عَننَبِ عٍسٍكِيٍلِ 32

¹عَ حّ قُ نُن قِرِن ندٍ، كِكٍ قُ نُن قِرِن، شِ سِنفٍ رَ، عَلَتَلَ نَشَ عَ مَسٍن ﭑ بّ، عَ نَشّ،

²«عَدَ مَدِ سُوكِ ندٍ سَ مِسِرَ مَنفّ قِرَوُنَ بّ، عَ قَلَقٍ رَ؛

³عِ مَرِفِ عَلَتَلَ يِ نَن مَسٍنشِ، عَ نَشّ؛

⁴ﭑ عِ رَتٍمَ نّ شَرٍ مَ،

⁵ﭑ عِ سُبٍ سَمَ نّ فٍيَيٍ قَرِ،

⁶بْشِ بُندَ عِ وُلِ رَ هَن فٍيَيٍ قَرِ،

⁷ﭑ نَ عِ شُن نَكَنَ،

⁸ﭑ يَنبَسٍيٍ بِرِن مَكٌتٌمَ نّ عِ شَ قٍ رَ،

⁹«ﭑ نَ عِ شَ كَنَرِ مَسٍن حَمَنّيٍ مَ،

¹⁰ﭑ نَ ﭑ مَ سَنتِدّفّمَ بَ عَ تّي كُي،

¹¹عٍ مَرِفِ عَلَتَلَ يِ نَن مَسٍنشِ، عَ نَشّ؛

¹²ﭑ عِ شَ سْورِ فَلِيٍ رَفٌرٌ مَ نّ حَلَمَيٍ شَ سَنتِدّفّمَ رَ،

¹³ﭑ عِ شَ شُرُ سٍيٍ قَشَمَ نّ نِلِ شُرٍ دّ رَ.

¹⁴ﭑ نَ يٍ رَشَرَ مَ نّ، عَ شّلّ عَلْ تُرٍ.

¹⁵«ﭑ نَ مِسِرَ بْشِ قِندِ يِرٍ مَشَرَشِ رَ،

¹⁶«سُننُن سُوكِ نَن نَ كِ، حَمَنّيٍ قَمَ نَشَن بَدٍ مِسِرَ نُن عَ شَ سْورِ فَلِيٍ بّ. وٌ مَرِفِ عَلَتَلَ شُي نَن نَ كِ.»

¹⁷عَ حّ قُ نُن قِرِن ندٍ، كِكٍ قُ نُن قِرِن، شِ قُ نُن سُولِ ندٍ رَ، عَلَتَلَ نَشَ عَ مَسٍن ﭑ بّ، عَ نَشّ،

¹⁸«عَدَ مَدِ، وَ شُي رَتٍ مِسِرَ شَ سْورِ فَلِيٍ نُن حَمَنّيٍ شَ قٍ رَ، نَشٍيٍ بِرِن سِفَمَ عَلِفِيَمَ.

¹⁹عَ قَلَ عٍ بّ، ‹وٌ تَن شَ قٍ دَنفِ وٌ بٌورٍيٍ رَ؟ وٌ قَشَمَ نّ، وٌ نُن سُننَتَرٍيٍ رَفَتَ يِرٍ كٍرٍن.›

²⁰مِسِرَ نُن عَ شَ سْورِ فَلِيٍ قَشَمَ سَنتِدّفّمَ نَن سَابُي رَ.

²¹عٍ حَمَنّ مَنفّ حَلَمَيٍ لِمَ نّ عَلِفِيَمَ، نَشٍيٍ عَ قَلَمَ مِسِرَ شَ قٍ رَ، ‹عٍ قَن بَرَ سِفَ عَلِفِيَمَ، عٍ قَ لُ سُننَتَرٍيٍ قّ مَ نَشٍيٍ مَن قَشَشِ سَنتِدّفّمَ رَ.›»

²²«عَسِرِيَ نُن عَ شَ سْورِ فَلِ بِرِن نَ مّننِ فَبُرِيٍ تَفِ، عَ شَ مِشِيٍ بِرِن نَشٍيٍ قَشَشِ سَنتِدّفّمَ رَ.

²³عَسِرِيَكَيٍ رَفَتَشِ عَلِفِيَمَ، عٍ شَ سْورِ فَلِيٍ سَشِ عٍ سّيتِ مَ، عٍ تَن نَشٍيٍ بِرِن فبَلٌي رَدِن دُنِحَ مَ عٍ شَ سَنتِدّفّمَ سَابُي رَ.»

²⁴«عٍلَمَ نُن عَ شَ سْورِ فَلِيٍ قَن نَ عٍ شَ فَبُرِيٍ سّيتِ مَ. عٍ قَن قَشَشِ سَنتِدّفّمَ نَن نَ، عٍ تَن نَشٍيٍ فبَلٌي رَدِن دُنِحَ مَ، عٍ قَن سَمَ نّ سُننَتَرٍيٍ سّيتِ مَ عَلِفِيَمَ، يَافِ نَ عٍ قْشْ رَ.

²⁵عَ تَن نُن عَ شَ سْورِ فَلِيٍ بِرِن سَشِ مِشِ قَشَشِيٍ يَ مَ مّننِ، عٍ فَبُرِيٍ عَ رَبِلِنشِ. نَ سُننَتَرٍيٍ بِرِن قَشَشِ سَنتِدّفّمَ نَن نَ. عٍ تٌ فبَلٌي رَدِن دُنِحَ مَ، عٍ قَن سِفَمَ نّ عَلِفِيَمَ يَافِ كُي، عٍ قَ لُ مِشِ قَشَشِيٍ يَ مَ.»

²⁶«مٍسٍكِ نُن تُبَلِ شَ سْورِ فَلِيٍ قَن نَ نَا فَبُرِيٍ كُي. نَ سُننَتَرٍيٍ بِرِن قَشَشِ سَنتِدّفّمَ نَن نَ، بَرِ مَ عٍ نُ فبَلٌي رَدِنمَ دُنِحَ مَ.

²⁷عٍ مُ سَشِ سْورِ سُننَتَرٍ فبّتّيٍ قّ مَ، نَشٍيٍ سِفَشِ عَلِفِيَمَ عٍ شَ فٍرٍ سٌسٍيٍ رَ، عٍ شَ سَنتِدّفّمَ سَشِ عٍ شُنيِ بُن مَ؟ عٍ شَ يُنُبِ سَرٍ بَرَ فبِلٍن عٍ شْرِيٍ مَ فبَلٌي شَ قٍ رَ، عٍ نَشَن نَبَشِ دُنِحَ مَ.»

²⁸«مِسِرَ مَنفّ قِرَوُنَ قَن بِرَ مَ نّ، عَ قَ سَ سُننَتَرٍيٍ يَ مَ نَشٍيٍ قَشَشِ سَنتِدّفّمَ رَ.»

²⁹«عٍدٌن شَ مَنفّيٍ نُن عَ شَ كُنتِفِيٍ قَن نَ نَا. هَلِ عٍ سّنبّ نُ فبٌ، يَكْسِ عٍ سَشِ سُننَتَرٍيٍ يَ مَ نَشٍيٍ قَشَشِ سَنتِدّفّمَ رَ.»

³⁰«مَنفّ نَشٍيٍ كٍلِشِ كْولَ مَبِرِ رَ، نُن سِدْنكَيٍ قَن نَ نَا. هَلِ عٍ سّنبّ نُ فبٌ، عٍ قَ فبَلٌي رَبَ دُنِحَ مَ، عٍ قَن سَشِ سُننَتَرٍيٍ يَ مَ نَشٍيٍ قَشَشِ سَنتِدّفّمَ رَ. نَ يَافِ نَ عٍ شُن مَ عَلِفِيَمَ.»

³¹«مِسِرَ شَ قِرَوُنَ نُن عَ شَ سْورِ فَلِيٍ نٍيٍ تٌمَ نّ، عٍ قَ مَدُندُ عٍ شَ سْورِيٍ شَ قٍ رَ نَشٍيٍ قَشَشِ سَنتِدّفّمَ رَ. وٌ مَرِفِ عَلَتَلَ شُي نَن نَ كِ.

³²هَلِ ﭑ تٌ عَ لُ عَ فبَلٌي رَبَ دُنِحَ مَ، قِرَوُنَ نُن عَ شَ سْورِ فَلِيٍ سَمَ نّ سُننَتَرٍيٍ قّ مَ نَشٍيٍ قَشَشِ سَنتِدّفّمَ رَ. وٌ مَرِفِ عَلَتَلَ شُي نَن نَ كِ.»