1O Isus ando Hramo dikhlas e barvalen sar čhon ande riznica love sago daro e Devlešće.
2A dikhla vi varesošće čore udovica savi čhutas okote samo duj majcikne kovanice.
3Thaj phendas: “Čačes, phenav tumenđe akaja čori udovice čhutas majbut savorendar.
4Kaj savora von dine katar piro viško, a voj katar piro čorpe dijas sa so silat.”
5Dok varesave učenikurja ćerenas svato pale godova sar si o Hramo šukar ukrasime e barenca thaj e ukrasenca save e manuša andine e Devlešće, a o Isus phendas:
6“Avela e vrjama kana katar akava so dićhen či ačhela ni bar pe bareste. Svako avela harado.”
7E učenikurja phučline les: “Sikavneja, a kana godova avela? Thaj sar džanasa kaj godova uskoro avela?”
8A vo phendas lenđe: “Len sama te na aven hohade kaj but džene avena ande mungro alav thaj phenena korkoro pale peste kaj si von o Mesija thaj phenena: ‘avili e vrjama’ Na džan pale lende!
9Kana ašunena pale raturja thaj pale pobune, na daran. Kaj sa godova trubul te avel, ali godova još naj odma o krajo.”
10Askal još phendas lenđe: “O them borilape protiv aver them, thaj e carurja protiv aver carurja.
11Pe sa e riga e themešće avena e potresurja, bokhalipe thaj nasvalipe. Po nebo avena čudesne znakurja savendar dela e dar pe sa o them.
12Ali majsigo katar sa akava astarena tumen thaj tradena tumen. Predaina tumen e manušenđe ande sinagoge te sudin tumenđe. Inđarena tumen angle carurja thaj angle upravitelja zato kaj sledin man.
13Godova avela tumari prilika te den svedočanstvo.
14Zato zapamtin na majanglal te gndin so phenena ande tumari obrana!
15Me dava tumen alava thaj kasavi mudrost savjaće naštik proturečila niti te oduprilpe ni jek tumaro protivniko.
16A izdaina tumen čak vi tumare dada, deja, phrala, drugarja thaj tumari familija. Varesaven tumendar vi mudarena.
17Savora mrzana tumen zato kaj sledin man.
18Ali či perela ni jek bal21,18 ni jek bal O Isus phenel pale jek majcikno deo pe manušesko telo. Vo naglasil kaj či propadnila sasto manuš. O Isus već phendas kaj varesave lendar avena mudarde, pa varesave gndin kaj akava značil kaj lenđe či avela duhovno naudime. katar tumaro šoro.
19Tumare duše spasina pes zbog godova, ako či odustanin.”
20O Isus nastavisarda te phenel lenđe: “A kana dićhena kaj e vojska opkolisardas o Jerusalim, askal džanen kaj avili paše e vrjama kaj avela opustošime.
21Okola save araćhen pes ande Judejsko regija neka našen ande gore thaj save si ando gav neka inkljen andar leste, a ni o kola save si ando polje neka či boldenpe ando gav.
22Kaj ande godola đesa avela e Devlešći kazna te pherdol sa so ramol ando Sveto lil.
23Jao e khamne manušnjenđe thaj okolenđe save den čuči ande kola đesa! Kaj avena e bare nevolje pe phuv, thaj e Devlesko gnjevo pe akala manuša.
24Avena mudarde katar o oštro mačo, thaj avena inđarde ando ropstvo pe sasto them. A o Jerusalim uštavena okola save či džanen palo Del dok či isteknil e vrjama okolenđi save či džanen palo Del.”
25O Isus phenda: “Pojavina pes e znakurja po kham thaj po čhonut thaj pe čereja. A e theme pe phuv astarela o očaj zbog e huka thaj e talasurja andar o more.
26O them merela e daratar thaj katar godova kaj ažućarena so avela pe akava them, kaj vi e sile e nebošće uzdrmina pes.
27Askal dićhena man, e Manušešće Čhaves, sar avav pe oblakurja ande bari sila thaj ande bari slava.
28Kana počnila sa godova te avel, ušten thaj vazden tumare šore kaj o Del uskoro oslobodila tumen.”
29Pale godova o Isus phendas lenđe e usporedba: “Dićhen e smokva ili bilo savo aver kaš.
30Kana dićhen kaj mućen e patrja, korkoro već džanen kaj si o milaj paše.
31Gajda vi tumen kana dićhen kaj sa godova avel pale soste phenavas tumenđe, šaj aven sigurne kaj si paše o carstvo e Devlesko.
32Čačes, phenav tumenđe, kaj akava naraštaj21,32 akava naraštaj Postojin različite načinurja te haćarelpe akava redko: 1. akaja generacija značil okola save sas džude ande vrjama dok o Isus ćerelas svato, a godova značil kaj uništilape o Jerusalim thaj e aver znakurja save anena dži ke Hristosko povratko počnila te dogodinpe dok si von džude dik; 2. akaja generacija značil vrsta manuša save si bilačhe thaj suprotinpe e Isusešće, a godova značil kaj uvek avela bipaćale save suprotivina pe e Isusešće sa dži ko trenutko kana vo boldela pe pe phuv; 3. akaja generacija značil “akaja rasa” thaj odnosil pe pe židovurja, so značil kaj e židovsko rasa či naćhela majsigo nego so o Isus boldela pes, ili 4. akaja generacija značil e manuša save traina ande vrjama e carošći, thaj godova značil, kana dogodina pes e događaja save si spomenime ande stihurja 25–26, o Isus boldela pe pe phuv palo trajo godole generacijako. sigurno či naćhela dok sa akava či avel.
33E phuv thaj o nebo naćhena, ali mungre alava ačhena zauvek.”
34O Isus phenda lenđe: “Len sama te či zuravol tumaro ilo ando handžvalipe palo habe thaj ando matipe ili ande trajošće brige thaj te či iznenadil tumen godova đes,
35savo avela sago zamka, pe sa e manuša save train pe sasti phuv.
36Zato stražarin thaj molin tumen e Devlešće te šaj naćhen sa kava so trubul te avel thaj te ačhen sago pobednikurja angle mande, e Manušešće Čhaveste.”
37O Isus svako đes sikavelas ando Hramo, a raćasa inkljelas thaj raćarelas pe maslinsko gora.
38A sa o them već katar e rano detharin avenas leste ando Hramo te ašunen les.