लुका 2

¹ता दिह्याम रोमान राजा अगुसतुसान उगे रेन कायदो निकेलनो, काय आखी केलीन माणहान नाव लेखाय जाय।

²जी गेणती पेल्‍ली वार ता कालाम एनी, जेवी किरिनियुस सीरीया गावान सरकारी आदिकारी ईतो।

³आखा माणहे नाव लेखाड़नेन केरता जान तान गावाम गीया।

⁴एने युसूफ बी दाऊदान वोसीन ईतो, तान केरता गेलीलान नासरत गावाम रेन यहुदिया माय दाऊदान गाव बेथलेहेम माय गीयो।

⁵काय तान बायकु मरीयम हिऱ्यो जीह दिह एता, नाव लेखाड़नेन गीया।

⁶ता बेथलेहेम माय रेना, तेवी तीह हुदेरनेन दिह पुरा एय गीया।

⁷एने ती तीन पेल्ला सोरान वेला हुदेरनी, एने ताह फाड़काम चोडालीन खेड़ा पोर मेल्या; काहाकाय ताह काल्लाच देरेम सालाम जागो नाह जुड़नो।

⁸एने ता देसाम जोला गोवाल्या एता, जा राती चोवगानाम रेन जान तान बोकड्या मेंड्रान राखवाली केरताला।

⁹तेवी बोगवानान एक हेरोगदुत तान आहने आवीन उबरीनो, एने बोगवानान बोड़ाय ने उजालो तान कावदेन चोमेकनो, एने ता जुलूम बिय गीया,

¹⁰तेवी हेरोगदुत ताह केयो, “बिवो मा! काहाकाय हुमलो, मी तुमूह मोटली खुसीन हाजाली खुबेर केथु, जी आखा माणहान केरता हे।

¹¹काय आज दाऊदान गावाम तुमरे केरता एक सुटकारो केरनार पायदा ईनोह; एने ज्योस मसी मालीक हे!

¹²एने तुमरी केरता तान निसाणी ज्यी हे: काय तुमू एक सोराह फाड़का माय चोडालीन एने खेड़ा माय लुट रियेल सापड़ी।”

¹³तेवी ता हेरोगदुता हेऱ्या हेरोगदुतान टुलो बोगवानान बोड़ाय केरताला, एने ज्य कितेन देखाना:

¹⁴“हेरगा माय बोगवानान बोड़ाय एय,

¹⁵जेवी हेरोगदुत ता फाय रेन हेरगा माय जात रेना, तेवी गोवाले एका दिहराह केया, “आवो, आपु बेथलेहेम माय जाईन जी वात एनीह, एने जीह मालीक आपुह कियेल हे, देखहु।”

¹⁶एने ता तेवीच जाईन मरीयम एने युसूफाह एने खेड़ा माय ता सोराह लुट रियेल देख्या।

¹⁷एने गोवाले ताह देखीन, ताह ती वात जी ज्या सोरान बाराम ताह कियेल एती, ताह देखाड्या।

¹⁸एने आखा होमेलनारे ती वातु से जा गोवाले ताह कियेल एता, बोंगलाय गीया।

¹⁹पुण मरीयम ज्‍यु सोब वातु, आपणा मोना माय मेलीन सोचती रेनी।

²⁰एने हेरोगदुत जिहकेरीन गोवालाह कियेल ईतो, एने तिहेच होमलीन एने देखीन बोगवानान बोड़ाय केरतीन आवतरना।

²¹जेवी आठ दिह पुरा एना, एने तान खेतनान2:21 यहुदिन एक रिती हे खेतना रितीन टेम आवो, तेवी तान नाव यीशु मेल्या, जो हेरोगदुत ताह पेटाम आवणेन पेल कियेल ईतो।

²²जेवी मुसान नेमान गेत मरीयम एने युसूफान चोखो एणेन दिह पुरा एना। तेवी ता यीशुह यरूशलेम माय ली गीया काय बोगवानान हुम्बो लावी,

²³जीह केरीन बोगवानान कायदा माय लिखेल हे, “जोला बी पेल पायदा ईयेल ता बोगवानान केरता चोखाला ठेराती।”

²⁴एने बोगवानान कायदान वचनान गेत, ओलीन एक जोड़पो, नाहते पेरवान दुय पिला लावीन बोली केरी।

²⁵यरूशलेम माय शिमीयोन नावान एक एदमी ईतो, एने तो एदमी देरमी एने बक्त ईतो; एने तो वाट जोवतालो काय बोगवान इस्राएलान माणहाह वोचाड़े, एने चोखालो जीव ता पोर ईतो।

²⁶एने चोखालो जीव ताह कियेल ईतो, काय जाह वोर तु मालीक ने मसी देख नाय लिहे, ताह वोर मोतीह नाय दिखहे।

²⁷एने शिमीयोनाह चोखालो जीव हिकाड़ेल केरीन मोंदिराम आवो, एने जेवी आहख आबोख ता सोरा यीशुह माय लावा काय तान केरता कायदान रितीन गेत केरी।

²⁸तेवी शिमीयोन ता सोराह खोलाम दिऱ्यो, एने बोगवानान उपकार मान्यो:

²⁹“एय मालीक, एवी तु, तारा पावराह तारा वायदान गेत,

³⁰काहाकाय मार डोला तारा सुटकाराह देख लेदाह।

³¹जाह तु आखा देसान माणहान सोमोर तियार किरेल हे:

³²काय तो दिहरी जातीन माणहाह खेरायीह देखाड़ी,

³³तान आहख ने आबोख ती वातु माय जी तान बाराम केवाताली ता बोंगलाय जाताला।

³⁴तेवी शिमीयोन ताह बोरकेत आपीन आईख मरयमीह केयो, होमेल ज्यो ते इस्राएल माय जुलूम माणहाह पोड़ने, एने उठणेन केरता, एने जुलूम माणहे बोगवानाह सोड़ देती। ज्यी एक निसाणी रेय जान माणहे विरोद केरती

³⁵तानकेरता जुलूम माणहान मोनान खाराब विचार सामने आवती, एने तारा मोना माय दुख बोराय जाय।

³⁶एने आशेर गेराणा माय रेन हन्ना नावान फनुएलान बेटीख एक जाणकारनी एती, ती जुलूम डायी एती, एने वाराड़ केरीन हात वोरह्या वोर तीन एदम्या हेऱ्यी रियेल एती।

³⁷एवी ती चोवरायसी वोरह्यान रांडायेल एती, एने मोंदिराह नाह सोड़ताली एने उपास एने विन्ता केरीन रात दिह बोक्ती केरताली।

³⁸एने ती तुलबूखे ताहरी आवीन बोगवानान बोड़ाय केरने बाज गियी, एने ता आखा माणहे जा यरूशलेमान सुटकारान वाट जोवताला, तान बाराम वातु केरने बाज गियी।

³⁹एने जेवी ता बोगवानान कायदान गेत आखो पुरो केर लेदा, तेवी गेलील माय तान हियोर नासरत माय पोशा जात रेना।

⁴⁰एने सोरो पोहाती गीयो, एने टेणको, एने इकेल माय वोदते गीयो; एने बोगवानान गीण ता पोर एती।

⁴¹यीशुन आहख एने आबोख देर वोरीह फसह नावान तिवाराम यरूशलेम माय जाया केरताला।

⁴²जेवी तो बारा वोरह्यान ईनो, तेवी ता तिवारान रितीन गेत यरूशलेम माय गीया।

⁴³एने जेवी ता ता दिह्याह पुरो केरीन आवताला, ते सोरो यीशु यरूशलेम माय रेय गीयो, एने ज्य तान आहख ने आबोख नाह जाणताला।

⁴⁴ता ज्य सोमजीन काय तो दिहरा हाती हेऱ्यो एय, एक दिह एय गीयो, एने ताह तान गेरल्या एने ओलखाती माणहा माय होदणे बाज गीया।

⁴⁵पुण नाह सापोड़नो ते होद्ती होदतीन यरूशलेम माय पोशा वोलीन गीया।

⁴⁶एने तीन दिह्यान बाद ता यीशुह मोंदिरा माय हिकाड़नारान विच माय बोहीन तान वातु होमेलते, एने ताह सावाल फुसतालो होद्या।

⁴⁷एने जोला तान होमेलताला ता आखा तान सोमेज एने जापाप होमलीन बोंगलाय जायेल एता।

⁴⁸तेवी ता ताह देखीन बोंगलाय गीया, एने तान आहख ताह केयी, “एय बेटा, तु आमु हिऱ्यो इहकेरीन काहा किऱ्यो? होमेल, तारो आबोख एने मी तेकलीत केरती लेन तुवाह होदताला।” यरूशलेम माय मोंदिर

⁴⁹तो ताह केयो, “तुमू माहु काहा होदताला? काय तुमू नाह जाणते काय माहु मार आबाख ने गेराम रेणे जोरेवरी हे?”

⁵⁰ज्यी वात यीशु ताह केयो, “पुण ती वात ताह नाह सोमेजनी।”

⁵¹तेवी यीशु ता हिऱ्यो गीयो, एने नासरत माय आवो, एने तान काबाम रिनो; एने तान आहख ज्यी सोब वात तीन मोनाम मेल्‍यी।

⁵²एने यीशु इकेल, एने डील डोल माय, एने बोगवानान एने माणहान गीण माय वोदती गीयो।