लुका 24

¹एप्तान पेल्ले दिह त्यु बायकु वेग्युच उठीन तियारी केरीन मोग मोग गेंदाणार तेल एने सोमान लेन माहणा माय गीयु।

²त्यु माहणा पोर रेन देगड़ाह उथलेल देख्यु।

³तेवी त्यु माहणा माय गीयु, पुण ता त्युह मालीक यीशुन देड़ नाह जुड़नो।

⁴तो देखीन त्यु बोंगलाय गीयु, पुण तुलेचबूखे दोवल्या पिपेलन्या फाड़का पिरील, दुय माणहे त्युन आहनेच आवीन उबरेय गीया।

⁵ताह देखीन त्यु बियीन बुईन उगे मुय केर लेद्यु, ते ता त्युह केया, “तुमू जीवतालाह मुरेल माय काहा होदत्युह?

⁶24:6 मत्ती 16:21; 17:22,23; 20:18,19; मरकुस 8:31; 9:31; 10:33,34; लुका 9:22; 18:31-33तो न्या नाह सुतो, पुण तो जीव उठेल हे, गेलील माय रेणे बुखेत तो तुमूह कियेल ती वात एर किरो।”

⁷जोरेवरी हे काय माणहान बिटोख पापीन आथाम देराय जाय एने खुरूसखाम पोर चेड़ावाय जाय, एने मोरीन तीसरे दिह जीव उठी।

⁸तेवी त्युह यीशु कियेल ती वात एर आवी।

⁹बायकु माहणा माय रेन आवीन त्यु वातुह ईग्यार चेलाह एने दिहरा आखा माणहाह केय होमलायो।

¹⁰प्रेरिताह ज्यी वातु केणाऱ्यु बायकु ज्‍यु हेत्यु, मरीयम मगदलीनी, योअन्ना एने याकुबान आहख मरीयम, एने त्यु हेऱ्यु दिहऱ्यु बायकु बी एत्यु।

¹¹त्युन वातु ताह फालतुक लागी, एने ता त्युन वाती पोर बुरहो नाह केऱ्या।

¹²पुण पतरस उठनो एने दोवड़ीन माहणा माय जाईन, एने माहणा माय निवड़ीन दिख्यो, तेवी ता पोतड़ा ओलाच पोड़ रियेल देखीन तो बोंगलायीन तान गेर जात रिनो।24:12 थोड़ाक लेख माय वचन 12 नाह लिखेल सोतो।

¹³तेदिस यीशुन दुय चेला ईमावुस नावान एक गावाम जाणे बाजरियेल एता, तो गाव यरूशलेम रेन ईग्यार किलो मिटर सेटो एतो।

¹⁴ता दुय जाणे ती गेटनान बाराम आपसा माय वातु किरते जाताला।

¹⁵जेवी आपसा माय वातु केरतीन जाणे बाजरियेल एता तेवी यीशु ता हिऱ्यो आवो, एने ता हिऱ्यो चाल पोड़नो।

¹⁶एने ता देख्या, पुण ता यीशुह नाह ओलख्या।

¹⁷यीशु ताह फुशो, “तुमू काल्ली गेटनान बाराम वातु केरने बाजरेनाह? ता ज्य होमलीन नाराज एन उबरी गीया।”

¹⁸ता माय एकान नाव क्‍लियोपास एतो तो केयो, “काय तु यरूशलेम रेन फिरणार तु ओलोच हे काय? ज्यी गेटना यरूशलेम माय गेटेल हे, तान बाराम तुवाह मालुम नाय मीले काय?”

¹⁹यीशु ताह फुशो, “काल्ली वातु?” ता यीशुह केया, “तु यीशु नासरीन बाराम नाह जाणेत काय? तो बोगवानान एने आखा माणहान नेजरीम जुलूम मोठो काम एने वचनाम ताकेतवालो जाणकार ईतो।

²⁰मुखी चाकऱ्या एने आमरा आदिकारी ताह मोतीन डेंड आपाड़ीन खुरूसखाम पोर चेड़ाव देना।

²¹आमरी आसा एती काय तोच इस्राएली माणहान सुटकारो केरावी, ओलोच नाह! एने ज्यी गेटना गेटीन तीन दिह एतेह।

²²एने आमरे माय रेन थोड्युक बायकु आमुह बोंगलाड़ देन्युह, काहाकाय त्यु वेग्युच माहणा माय जायेल एत्यु,

²³पुण त्युह यीशुन देड़ नाह सापेड़नो, त्यु इही कितेन आव्यु काय आमु हेरोगदुतान देरसेन दिखेल हेत्यु, ता आमुह कियेल काय यीशु जीवतालो हे।

²⁴एने आमरा थोड़ाक हाती माहणा माय गील्या, बायकु केताल्यु, तिहेच ता बी देख्या पुण ता यीशुह नाह देख्या।”

²⁵तेवी यीशु ताह केयो, “एय विणएकल्या, तुमू बोगवानान जाणकारान आखी वाती पोर बुरहो केरनेन काहा दिरा हेते?

²⁶मसी दुख वेठीन तान बोड़ाय माय बोराणे जोरेवरी एतो।”

²⁷मुसो एने जाणकार जो पुस्तेक माय तान बाराम लिखेल वातीन मतलब ताह सोमजाड़ दिनो।

²⁸तोलाक माय जा गावाम जाणे बाजरियेल एता ता गावान आहने जाय पोचना, यीशु जीवे ओंगाण जाण्यो हे इही देखाड्यो।

²⁹पुण ता रावणी केऱ्या काय दिह बुड़ जायेल हे, एने आदारो पोड़ने बाजरिनोह, “तु आमु हिऱ्यो थोब।” तेवी तो ता हिऱ्यो थोबणेन केरता गेरा माय गीयो।

³⁰यीशु ता हिऱ्यो खाणो खाणे बुठो, तेवी रूटो उखलीन बोगवानाह दन्यवाद किऱ्यो, एने रोटाह मुड़ीन ताह आपणे बाज गीयो।

³¹तेवी तान डोला उगड़ी गीया एने ता यीशुह ओलखी लेदा, तेवी यीशु तान नेजरीम रेन आरताय गीयो।

³²ता आपसा माय वातु केऱ्या काय तो वाटे आपु हिऱ्यो वातु केरतालो, एने चोखाली पुस्तेकीन वातु आपुह सोमजाड़तालो, तेवी आपु ताह काहा नाह ओलेख सेक्‍या?

³³तुलेचबूखे ता चालोच उठीन यरूशलेम माय पोशा जात रेना, ताहरी ईग्यार चेला एने दिहरा हाती टोलवाय रियेल देख्या।

³⁴ता चेला केणे बाज गीया, “यीशु खेरीच जीव उठेल हे, एने शमोन पतरसाह देखायेल हे।”

³⁵तेवी ता दुयू वाटे ईयेल ती वात ताह केया, उंजु रूटो मुड़ने बुखेत ता यीशुह किहीक ओलखी लेदा तो आखो केय देना।

³⁶जेवी चेला ती वातु केणे बाजरियेल एता, तेवी तुलेचबूखे यीशु तान विची माय आवीन उबरेय गीयो एने ताह केयो, “तुमूह सान्ती जुड़ी।”24:36 थोड़ाक लेख माय एने उंजु ताह केयो, “तुमरे माय सान्ती रेय!” नाह लिखेल सोतो।

³⁷पुण ता यीशुह बुत हे, इही सोमजीन बोंगलायीन जुलूम बिय गीया।

³⁸यीशु ताह केयो, “तुमू काहा बितेह? तुमू मोना माय सेंका काहा केरतेह?

³⁹मार आथा एने पायाह दिखो, मी तोस हे। माहु सापलीन दिखो, माहु जिहकेरीन तुमू देखणे बाजरेनाह, तोहलो बुतान आड़े एने माह नाह रेत जिहकेरीन मार माय देखतेह।”

⁴⁰तेवी यीशु ज्य केयीन ताह तान आथ पाय देखाड्यो।24:40 थोड़ाक लेख माय वचन 40 नाह लिखेल सोतो।

⁴¹ता उंजु बी बुरहो नाह किरेल एता; ता माय ओला खुस एयीन बोंगलाय गीया, यीशु ताह फुशो, “न्या तुमू फाय खाणेन काह हे काय?”

⁴²“ता यीशुह बुंजेल मासान टुकड़ो आप्या।”

⁴³तो मासान टुकड़ो तान सामने खादो।

⁴⁴यीशु ताह केयो, “मुसान पुस्तेक एने जाणकारान पुस्तेक, उंजु गीतान पुस्तेक माय मार बाराम लिखेल वातु पुऱ्यू एणे जुवे, ज्यी वातु मी तुमू हिऱ्यो रेणेन बुखेत तुमूह कियेल।”

⁴⁵तेवी यीशु चोखाली पुस्तेकीन वातु सोमेजणेन केरता ताह इकेल आप्यो।

⁴⁶एने ताह केयो, “वचन माय ज्य लेख मीलेल हे काय मसी दुख वेठी, पुण तीन दिह्याम मुरेल माय रेन जीव उठी।

⁴⁷यरूशलेम रेन चालु केरीन आखी केलीन माणहा माय इहकेरीन पारचार किरो, तुमू पाप केरने बोंद किरो ते बोगवान तुमरा पापाह माफ केरी।

⁴⁸तुमू ज्‍यु आखी वातीन पुरावो हेते।

⁴⁹24:49 प्रेरितान काम 1:4दिखो मार आबोख जो माहु आपणेन वायदो किरेल हे, ताह मी तुमरी केरता मोकलुह, पुण हेरगाम रेन ताकेत जुड़ता वोर, तुमू यरूशलेम माय थोबज्यो।”

⁵⁰उवतो यीशु यरूशलेम हेयराम रेन बेतनिया गावान बाहेर ताह ली गीयो, तेवी तो आथ उचा केरीन ताह बोरकेत आप्यो।

⁵¹एने ताह बोरकेत आपते लेन तो ता हिऱ्यो रेन आंगे एय गीयो, एने हेरगा माय विसाय गीयो।24:51 थोड़ाक लेख माय एने उपेर हेरगा माय विसाय गीयो नाह लिखेल सोतो।

⁵²तेवी ता यीशुह वोंदिन जुलूम खुसी माय पोशा वोलीन यरूशलेम माय आवा।

⁵³एने ता दाड़ीन मोंदिर माय जाईन बोगवानान बोड़ाय केऱ्या केरताला।