1نُهَ شَ دِيٍ، سٍمِ، هَمِ، نُن يٍقٍتِ شَ تَرُشُي نَن يَ، عَ نُن عٍ قَن شَ دِيٍ عٍ نَشٍيٍ سْتْ بَنبَرَنيِ دَنفِ شَنبِ.
2يٍقٍتِ شَ دِيٍ شِلِيٍ نَن يَ؛ فٌمٍرِ، مَفٌفٌ، مَدَيِ، يَوَنِ، تُبَلِ، مٍسٍكِ، تِرَ سِ.
3فٌمٍرِ شَ دِيٍ شِلِيٍ نَن يَ؛ عَسِكٍنَسِ، رِقَتِ، تٌفَرَ مَ.
4يَوَنِ شَ دِيٍ شِلِيٍ نَن يَ؛ عٍلِسَهَ، تَرَ سِسِ، كِتِمِ، رٌدَنِمِ.
5يٍقٍتِ شَ مِشِيٍ نَشَ سَبَتِ بَا دّ رَ عٍ شَبِلّ كِ مَ، كَنكَن نُن عَ فبٍ شُي. عٍ نَشَ قِندِ سِ دْشْ وُيَشِ رَ عٍ شَ بْشِ مَ.
6هَمِ شَ دِيٍ شِلِيٍ نَن يَ؛ كُسِ، مِسِرَ، ثُتِ، كَنَان.
7كُسِ شَ دِيٍ شِلِيٍ نَن يَ؛ سٍبَ، هَوِلَ، سَبَتَ، رَامَ، سَبِتٍكَ. رَامَ شَ دِيٍ شِلِيٍ نَن يَ؛ سٍيبَ، دٍدَن.
8نِمِرٌدِ فٍرٍ سٌي بٍلٍبٍلٍ نَن نُ عَ رَ. عَ بَبَ شِلِ كُسِ.
9نِمِرٌدِ مَن قِندِ كٌيِنمَ بٍلٍبٍلٍ رَ عَلَتَلَ يَ عِ. مِشِيٍ نُ عَ قَلَمَ، «كٌيِنمَ بٍلٍبٍلٍ نَن نِمِرٌدِ رَ عَلَتَلَ يَ عِ.»
10عَ شَ مَنفّيَ تَا سِنفٍيٍ قِندِ بَبِلْن، عٍرٍكِ، عَكَدِ، نُن كَلٍنٍ نَن نَ، نَشٍيٍ نُ نَ سِنَرِ بْشِ مَ.
11عَ نَشَ كٍلِ سِنَرِ، عَ سِفَ عَسِرِيَ بْشِ مَ. مّننِ عَ نَشَ تَايٍ تِ نَشٍيٍ شِلِ نِنٍوٍ، رٍهٌبٌتِ، عِرِ، كَلَ،
12نُن رٍ سٍن، تَا بٍلٍبٍلٍ نَشَن نَ نِنٍوٍ نُن كَلَ تَفِ.
13مِسِرَ نَشَ قِندِ لُدُكَيٍ، عَنَمِكَيٍ، لٍهَبَكَيٍ، نَقَتُ،
14ثَتِرُ سُكَيٍ، كَسَلُشُكَيٍ، (قِلِسِتَكَيٍ كٍلِ دّننَشّ)، عَ نُن كَقَتٌرٌكَيٍ بٍنبَ رَ.
15كَنَان نَشَ قِندِ يِ مِشِيٍ بَبَ رَ؛ سِدْنكَيٍ، عَ شَ دِ سِنفٍ، شِتِكَيٍ،
16يٍبُسُكَيٍ، عَمٌرِكَيٍ، فِرِفَسَكَيٍ،
17هِوِكَيٍ، عَرَكِكَيٍ، سِنِكَيٍ،
18عَرَوَدَكَيٍ، سٍمَرَكَيٍ، نُن شَمَتَكَيٍ. بْنسْي نَشَن بِرِن كٍلِ كَنَان، عٍ نَشَ يٍنسٍن يّ.
19كَنَان شَ نَانِنيِ نَشَ كٍلِ سِدْن سِفَقٍ فٍرَرَ، عَ نَشَ سِفَ هَن فَسَ، عَ دَنفِ سٌدٌ مَ، فٌمٌرَ، عَدَ مَهَ، نُن سٍبٌيِمِ رَ، عَ سِفَ هَن لَسَ.
20هَمِ شَ مِشِيٍ نَن يَ عٍ شَبِلّ كِ مَ، كَنكَن نُن عَ فبٍ شُي. عٍ نَشَ قِندِ سِ دْشْ وُيَشِ رَ عٍ شَ بْشِ مَ.
21يٍقٍتِ شُنيَ سٍمِ قَن نَشَ دِيٍ سْتْ. عٍبٍرِ شَ دِيٍ بٍنبَ نَن نَ سٍمِ رَ.
22سٍمِ شَ دِيٍ شِلِيٍ نَن يَ؛ عٍلَمَ، عَسُرِ، عَرَقَشَدِ، لُدُ، نُن عَرَ مِ.
23عَرَ مِ شَ دِيٍ شِلِيٍ نَن يَ؛ عُسِ، شُلُ، فٍتٍرِ، نُن مٍسٍكِ.
24عَرَقَشَدِ نَشَ قِندِ سٍلَهَ بَبَ رَ. سٍلَهَ نَشَ قِندِ عٍبٍرِ بَبَ رَ.
25عٍبٍرِ نَشَ دِ قِرِن سْتْ. كٍرٍن شِلِ ثٍلٍفِ. نَ نَن قَلَشِ «مَءِتَشُنيِ،» بَرِ مَ عَلَ دُنِحَ مِشِيٍ عِتَشُن نَ وَشَتِ نّ. عَ شُنيَ شِلِ يٌكَتَن.
26يٌكَتَن شَ دِيٍ شِلِيٍ نَن يَ؛ عَلٌمٌدَدِ، سٍلٍقَ، هَسَرَ مَوٍتٍ، يٍرَ،
27هَدٌرَ مِ، عُسَلِ، دِكِلَ،
28عٌبَلَ، عَبِمَيٍلٍ، سٍيبَ،
29عٌقِرِ، هَوِلَ، نُن يٌبَبٌ. يٌكَتَن نَشَ نَ دِيٍ بِرِن سْتْ.
30عٍ شَ بْشِ كٍلِمَ مٍسَ، عَ سِفَ هَن سٍقَرٍ، نَشَن نَ فٍيَ سٌفٍتٍدٍ مَبِرِ.
31سٍمِ شَ دِيٍ نَن يَ عَ شَبِلّ كِ مَ، كَنكَن نُن عَ فبٍ شُي. عٍ نَشَ قِندِ سِ دْشْ وُيَشِ رَ عٍ شَ بْشِ مَ.
32نُهَ شَ دِيٍ بْنسْييٍ شَ تَرُشُي نَن نَ كِ. بَنبَرَنيِ دَنفِ شَنبِ، يِ بْنسْي نَن قِندِ دُنِحَ سِ بِرِن نَ.