रोमीयो 16

¹मी तुमूह आमरी बोणीख फीबेन केरता विन्ता केरथु, जी किंख्रियान मोंडलीन सेविका हे,

²काय तुमू मालीक माय ताह इहकेरीन स्वीकार किरो जीहे चोखाला माणहाह केरतेह, एने केदी एगदा कामा माय ताह तुमरी जोरेवरी एय ताहार तान मोदेक किरो, काहाकाय ता सोता जुलूम जाणाह एने मारो बी मोदेक केरनार इहकेरीन ईयेल हे।

³प्रिस्‍का एने अक्विलाह ज्या मसी यीशु माय मारा सहकर्मी हेते, नमस्‍कार।

⁴ता मारा जीवान केरता सोतान जीव दोका माय टाक दियेल एता, एने फोक्‍तो मीच नाह, पुण बिगेर यहुदिन आखी मोंडली बी तान दन्यवाद किरेह।

⁵ती मोंडलीह बी नमस्‍कार जी तान गेरा माय हे। मारा मोंगाल्ला इपेनीतुसाह, जो मसीन केरता आसीयान पेल्लो फोल हे, नमस्‍कार।

⁶मरीयम, जी तुमरी केरता जुलूम मेहनेत किरेल हे, नमस्‍कार।

⁷16:7 युनिया; नाहते युनियास; थोड़ाक लेख माय युलिया। मारा गेरल्या अन्द्रनीकुस एने युनियास जा मार हेऱ्या जेली माय एता, एने प्रेरिता माय नाव लायेल हेते, एने माहु रेन पेल मसी माय एता, नमस्‍कार।

⁸मालीक माय मारो मोंगाल्लो अम्पलीयातुसाह नमस्‍कार।

⁹मसी माय आमरो सहकर्मी उरबानुसाह एने मारा मोंगाल्लो इस्तखुसाह नमस्‍कार।

¹⁰अपुल्लोसाह जो मसीम खेरलो निकेलनो, नमस्‍कार। अरीस्तुबुलूसान गेराणाह नमस्‍कार।

¹¹मारा गेरल्‍याह हेरोदियोनाह नमस्‍कार। नरकिसुस ने गेराणान जा माणहे मालीक माय हेते, ताह नमस्‍कार।

¹²मालीक माय मेहनेत केरनारी त्रुफेना एने त्रुफोसाह नमस्‍कार। मोंगाल्लो पिरसीसाह, जो मालीक माय केठीण मेहनेत किरेल हे, नमस्‍कार।

¹³16:13 मरकुस 15:21मालीक माय निवड़ायेल रूफुसाह एने तान आईख, जी मारी बी आहख हे, नमस्‍कार।

¹⁴असुंक्रितुस, फिलेगोन, हिरमेस, पत्रुबास, हिरमास न्याह एने ता हेऱ्या जा मसी बाहख हेते ताह नमस्‍कार।

¹⁵फिलुलूगुस, युलिया, नेर्‍युस एने तान बोणीख उलुम्पास न्याह एने ता हेऱ्या जा बोगवानान माणहे हेते, ता आखाह नमस्‍कार।

¹⁶गेले मिलीन एकमेकाह नमस्‍कार किरो। तुमूह मसीन आखी मोंडलीन उगे रेन नमस्‍कार।

¹⁷एवी एय बाय बोणहा, मी तुमूह विन्ता केरथु, काय जा माणहे ती हिकवोणीन विरोद, जी तुमू सापड़ायेल हेते, ता माय जा माणहे फुट एने ठोकेर खावाड़नेन कारेण बोणतेह, ता पोर नेजेर मीलो एने ताह रेन सेटा रिवो।

¹⁸काहाकाय ओहला माणहे आपणा मालीक मसीन नाह, पुण सोतान पेटान सेवा केरतेह; एने मोट मोठ्यु वातु से सीदा सादा मोनान माणहाह बोटकाव देतेह।

¹⁹तुमरे उकुम मान्नेन चेरचा आखा माणहा माय पोसीर जायेल हे, तानकेरता मी तुमरे बाराम खुसी केरथु, पुण मी ज्यो होदथु काय तुमू बोलायीन केरता एकलीदार एने बुरायीन केरता बोला बोणीन रिवो।

²⁰16:20 थोड़ाक लेख माय ज्यो वाक्य नाह जुड़ेतसान्तीन बोगवान बुतड़ाह तुमरा पाया बुंद उतवाल्योच केच्‍या वालाव देय। आपणा मालीक यीशु मसीन गीण तुमरी पोर ईती रेय।

²¹मारो सहकर्मी तीमुथीयुस एने मारा यहुदि गेरल्या लुकियुस, यासोन एने सोसीपत्रुसान तुमूह नमस्‍कार।

²²ज्या पोत्राह लेखणार मी तीरतीयुसान, मालीक माय तुमूह नमस्‍कार।

²³गयुसान जो मारो एने मोंडलीन पावणाय केरनार हे, तान तुमूह नमस्‍कार। इरास्तुस जो हेयरान बण्‍डारी हे, एने बाहख क्वारतुसान तुमूह नमस्‍कार।

²⁴आपणो मालीक यीशु मसीन गीण तुमरे आखा हेऱ्यी रेय। आमेन।16:24 दिहरा लेख माय ज्यो वचन नाह जुड़ेत; थोड़ाक लेख माय 27 ने पासाण ज्यो वचन टाकेल हे।

²⁵ता बोगवानान बोड़ाय एय जो ता बोरहान गेत तुमूह मारी हाजाली खुबेर मतलब यीशु मसीन हिकवोणीन पारचारान गेत स्थिर केर सिकेह, ता बेदान उजालान गेत जो जेलेमक्योस लिकायेल ईतो।

²⁶पुण एवी देखीन जेलेमक्या बोगवानान उकुमा केरीन जाणकारान पुस्तेक ने द्‍वारा आख्‍यु जात्युह कियेल हे काय ता बुरहो केरीन उकुम मान्नारे एय जाय,

²⁷तास एकुस एकलीदार बोगवानान यीशु मसीन द्‍वारा जेलेम बोड़ाय ईती रेय। आमेन।