يّتّ سْتْي 34

¹عَلَتَلَ نَشَ عَ مَسٍن مُنسَ بّ، «وَلَشّ قِرِن مَسٌلِ فّمّ رَ، نَشٍيٍ مَنِيَ نَ سِنفٍيٍ رَ عِ نَشٍيٍ كَنَ. ﭑ شَ سّبّلِ تِ عٍ مَ، عَلْ سّبّلِ نَشَن نُ تِشِ نَ بٌورٍيٍ مَ.

²عِ شَ كُرُن تِنَ فّيسّفّ تٍقٍ رَ تُرُ سِنِنَ فٍيَ قَرِ عِ ﭑ لِمَ دّننَشّ.

³عِ نَشَ قَ مِشِ يٌ رَ، مِشِ يٌ نَشَ تٍ فٍيَ مَ. هَلِ شُرُ سٍيٍ نَشَ عٍ دّ مَدٌن مّننِ.»

⁴مُنسَ نَشَ فّمّ وَلَشّ قِرِن مَسٌلِ عَلْ عَ سِنفٍيٍ. سُبَشّ عَ نَشَ تٍ تُرُ سِنِنَ فٍيَ مَ نَ وَلَشّيٍ رَ، عَلْ عَلَتَلَ عَ يَمَرِ كِ نَشّ.

⁵عَلَتَلَ تٌ فٌرٌ نُشُي كُي مُنسَ يِرٍ عَ شِلِ مَسٍندٍ عَ بّ،

⁶عَ نَشَ دَنفِ مُنسَ يَ رَ، عَ قَ عَ يِتَ عَ بّ،

⁷ﭑ مَ دُفُتّفّحَ بُمَ عَبَدَن.

⁸مُنسَ نَشَ عَ قٍلٍن بْشِ مَ،

⁹عَ قَ عَ قَلَ، «ﭑ مَرِفِ، ﭑ بَرَ عِ مَشَندِ، شَ ﭑ عِ كّنّن، عِ شَ حّرّ مُشُ يَ مَ، بَرِ مَ شُرُتَرٍ نَن مُشُ رَ. عِ شَ دِحّ مُشُ شَ مَتَندِ مَ، عِ شَ مُشُ شَ يُنُبِيٍ شَقَرِ، عَلَكٌ مُشُ شَ قِندِ عِ شَ حَمَ يَتِ نَن نَ.»

¹⁰عَلَتَلَ نَشَ عَ يَابِ، «ﭑ شَ سَاتّ تٌنفٌ وٌ بّ. ﭑ قَمَ نّ كَابَنَكٌي رَبَدٍ وٌ يَ مَ، نَشٍيٍ سِنفٍ مُ نُ رَبَ دُنِحَ كُي. سِ بِرِن كَابَمَ نّ عَلَتَلَ شَ وَلِ مَفَاشُشِيٍ مَ، ﭑ نَشٍيٍ رَبَمَ عِ تَن سَابُي رَ.

¹¹وٌ حّنفِ سَ ﭑ مَ يَامَرِ شْن مَ ﭑ نَشَن قَلَمَ وٌ بّ تٌ. ﭑ قَمَ نّ عَمٌرِكَيٍ، كَنَانكَيٍ، شِتِكَيٍ، ثٍرِ سِكَيٍ، هِوِكَيٍ، نُن يٍبُسُكَيٍ كٍرِدٍ وٌ يَ رَ.

¹²وٌ نَ سٌ نَ، وٌ نُن عٍ تَن نَشَ سَاتّ يٌ شِرِ، شَ نَ مُ عَ رَ عٍ قِندِ مَ فَنتَنيِ نَن نَ وٌ بّ.

¹³عَ لَنمَ وٌ شَ عٍ شَ سّرّشّبَدٍيٍ رَبِرَ، وٌ شَ عٍ شَ فّمّ تْنشُمَيٍ كَنَ، وٌ شَ عٍ شَ كُيٍيٍ مَسٌلِشِيٍ مَسّفّ.

¹⁴وٌ نَشَ وٌ مَفٌرٌ عَلَ فبّتّ بُن مَ، بَرِ مَ ﭑ تَن نَشَن شِلِ عَلَتَلَ، ﭑ مُ وَ مَ ﭑ قِرِن ندٍ شْن.

¹⁵وٌ نَشَ سَاتّ شِرِ وٌ نُن نَ بْشِكَيٍ رَ، عَلَكٌ وٌ نَشَ ﭑ يَنقَ، وٌ قَ عٍ شَ عَلَيٍ شَ سّرّشّيٍ دٌن عٍ وٌ شِلِمَ لَندٍ نَشٍيٍ مَ.

¹⁶وٌ نَشَ مّننِ فِنّيٍ قٍن وٌ شَ دِيٍ بّ، عَلَكٌ عٍ نَشَ عَ نِيَ وٌ شَ دِيٍ شَ عٍ شَ عَلَيٍ بَتُ.

¹⁷وٌ نَشَ عَلَ فبّتّ يَءِلَن وُرٍ رَشُنُشِ رَ.»

¹⁸«وٌ شَ تَامِ لّبِنِتَرٍ سَلِ رَبَ. شِ سٌلٌقٍرٍ بُن مَ عَبِبَ كِكٍ رَ، وٌ شَ تَامِ لّبِنِتَرٍ فبَنسَن دٌن، عَلْ ﭑ وٌ يَمَرِشِ كِ نَشّ. وٌ شَ رَتُ عَ مَ عَ ﭑ وٌ رَ مِنِشِ مِسِرَ بْشِ كُي نَ كِكٍ نَن نَ.»

¹⁹«ﭑ فبٍ نَن دِ شّمّ سِنفٍ بِرِن نَ، عَ قِندِ مِشِ رَ، عَ قِندِ شُرُ سٍ رَ وٌ شَ فْورّ كُي عَلْ نِنفٍ، يّشّي، شَ نَ مُ عَ رَ سِ.

²⁰وٌ شَ سٌقَلٍ شَ دِ سِنفٍ شُن سَرَ يّشّي شَ نَ مُ عَ رَ سِ رَ. شَ وٌ مُ تِن نَ رَ، وٌ شَ نَ سٌقَلٍ كْنيِ فِرَ. وٌ شَ دِ شّمّ سِنفٍ بِرِن شُن سَرَ. وٌ نَشَ وٌ مَكْرّ ﭑ نَ وٌ بّلّشّ عِفٍلِ رَ.»

²¹«وٌ شَ وَلِ شِ سٍننِ لْشُنيِ كُي، كْنْ عَ شِ سٌلٌقٍرٍ ندٍ، وٌ شَ وٌ مَلَبُ. هَلِ عَ قِندِ شّ بُشَ نُن شّ شَبَ تّمُي نَن نَ، وٌ شَ نَ سّرِيّ سُشُ.»

²²«وٌ شَ لْشُنيِيٍ سَلِ رَبَ عَلَ تَنتُقٍ رَ وٌ مّنفِ سِنفٍ شَبَمَ تّمُي نَشّ، عَ نُن وٌ شّ شَبَمَ تّمُي نَشّ حّ حْنيِ.

²³حّ كٍرٍن كُي، شّمّ بِرِن شَ قَ سَلِ رَبَ رَ عِسِرَيِلَ مَرِفِ عَلَتَلَ يَ شْرِ سَنيَ سَشَن.

²⁴نَ وَشَتِ سَشَنيِ كُي، ﭑ مُ تِنمَ سِ يٌ شَ قَ وٌ شَ بْشِ بَ وٌ يِ رَ. ﭑ عَ نِيَمَ نّ وٌ شَ نْ عٍ رَ، وٌ قَ ندٍ سَ وٌ شَ بْشِ شَ فبٌي شُن مَ.»

²⁵«وٌ نَشَ قَ شُرُ سٍ سّرّشّ رَ ﭑ شْن مَ، تَامِ لّبِنِ دَاشِ بِرَشِ عَ قْشْ رَ. وٌ نَ فّ سَيَمَلٍكّ دَنفِ سَلِ سّرّشّ دٌندٍ، وٌ نَشَ نَ سُبٍ دْنشْي رَشِ يّ عِ.

²⁶وٌ شَ وٌ شَ سَنسِ بٌفِ قِسَمَنتٍ سِنفٍيٍ بَ سّرّشّ رَ وٌ مَرِفِ عَلَتَلَ شَ هْرْ مْلِنفِرَ كُي. وٌ نَشَ سِ يْرّ حِن عَ نفَ شِحّ يٍ رَ.»

²⁷عَلَتَلَ نَشَ عَ مَسٍن مُنسَ بّ، «عِ شَ يِ يَامَرِيٍ سّبّ، بَرِ مَ نٍيٍ قِندِشِ سَاتّ نَن نَ ﭑ نُن عِسِرَيِلَ حَمَ تَفِ.»

²⁸مُنسَ نَشَ لُ عَلَتَلَ يِرٍ شِ تٌنفٌ نَانِ. كْي نُن يَنيِ عَ مُ سٍسٍ دٌن، عَ مُ سٍسٍ مِن. نَ وَشَتِ عَلَتَلَ نَشَ نَ سّرِيّ قُ سّبّ فّمّ وَلَشّيٍ مَ، نَشٍيٍ قِندِشِ سَاتّ مَسٍنيِ رَ.

²⁹مُنسَ نَشَ فٌرٌ تُرُ سِنِنَ فٍيَ قَرِ، وَلَشّ قِرِن سُشُشِ عَ يِ رَ، نَشٍيٍ قِندِشِ سَاتّ مَسٍنيِ رَ. مُنسَ مُ نُ عَ كٌلٌن عَ يَتَفِ نُ بَرَ نْرْ عَ تَن نُن عَلَ شَ سُمُنيِ سَابُي رَ.

³⁰هَرُنَ نُن عِسِرَيِلَكَيٍ تٌ نْرّ تٌ مُنسَ يَتَفِ مَ، عٍ مُ سُو سَ عٍ مَكْرّدٍ عَ رَ.

³¹مُنسَ نَشَ هَرُنَ نُن حَمَ كُنتِفِيٍ شِلِ، عٍ قَ لُ يِرٍ كٍرٍن.

³²عٍ تٌ فّ وْيّندٍ، عِسِرَيِلَ حَمَ بِرِن نَشَ قَ عٍ تُلِ مَتِدٍ عَلَتَلَ شَ يَامَرِ رَ، عَ نَشَن مَسٍنشِ مُنسَ بّ تُرُ سِنِنَ فٍيَ قَرِ.

³³مُنسَ تٌ فّ نَ قَلَدٍ، عَ نَشَ مَقٍلٍنيِ دُ سُ عَ يَتَفِ شُن نَ.

³⁴عَ نُ سٌ كِرِ بَنشِ كُي مَشْرِنيِ تِدٍ عَلَتَلَ مَ، عَ نُ مَقٍلٍنيِ بَمَ عَ يَتَفِ مَ. عَ نَ مِنِ تّمُي نَشّ، عَ عَلَ شَ يَامَرِ رَدَنفِ عِسِرَيِلَ حَمَ مَ.

³⁵عِسِرَيِلَكَيٍ نُ عَ تٌمَ مُنسَ يَتَفِ نُ نْرْشِ كِ نَشّ. عَ نَ فّ نَ مَسٍنيِ رَ، عَ مَن عَ شَ مَقٍلٍنيِ دُ سُ عَ شُن نَ، هَن عَ فبِلٍن تّمُي عَلَتَلَ يِرٍ.