इफिसीयो 5

¹तानकेरता तुमू बोगवानान मोंगाल्ला सोरा हेते, तानकेरता बोगवानान गेत बुणो।

²जिहकेरीन मसी आपुह मोंग किऱ्यो, एने आपणे केरता सोताह मोग मोग गेंदाणार आस्त्रान गेत बोगवानान केरता एक बेट एने बोलीन रूप माय चेड़ाव दिनो, तिहेस केरीन मोंग माय जीवाय जीवो।

³जिहकेरीन बोगवानान माणहान केरता हाजो हे, तुमरी विचीम सिनालो एने आखी बातीन खाराब कामान एने लोब लालुच ने वातु होमलाणे बी नाय जुवे।

⁴एने नाह तुमरी विचीम खाराब एने बेवकुफीन वातु एणे जुवे, एने नाह चिहटान, काहाकाय ज्‍यु वातु होबा नाह देत्यु। पुण तुमरा मुया केरीन कायेम बोगवानान दन्यवाद एणे जुवे।

⁵काहाकाय तुमू ज्यो हास केरीन जाणतेह काय सिनालो केरनारे, एठा एने लोब केरनारे माणहान, जो मुरती पुजान बाराबोर हे, मसी एने बोगवानान राज माय काल्लोस हिस्सेदार नाय मीले।

⁶कुण बी तुमूह फालतुक वातु माय नाय फासाड़े; काहाकाय ज्‍यीस वातुन वोजेसे बोगवानान राग उकुम नाह माणनारा पोर बोड़केह।

⁷तानकेरता ओहला माणहा हेऱ्या हिस्सेदार मा बोणहो,

⁸काहाकाय पेल ते तुमू आदारा माय रेताला, पुण एवी तुमू बोगवाना माय उजालो हेते। केरीन उजालान सोरान गेत जीवाय जीवो,

⁹5:9 उजालो; थोड़ाक लेख माय जीव हे।काहाकाय उजालान असर आखी बातीन बोलाय एने न्यायीपण एने खेराय माय हे।

¹⁰एने ज्यो पारखो काय बोगवानाह काय पुटीह।

¹¹आदर ने बेकार कामा माय सामील मा ईहो, पुण ताह आखान ओंगाण देखाड़जी।

¹²काहाकाय त्यु वातुन बाराम ज्युह ता लिकाएन केरतेह, मुया केरीन केणेन बी लाज आवीह।

¹³जेवी आख्‍यु वातु उजाला माय लावाय जाय तेवी उजाला माय आखो काय देखाय पुड़ेह;

¹⁴5:14 जो हास केरीन देखाथी तो उजालो बुणीह, नाहते तो उजालो ईथे जो हास केरीन देखाड़ीह। काहाकाय उजालो आख्‍यु वातु देखाड़ेह पुरी रिती से देखाणार चिज सोता उजालो बोण जाथे। तानकेरता तो किथे,

¹⁵तानकेरीन तुमू किहीक जीवतेह, तान बाराम जोगवीन रिवो। एने फोगा माणहान गेत मा ईहो, पुण एकेल वाला माणहान गेत बुणो।

¹⁶5:16 कुलीसियो 4:5टेमाह हाजा काम केरनेन केरता पुरो वापेर किरो, काहाकाय दिह खाराब हेते।

¹⁷एने फोगा मा बुणो, पुण मालीकान मोरजी काय हे, ती सोमजी लिवो।

¹⁸दाराह रेन सेटा रिवो, काहाकाय पिणे से जिन्दगी बारबाद एय जाथे; पुण चोखाला जीवा माय बोरपुर ईती जावो।

¹⁹5:19 कुलीसियो 3:16,17एने मालीकान केरता आपसा माय पुरा मोना केरीन तुमू बजन, स्तुती गीत एने आत्मिक गीते गाया किरो।

²⁰आमरा मालीक यीशु मसीन नावा माय बोगवान आबाख ने कायेम आखी वातुम दन्यवाद केरती रिवो।

²¹मसीह बिन एका दिहरान ताबाम रिवो।

²²एय बायकु, आप आपणा एदम्यान ताबाम ओहल्यु रिवो, जिहकेरीन यीशु मसीन।

²³काहाकाय मसी जिहकेरीन मोंडलीन मुंड हे, तिहेस केरीन एदमी बायकुन मुंड हे; एने खुद मसी मोंडलीन सुटकारो केरनार हे, जो तान सेरीर हे।

²⁴जिहकेरीन मोंडली मसीन ताबाम हे, तिहेस केरीन बायकु बी आखी वातु माय एदम्यान ताबाम रेय।

²⁵एय एदमी, जिहकेरीन मसी मोंडली पोर मोंग केरीन सोताह तान केरता आप दिनो, तिहेस केरीन तुमू तुमरी बायकुह मोंग किरो।

²⁶ताकाय मसी मोंडलीह वचनान द्‍वारा पाण्या से दोवीन चोखो केरीन आमरी गोसणा हेऱ्यो बोगवानाह समर्पित केरी।

²⁷एने तीह एक चोमेकणी मोंडली बोणावीन ता हेऱ्यो उबो केरी, ती माय नाह डाग, चोखो पोणा, निर्दोस, नाह जोरवरी, एने नाह काय कोमी चोखाली एने निर्दोस एय।

²⁸एने इहीचकेरीन एदमी बी तान बायकुह मोंग केरी जिहकेरीन तान सेरीराह मोंग किरेह। जो कुण तान बायकुह मोंग किरेह तो सोताह बी मोंग किरेह।

²⁹(काहाकाय कुण बी सोतान सेरीराह नफरत नाह किरेत, पुण तान हास केरीन पालेन पोषण किरेह जिहकेरीन मसी मोंडलीन किरेह।

³⁰काहाकाय आपु तान सेरीरान आंग हेते।)

³¹एने जिहकेरीन पुस्तेक माय किथे, “ज्यानकेरता एदमी तान आईख आबाख सोड़ीन तान बायकु हेऱ्यो मिलीन रेय, एने ता दुयू एक सेरीर रेती।”

³²ज्यो मालमात ते मोटलो हे, पुण मी ज्यो मसी एने मोंडलीन बाराम केथु।

³³पुण तुमरे माय रेन एकेक तान बायकुह मोंग केरने जुवे, जिहकेरीन तो खुद पोर मोंग किरेह, एने बायकु बी तीन एदम्यान मान मेलने जुवे।