लुका 1

¹मोंगाल्ला थियुफिलुस:

²जिहकेरीन काय ता जा पेलुच रेन ज्यी गेटना देखणारे, एने हाजाली खोबरीन पारचार केरनारे सेवक एता; आमु फाय वोर पोचाड़ेल एता।

³तानकेरता माहु खेरीच मालुम ईयेल हे काय ती सोब वातुन आखो हाल ठिख ठिख पुतो केरीन ताह तार केरता बाराबोर लाईन माय लेखुह।

⁴मी ज्य ज्यानकेरता लिखेल हे काय तु आखी खेरायीन हिकवोणाह जाण लेय काय ती कोहली हे।

⁵यहुदियान राजा हेरोदेस ने कालाम जकरीया नावान एक चाकर्‍यो ईतो, तो अबियान गेराणान ईतो एने तान बायकुन नाव एलीशिबा एतो, ती हारून ने वोस ने एती।

⁶ता दुयू बोगवानान नेजरी माय देरमी एता, एने मालीकान आखी वातु एने नेम पोर निर्दोस चालनारे एता।

⁷तान सोराच नाह एता, काहाकाय एलीशिबा वांज एती, एने ता दुयू डावाला एता

⁸इहकेरीन एनो काय जेवी जकरीया तान टोलान वारी आवणे बुखेत बोगवानान ओंगाण चाकर्‍यान काम केरतालो।

⁹तेवी चाकर्‍यान रितीन गेत चिट्ठी टाक्या, एने जकरीयान नावान चिट्ठी निकेलनी काय मालीकान मोंदिरा माय जाईन दुणी पेटाड़ी।

¹⁰दुणी देणे बुखेत आखी मोंडलीन माणहे बाहेर विन्ता केरताला।

¹¹तुलेचबूखे दुणीन वेदीन एक उगे, बोगवानान एक हेरोगदुत जीवड़े उगे उचकाहुच उबरियेल जकरीयाह देखानो।

¹²ताह देखीन जकरीया बिय गीयो, एने ता माय बिय आव गियी।

¹³पुण हेरोगदुत जकरीयाह केयो, “एय जकरीया बिय मा काहाकाय तारी विन्ता होमलाय जायेल हे, एने तारी बायकु एलीशिबा एक सोराह पायदा केरी, एने तु तान नाव योहान मिलजे।

¹⁴तुवाह खुसी एने आनन्द एय, एने तान पायदा एय तेवी जुलूम माणहे खुस एती।

¹⁵काहाकाय बोगवानान नेजरी माय तो मुठो रेय, तो अंगुरान रूह एने दारो केदी बी नाय पिय, एने तान आईख ने पेटाम रेच ने चोखाला जीवाम बोराय जाय।

¹⁶एने इस्राएली माणहाम रेन जुलूम होवटा माणहाह, तान बोगवानान उगे फिराव लावी।

¹⁷तो एलियान गेत जीवाम एने ताकेत माय एन मालीक ने ओंगाण ओंगाण चाली काय डायडायान मोन सोरा पोऱ्यान उगे केर देय, एने कायदो नाह माणनाराह देरमीन सोमेज माय लावी, एने बोगवानान केरता एक हाजी पोरजा तियार केरी।”

¹⁸जकरीया हेरोगदुताह फुशो, “ज्य मी किहीक जाणु? काहाकाय मी ते डायो हे, एने मारी बायकु बी डायी एय जायेल हे।”

¹⁹हेरोगदुत जकरीयाह जापाप आप्यो, “मी जिब्राएल हे, जो बोगवानान ओंगाण उबरेणे, माहु ज्यानकेरता मुकलेल हे काय मी तुवा हेऱ्यो वात केरू, एने तुवाह ज्यी हाजाली खुबेर होमलाड़नेन केरता आयेल हे।

²⁰देख, जेदिह वोर ज्यी वात पुरी नाय एय, ते दिह वोर तु मुकोच रिहे, एने बोल नाय सिकहे काहाकाय तु मार वातु पोर बुरहो नाह केऱ्यो, वात ठिख टेम पोर पुरी एय।”

²¹माणहे जकरीयान वाट जोवताला, एने ता बोंगलाय गीया काय जकरीयाह मोंदिरा माय ओलीवार काहा लागी।

²²तेवी जकरीया बाहेर आवो, पुण बोल नाह सेकनो एने ता जाण लेदा काय जकरीयाह मोंदिराम काय बी दर्शन जुड़नो एय, एने जकरीया ईसारो केरतालो, एने मुकोच रेय गीयो।

²³जेवी जकरीयान सेवान दिह पुरा एय गीया, तेवी जकरीया तान गेर जात रिनो।

²⁴ता दिह्यान पासाण जकरीयान बायकुह एलीशिबाह दिह रेना, एने पाच मोयना वोर, आपणा आपाह ज्यो केयीन लीकाड़ मेल्‍यी।

²⁵माणहा माय मारी ईजुत सेटी केरनेन केरता, मालीक ज्या दिह्या माय किव केरीन मार केरता ओहलो किरेल हे।

²⁶एलीशिबाह दिह रेणेन सोव्वा मोयनाम बोगवानान उगे रेन जिब्राएल हेरोगदुत, गेलील नावान नासरत हेयराम।

²⁷1:27 मत्ती 1:18एक कुवारली सोरी फाय मुकलेल, तीन मांगणी युसूफ नावान दाऊदान गेराणान एक एदम्या हेऱ्यी ईयेल एती, ती सोरीन नाव मरीयम एतो।

²⁸हेरोगदुत आहने आवीन केयो, “गीण एने बोरकेत तारीच रेय, एने बोगवान तार हिऱ्यो हे!”

²⁹मरीयम ज्यी वात होमलीन बिय गियी, एने विचार केरने बाज गियी काय? जी काल्ली बातीन खुबेर हे।

³⁰हेरोगदुत तीह केयो, एय मरीयम; बिय मा काहाकाय बोगवानान गीण तुवा पोर ईयेल हे।

³¹1:31 मत्ती 1:21होमेल, तुवाह दिह रेती, एने तु एक सोराह पायदा किरहे, एने तान नाव यीशु मिलजे।

³²तो महान एय, एने बोगवानान बिटोख केवाय; एने मालीक बोगवान तान आबाख दाऊदान राजगादि ताह आपी।

³³“एने तो याकुबान गेराणा पोर जेलेम राज केरी; एने तान राज केदी खेतेम नाय एय।”

³⁴मरीयम हेरोगदुताह केयी, “ज्य किहीक एय। मी ते कुवारली हे।”

³⁵हेरोगदुत तीह जापाप आप्यो, “चोखालो जीव तुवा पोर उतरी एने बोगवानान ताकेत तार पोर सावलो केरी केरीन तो चोखालो पायदा एण्यो हे। एने तो आखाह रेन उचो बोगवानान बिटोख केवाय।

³⁶एने होमेल तारी गेरल्यी एलीशिबान बी डायावाराम एक सोरो एण्यो हे, ती जी वांठी केवाताली तीन सोव्वो मोयनो हे।

³⁷काहाकाय जो वचन बोगवानान उगे रेन ईथे, तो काम एया सावाय नाह रेत।”

³⁸मरीयम केयी, “होमेल मी मालीकान चाकऱ्यी हे, मार हेऱ्यो तारा वचनान गेतुच एय।” तेवी हेरोगदुत ती फाय रेन जात रिनो।

³⁹ता दिह्या माय मरीयम उतवालीच बोयड़ान देसा माय यहुदान एक हेयराम गियी।

⁴⁰एने जकरीयान गेर जाईन एलीशिबाह मिलीन नमस्‍कार केरी।

⁴¹जेवी एलीशिबा मरीयम ने नमस्‍कार होमेलताच सोरो तीन पेटाम उसली पोड़नो, एने एलीशिबा चोखाला जीवा माय बोराय गियी।

⁴²एने ती जोरेस आयड़ीन केयी, “तु बायकु माय रेन बोरकेतवाली हे, एने तारो पेटावालो सोरो बी बोरकेतवालो हे!

⁴³जी गीण माहु कारीन जुड़नीह काय मार मालीकान आहख मार फाय आवीह?

⁴⁴होमेल, जीहे नमस्‍कार होमेलताच मार पेटाम सोरो खुसी माय उसेल पोड़नो।

⁴⁵बोरकेतवाला हेते ता जा बुरहो केरतेह, एने जी वात मालीकान उगे रेन ताह केवाय जायेल एत्यु त्यु पुऱ्यू एय गीयु!”

⁴⁶तेवी मरीयम केयी, “मारो मोन बोगवानान बोड़ाय किरेह;

⁴⁷एने मारो जीव माहु सोड़वणारा बोगवाना पोर खुस ईनो,

⁴⁸काहाकाय तो तान चाकेरनी पोर नेजेर टाक्‍यो!

⁴⁹काहाकाय तो ताकेतवालो बोगवान मार केरता मोट मोटला काम किरेल हे,

⁵⁰तान गीण ता पोर हे जा ताह बितेह पिढीन पिढी वोर बोणीन रिथे।

⁵¹तो तान ताकेत देखाड्यो जा सोताह मोट मोटला सोमेजताला ताह जोथ तोथा वेर दिनो।

⁵²बोगवान ताकेतवाला राजाह तान राजगादि पोर रेन उतार दिनो,

⁵³तो बुखल्याह हाजाली चिज आपीन आफरायेल हे,

⁵⁴तो तान पावोर इस्राएलाह होमाल लियेल हे,

⁵⁵जी अब्राहाम एने तान वोस पोर जेलेम रेय,

⁵⁶मरीयम तीन मोयना वोर एलीशिबा हेऱ्यी रेनी, ओवती तीन गेर जात रेनी।

⁵⁷एलीशिबान सोरो पायदा केरनेन टेम पुरो एय गीयो, तेवी तीन सोरो एनो।

⁵⁸एने तीन आहने रेणारे गेरल्या, ज्यो होमलीन काय मालीक ती पोर मोटली गीण किरेल हे, ती हेऱ्या खुस एना।

⁵⁹एने आठवे दिह तान खेतना केरावणेन जी रिती एती, ती रिती केरने आवा, एने माणहे तान नाव आबाख पोर रेन जकरीया मेलताला।

⁶⁰पुण तान आहख केयी, “नाह ज्यान नाव योहान मीलो।”

⁶¹ता तीह केया, “तारा गेरल्याम रेन ज्य नाव कुणीच ने नाय मीले।”

⁶²तेवी ता तान आबाख ईसारो केरीन फुशा, “तु ज्यान नाव काय मेलने हुदेह?”

⁶³तो लेखणेन पाटी मांगीन लेख दिनो, “ज्यान नाव योहान हे।” एने आखा बोंगलाय गीया।

⁶⁴तेवी तान मुय एने जिब तुलेचबूखे उगड़ी गियी, एने तो बोलने बाज गीयो, एने बोगवानान बोड़ाय केरने बाज गीयो।

⁶⁵तान आहने पाहने रेणारे आखा माणहे जुलूम बिय गीया, एने ज्यी वातु आखा यहुदिया एने आखा बोयड़ान ईलाका माय पोसरी गियी।

⁶⁶ज्यी वातु आखा होमेलनारे जान तान मोना माय विचार केरीन केया, “ज्यो तो सोरो कोहलो एय?” काहाकाय बोगवान आथ ता हिऱ्यो ईतो।

⁶⁷तान आबोख जकरीया चोखाला जीवा माय बोराय गीयो, एने बोगवानान जाणाव ने वचन केणे बाज गीयो:

⁶⁸इस्राएलान मालीक, बोगवानान बोड़ाय एय!

⁶⁹एने तान पावोर दाऊदान गेराणा माय,

⁷⁰तो तान चोखाला जाणकारान द्‍वारे जो दुनियान सुरवात रेन जिहकेरीन इती आयेल हे, कियेल ईतो।

⁷¹आमरा दुसमोना हिऱ्यो रेन,

⁷²तो आमरा डायडायाह कियेल ईतो

⁷³जी सुगोण तो आमरा आबाख अब्राहाम हिऱ्यो खाईल ईतो,

⁷⁴तो आमुह ज्यो आपी काय आमु आमरा दुसमोनान आथाम रेन सुटीन,

⁷⁵तान सोमोर चोखाला, एने देरमीन जीवणो,

⁷⁶“एने एय सोरा, तु मुखी बोगवानान जाणकार केवाही।

⁷⁷एने तान माणहान सुटकारान इकेल आपी, काय तान पापान माफी एय।

⁷⁸ज्य आमरा बोगवानान ती मोटली गीण माय एय।

⁷⁹काय आदारलो एने मोतीन सावला माय बोहणाराह तो उजेड़ ताह आपी,

⁸⁰एने तो सोरो मोठो एने जीवान ताकेत माय वोड़ते गीयो, एने इस्राएलान माणहाह देखाणेन दिह वोर जेंगला माय रिनो।