1عَ حّ قُ نُن كٍرٍن ندٍ، كِكٍ سَشَن، شِ سِنفٍ رَ، عَلَتَلَ نَشَ عَ مَسٍن ﭑ بّ، عَ نَشّ،
2«عَدَ مَدِ، عَ قَلَ مِسِرَ قِرَوُنَ نُن عَ شَ حَمَ بّ،
3عَسِرِيَ بْشِ نُ لُشِ نّ عَلْ سّدِرِ وُرِ بِلِ ندٍ نَشَن نُ نَ لِبَن وٌندِ.
4تُنّ يٍ نُ بَرَ عَ رَ مْ،
5نَ نَن عَ نِيَ، عَ تَن نُ عِتٍ نَ قْتْنيِ وُرِ بِلِيٍ بِرِن بّ،
6شْنِيٍ نُ عٍ شّلّيٍ سَمَ عَ سَلٌنيِيٍ مَ،
7عَ نُ تٌقَن عَ شَ شُنفبٍ شَ قٍ رَ،
8سّدِرِ بِلِ نَشٍيٍ نُ نَ عَلَ شَ بْشِ مَ عٍدٍن مَبِرِ،
9ﭑ تَن نَن عَ رَتٌقَن، ﭑ تَن نَ عَ سَلٌنيِيٍ وُيَ،
10«نَ نَن عَ تٌ، وٌ مَرِفِ عَلَتَلَ نَشَ يِ مَسٍن؛ عَ تٌ نُ عِتٍ دَنفِ وُرِ بِرِن نَ، يّتّ عِفبٌحَ قَ لُ عَ بْحّ كُي،
11ﭑ عَ سَشِ حَمَنّيٍ شَ مَنفّيٍ سَفٌي نَ نَن مَ، عٍ شَ عَ حَشَنكَتَ عَ شَ حَاشُحَ بّرّ رَ. ﭑ تٌ عَ بّحِن،
12مَنفّ ندٍ نَشَن كٌبِ عَ بِرِن بّ، عَ بَرَ عَ قْن، عَ قَ عَ لُ نَا. عَ سَلٌنيِيٍ بَرَ بِرَ فٍيَيٍ قَرِ نُن فُلُنبَيٍ كُي. عَ سَلٌنيِ فِرَشِيٍ نُ نَ بْشِ بِرِن مَ. حَمَنّيٍ نَشَ كٍلِ عَ نِينِ بُن مَ.
13شْنِيٍ نُن بُرُنيِ سُبٍيٍ فبَنسَن نَن نُ لُشِ عَ سَلٌنيِيٍ تَفِ.
14نَ كُي، عَ مُ لَنمَ وُرِ يٌ شَ كُيَ نَ كِ دَنفِ وُرِ بِرِن نَ. وُرِ نَشٍيٍ يٍ سْتْ عَ قَنيِ رَ، عَ مُ لَن عٍ شَ نَ كُيّيَ لِ. سّرِيّ كِ مَ، عٍ شَ قَشَ عَلْ عِبُنَدَ مَ نَشَن سِفَمَ عَلِفِيَمَ.»
15«وٌ مَرِفِ عَلَتَلَ يِ نَن مَسٍنشِ؛ عَ قَشَ لْشْي نَشّ، ﭑ عَ حْن قٍ رَبَ نّ يٍ بِرِن نَ، يٍ قَ شْرِ. ﭑ نَشَ دِ مِ رَ سِن لِبَن مَ عَ شَ قٍ رَ، قْتْنيِ نَشَ شَرَ.
16ﭑ نَشَ حَمَنّيٍ رَفَاشُ عَ بِرَ شُي مَ، ﭑ تٌ عَ قَشَ عَلْ مِشِ نَشٍيٍ قَشَشِ سِفَمَ عَلِفِيَمَ. نَ تّمُي عٍدٍن وُرِ بِلِيٍ بِرِن، نَشٍيٍ قَن لِبَن وُرِ بِلِيٍ بِرِن بّ، نَشٍيٍ يٍ سْتْ عَ قَنيِ رَ، نٍيٍ نَشَ رَشَرَ.
17مِشِ نَشٍيٍ نُ سَبَتِشِ نَ وُرِ شُنفبٍ نِينِ بُن مَ، عٍ نُن نَشٍيٍ نُ سَاتَشِ، عٍ قَن نَشَ سِفَ عَلِفِيَمَ، عٍ قَ مِشِيٍ لِ عٍ نُ بَرَ نَشٍيٍ قَشَ سَنتِدّفّمَ رَ.»
18«عٍدٍن وُرِ مُندُن مَنِيَمَ وٌ شَ تٌقَنيِ نُن وٌ شَ سّنبّ رَ؟ هَلِ وٌ تَن فٌرٌ عَلِفِيَمَ، وٌ قَ لُ سُننَتَرٍيٍ يَ مَ نَشٍيٍ قَشَمَ سَنتِدّفّمَ رَ. نَ بِرِن مِسَالِشِ مِسِرَ مَنفّ قِرَوُنَ نُن عَ شَ سْورِ فَلِ نَن نَ. وٌ مَرِفِ عَلَتَلَ شُي نَن نَ كِ.»