، عَ نَشّ،
15ﭑ مَنفّ عَلَتَلَ نَشَ عَ مَسٍن ﭑ بّ، عَ نَشّ،
16‹عِ فبٍ نَ مُنسٍ رَ بٍ؟
17عَ فبٍ مُ لُشِ، عَلَتَلَ شَ عِ سُشُ، عَ شَ عِ وٌلِ يِرٍ مَكُيٍ.
18عَ عِ وٌلِ بْشِ بٍلٍبٍلٍ ندٍ مَ.
19ﭑ عِ كٍرِ مَ نّ عِ شَ وَلِدٍ،
20«نَ لْشْي ﭑ شِلِكِيَ شَ دِ عٍلِيَكِمِ شِلِمَ نّ، عَ شَ ﭑ مَ وَلِ رَبَ.
21ﭑ عِ شَ مَنفّ فُبَ رَفٌرٌ مَ نّ عَ مَ، ﭑ عِ شَ بّلّتِ شِرِ عَ تَفِ، ﭑ قَ عِ شَ مَنفّيَ قِ عَ مَ. عَ قِندِ مَ دَرِ سَلَمُكَيٍ نُن يُدَيَكَيٍ بَبَ نَن نَ.
22ﭑ دَوُدَ شَ مَنفّيَ سَابِ سٌمَ نّ عَ يِ رَ. عَ نَ نَادّ ندٍ رَبِ، مِشِ يٌ مُ عَ بَلَنمَ. عَ نَ نَادّ ندٍ بَلَن، مِشِ يٌ مُ عَ رَبِمَ.
23عَ قَمَ نّ بِنيّ رَ عَ بَبَ بْنسْي بّ. ﭑ عَ تِمَ نّ عَلْ وُرِ دِ نَشَن بَنبَنشِ عَ قَنيِ رَ بَنشِ بِلِ مَ،
24عَ بَبَ بْنسْي شَ قٍ بِرِن فبَكُمَ نَشَن نَ، قٍ شُنشُرِيٍ نُن قٍ شُنفبٍيٍ.»
25مَنفّ عَلَتَلَ مَن نَشَ عَ مَسٍن، «كْنْ لْشْي ندٍ نَ وُرِ دِ نَشَن نُ بَنبَنشِ عَ قَنيِ رَ بَنشِ بِلِ مَ، عَ قَمَ نّ بٌلٌندٍ، عَ بِرَ عَ نُن قٍ نَشَن بِرِن نُ فبَكُشِ عَ رَ.» عَلَتَلَ شُي نَن نَ كِ.