يّتّ سْتْي 26

¹«عِ شَ عَلَ شَ هْرْ مْلِنفِرَ يَءِلَن سُوَ دُفِ قُ رَ، نَشٍيٍ رَشُنمَشِ فّسّ مْولِ سَشَن نَ، فّسّ فّرّ دَاشِ، فّسّ بُلُ دَاشِ، نُن فّسّ فبٍيلِ. نَ فّسّ شَ مَلٍكّيٍ سَوُرّ رَ مِنِ دُفِيٍ مَ. عَ شَ تٌقَن كِ قَنيِ.

²دُفِ بِرِن شَ كُيَ نْنفْن مْشْحّن نُن سٌلٌمَسَشَن، عَ شَ عِفبٌ نْنفْن نَانِ. عٍ كُيّ نُن عٍ عِفبٌيَ شَ لَن.

³دُفِ سُولِ شَ دّفّ عٍ بٌورٍ رَ، دُفِ سُولِ فبّتّ قَن شَ دّفّ عٍ بٌورٍ رَ. نَ كُي نَ دُفِ قُ بَرَ قِندِ دُفِ قِرِن نَ.

⁴عِ شَ فّسّ فّرّ دَاشِ دّفّ نَ دُفِ سِنفٍ دّ كِرِ مَ، عَ نُن نَ دُفِ قِرِن ندٍ دّ كِرِ مَ.

⁵عِ شَ فّسّ تٌنفٌ سُولِ دّفّ نَ قِرِنيِ دّ كِرِ مَ عَلَكٌ عٍ بِرِن شَ لَن عٍ بٌورٍ مَ.

⁶نَ دَنفِ شَنبِ عِ شَ سُشُسٍ تٌنفٌ سُولِ يَءِلَن شّيمَ رَ، عِ قَ نَ دُفِ قِرِنيِيٍ رَلَن عٍ بٌورٍ رَ نَ سُشُسٍيٍ رَ. نَ نَن عَ نِيَمَ هْرْ مْلِنفِرَ شَ قِندِ دُفِ كٍرٍن نَ.»

⁷«عِ شَ دُفِ قُ نُن كٍرٍن سْشْ سِ شَبٍ رَ، نَشٍيٍ عَلَ شَ هْرْ مْلِنفِرَ مَكٌتٌمَ.

⁸دُفِ كٍرٍن شَ كُيَ نْنفْن تٌنفٌ سَشَن، عَ شَ عِفبٌ نْنفْن نَانِ. نَ دُفِ قُ نُن كٍرٍنيِ بِرِن شَ لَن.

⁹عِ شَ دُفِ سُولِ دّفّ عٍ بٌورٍ رَ، عٍ شَ قِندِ دُفِ كٍرٍن نَ. نَ دُفِ سٍننِ نَشٍيٍ لُشِ، عِ شَ عٍ قَن دّفّ عٍ بٌورٍ رَ. نَ دُفِ سٍننِ ندٍ سِنفَنمَ بَنشِ يَتَفِ نَن شُن مَ.

¹⁰عِ شَ فّسّ تٌنفٌ سُولِ دّفّ نَ دُفِ سِنفٍ رَ، عَ نُن نَ دُفِ قِرِن ندٍ رَ.

¹¹نَ دَنفِ شَنبِ عِ شَ سُشُسٍ تٌنفٌ سُولِ يَءِلَن وُرٍ فبٍيلِ رَ، عِ قَ نَ دُفِ قِرِنيِيٍ رَلَن عٍ بٌورٍ رَ نَ سُشُسٍيٍ رَ. نَ نَن عَ نِيَمَ نَ بِرِن شَ قِندِ دُفِ كٍرٍن نَ نَشَن عَلَ شَ هْرْ مْلِنفِرَ مَكٌتٌمَ.

¹²نَ دُفِ شَ مَيِفبٌي كّحَ مَ دْنشْي تَفِ سِنفَنمَ هْرْ مْلِنفِرَ نَن شَنبِ رَ.

¹³نَ دُفِ شَ كُيّ كّحَ نَ كِ نَشّ، نْنفْن كٍرٍن نَن لُمَ نَ سّيتِ قِرِنيِيٍ مَ، عَلَكٌ هْرْ مْلِنفِرَ شَ مَكٌتٌ.»

¹⁴«نَ دَنفِ شَنبِ عِ شَ مَكٌتٌسٍ فبّتّ يَءِلَن يّشّي كٌنتٌنيِ كِرِ رَ، نَشَن سٌشِ عَ فبٍيلِ رَ. عِ مَن شَ مَكٌتٌسٍ فبّتّ يَءِلَن ثٍرٍ مُي كِرِ رَ.»

¹⁵«عِ شَ كَسِيَ وُرِ شَبَ شٍبٍنيِيٍ رَ هْرْ مْلِنفِرَ تِمَ نَشٍيٍ مَ.

¹⁶كَنكَن شَ كُيَ نْنفْن قُ، عَ شَ عِفبٌ نْنفْن كٍرٍن نُن عَ تَفِ.

¹⁷سُشُسٍ قِرِن شَ لُ هْرْ مْلِنفِرَ شٍبٍنيِ بِرِن مَ عٍ كَقُمَ عٍ بٌورٍ مَ نَشٍيٍ رَ.

¹⁸شٍبٍنيِ مْشْحّن نَن تِمَ هْرْ مْلِنفِرَ يِرٍقَنيِ مَ.

¹⁹سَنبُنيِ فبٍتِ دَاشِ تٌنفٌ نَانِ نَن سَمَ نَ شٍبٍنيِ مْشْحّن بُن مَ، شٍبٍنيِ كٍرٍن، سَنبُنيِ قِرِن. عٍ شَ لُ شٍبٍنيِ سُشُسٍيٍ قّ مَ.

²⁰شٍبٍنيِ مْشْحّن نَن تِمَ هْرْ مْلِنفِرَ كْولَ قَن مَ،

²¹عَ نُن عٍ سَنبُنيِ فبٍتِ دَاشِ تٌنفٌ نَانِ، شٍبٍنيِ كٍرٍن، سَنبُنيِ قِرِن.

²²شٍبٍنيِ سٍننِ نَن تِمَ هْرْ مْلِنفِرَ شَنبِ رَ سٌفٍفٌرٌدٍ مَبِرِ.

²³عِ شَ شٍبٍنيِ قِرِن يَءِلَن تُشُييٍ بّ هْرْ مْلِنفِرَ شَنبِ رَ،

²⁴نَشٍيٍ قُفٍ نُن لَنبَنيِ لَنمَ عٍ بٌورٍ مَ، عٍ شِرِ قُفٍ رَ سٍ دِفِلِنشِ رَ. نَ تُشُي قِرِنيِ شَ يَءِلَن نَ كِ.

²⁵نَ بِرِن لَنمَ شٍبٍنيِ سٌلٌمَسَشَن نَن مَ، عَ نُن عٍ سَنبُنيِ فبٍتِ دَاشِ قُ نُن سٍننِ، شٍبٍنيِ كٍرٍن، سَنبُنيِ قِرِن.»

²⁶«عِ شَ وُرِ سُولِ يَءِلَن كَسِيَ وُرِ رَ، هْرْ مْلِنفِرَ شٍبٍنيِيٍ تِمَ نَشٍيٍ مَ. سُولِ رَوَلِ سّيتِ كٍرٍن مَ،

²⁷سُولِ رَوَلِ بٌورٍ سّيتِ مَ، سُولِ رَوَلِمَ هْرْ مْلِنفِرَ شَنبِ رَ سٌفٍفٌرٌدٍ مَبِرِ.

²⁸وُرِ نَشَن لُمَ عَ تَفِ، نَ دَنفِمَ شٍبٍنيِيٍ نَن شُن مَ، عَ كٍلِ سّيتِ سِنفٍ عَ سَ دْشْ بٌورٍ رَ.

²⁹نَ شٍبٍنيِيٍ، نُن نَ وُرِيٍ، نُن سٍ دِفِلِنشِيٍ وُرِ سٌمَ نَشٍيٍ كُي، عِ شَ شّيمَ مَسٌ نَ بِرِن مَ.

³⁰عِ شَ نَ هْرْ مْلِنفِرَ تِ عَلْ ﭑ عِ يَمَرِشِ كِ نَشّ فٍيَ قَرِ.»

³¹«عِ شَ سُوَ دُفِ يَءِلَن فّسّ فبٍيلِ نُن فّسّ بُلُ دَاشِ رَ. مَلٍكّ سَوُرّيٍ شَ دّفّ نَ مَ، عَ شَ تٌقَن كِ قَنيِ.

³²عِ شَ عَ فبَكُ كَسِيَ وُرِ نَانِ رَ شّيمَ مَسٌشِ نَشٍيٍ مَ، عٍ تِشِ فبٍتِ سَنبُنيِيٍ مَ. سُشُسٍ نَشٍيٍ دُفِ شِرِ مَ وُرِيٍ مَ، شّيمَ شَ مَسٌ نٍيٍ قَن مَ.

³³عِ نَ فّ دُفِ فبَكُدٍ نَ سُشُسٍيٍ رَ، عِ شَ سَاتّ كَنكِرَ دْشْ عَ شَنبِ رَ. نَ كِ، نَ دُفِ لُمَ نَ يِرٍ قِرِن تَفِ رَ، نَشَن شِلِ يِرٍ سّنِيّنشِ عَ نُن نَشَن شِلِ يِرٍ سّنِيّنشِ قِسَمَنتٍ.

³⁴عِ شَ سَاتّ كَنكِرَ دّ رَكٌتٌ عَ دّرَكٌتٍ رَ يِرٍ سّنِيّنشِ قِسَمَنتٍ كُي. نَ دّرَكٌتٍ سٍ قِندِشِ شُنسَرٍ يِرٍ نَن نَ.

³⁵عِ شَ تٍيبِلِ تَن دْشْ هْرْ مْلِنفِرَ كْولَ مَ، لَنثُي دْشْسٍ شَ لُ عَ يَ رَ يِرٍقَنيِ مَ.»

³⁶«عِ شَ سُوَ دُفِ فبّتّ يَءِلَن فّسّ فّرّ دَاشِ، فّسّ بُلُ دَاشِ، نُن فّسّ فبٍيلِ رَ هْرْ مْلِنفِرَ سٌدٍ. عِ شَ عَ مَسْشْ عَ قَنيِ رَ، عَ شَ تٌقَن.

³⁷عِ شَ عَ فبَكُ وُرِ سُولِ مَ نَشٍيٍ يَءِلَنشِ كَسِيَ وُرِ رَ، شّيمَ مَسٌشِ نَشٍيٍ مَ، عٍ تِشِ فبٍتِ سَنبُنيِيٍ مَ. سُشُسٍ نَشٍيٍ دُفِ شِرِ مَ وُرِيٍ مَ، نٍيٍ يَءِلَنشِ وُرٍ فبٍيلِ رَ.»