इफिसीयो 4

¹तानकेरता मी जो मालीक यीशुन केरता बोंदी हे, तुमूह विन्ता केरथु काय बोगवाना फाय रेन जीहे हादावणी ईयेल हे, ताह होबे ओहला जीवो।

²4:2 कुलीसियो 3:12,13आखी दीनता एने गेरबोड़ाय माय दिर देरीन आपसाम मोंगा माय एका दिहरान वेठ लिवो।

³एने ती सान्ती जी तुमूह आपसाम बांदिह ता से पायदा ईयेल जीवान एकता बाणावीन मेलनेन केरता एकेक टेमा माय कोसीत किरो।

⁴एक सेरीर एने एकुस जीव हे; ठिक इहीचकेरीन केरीन ती आसा बी एकुस हे, जा माय तुमू हादाड़ाय गीया।

⁵एकुस मालीक हे, एकुस बुरहो, एकुस बपतीस्मा,

⁶एकुस बोगवान हे जो आखान आबोख हे, जो आखान मालीक हे, जो आखा माय काम किरेह, एने जो आखा माय हे।

⁷पुण आमु माय रेन एकेकाह मसीन दान तान मोज मापान गेत गीण जुड़ेल हे।

⁸वचन इही किथे:

⁹एवी, “तो उपेर चेड़नो” ज्यान मतलब काय हे? ज्यान मतलब ज्यो हे काय तो पेल देरतीन आखान नेचली जागे उतेरनो।4:9 देरतीन आखान निचले जागा माय; नाहते देरतीन निचले बाग माय।

¹⁰एने जो नेचो उतेर गीयो तोस ज्यो हे, जो आखा जुगाह रेन उपेर चेड़ बी गीयो काय आखो पुरो केरी।

¹¹एने तो थोड़ाक प्रेरित, जाणकार, हाजाली खुबेर होमलाड़नारे, पासटर एने मास्तेर्‍या नियुक्त केरीन आप दिनो।

¹²जाकेरीन आखा बोगवानान माणहे पाका बोण जाय एने सेवान काम केराय जाय, एने मसीन सेरीर वोदते जाय,

¹³जाह वोर काय आपु आखान बुरहो एने बुद्दी बोगवानान बेटाख ने ओलखात माय एक नाय एय जाय, एने एक पाको माणुह बोण जाय एने मसीन आखी बोड़ायीन उचायीह सापेल नाय लेय।

¹⁴ज्यानकेरता काय आपु ओंगाण सोरान गेत नाय रेय, जो देरीयान लाटान गेत जी उगे ती उगे उसेलने फिरवाय जाणे, एने माणहान ठेग विद्यान वादोण एने माणहान चेतराय ने द्‍वारे वोयते जाथे।

¹⁵पुण मोंगा माय खेरी बोली एने आखी वातुम ता माय जो मुंड हे, मतलब आखी बातीन मसी माय वोदते जावो।

¹⁶4:16 कुलीसियो 2:19जान द्‍वारे बुरहो केरनारान आखो सेरीर मिलाय रेणे, एने तो एकठो बांदिल रेणे, एने एकेक बाग तो जीहे केरने हुदेह तिहे तो किरेह, आपणी बाणावोट मोंगा माय एणेन केरता पुरा सेरीर माय वोड़ती एणे।

¹⁷तानकेरता मी मालीकान नावा माय चेतावणी आपथु काय जिहकेरीन बिगेर यहुदिन माणहे तान मोनान व्यर्थ विचार माय जीवतेह, तुमू एवी रेन इहकेरीन मा चालो।

¹⁸काहाकाय तान इकेल आदारा माय जात रियेल हे, एने मोनान कोपेट एने बिगेर एकलीवाला कोपेट एने बिगेर एकलीन वोजेसे एने बोगवानान जीवायीह रेन ता आंगे एय रेनाह।

¹⁹एने ता माय रेन लाज जात रियेल हे; एने ता सोताह खाराब काम केरनेम लागाड़ देनाह, काल्ली बी वात नाह मानेन आखी बातीन खाराब कामा माय लाग रेनाह।

²⁰मसीन बाराम ओहली हिकवोण तुमूह नाह आपेल ईतो।

²¹केदी तुमू तान बाराम होमलेल एने तान हिकवोणाह स्वीकार किरेल हेते, जो मसी यीशु माय खेरलो हे।

²²4:22 कुलीसियो 3:9केरीन तुमू तुमरा बोलना चालनान जुनाला माणहाह, जो कोपेट ने खाराब लालसान गेत खेतेम ईती जाथे, उतार दिवो।

²³तुमरो सोचणेन एने सेवा केरनेन बोदेलने जुवे।

²⁴4:24 कुलीसियो 3:10एने नोवाला माणहाह पिर लिवो, जो बोगवानान गेत खेरायीन न्यायीपण, एने चोखाली जीवाय माय बोणाय गीयोह।

²⁵तानकेरता जुठ बोलनेन सोड़ीन एकेक माणुह तान आहेंल्या हेऱ्या खेरलो बोली, काहाकाय आमु आखा मसीन सेरीरान अंग हेते।

²⁶राग ते किरो, पुण पाप मा किरो, दिह बुड़नेन पेल तुमरो राग ओलाय जाय।

²⁷एने सैतानाह टेम मा आपो,

²⁸जो माणुह पेल चोरी केऱ्या केरतालो, तो पोशो चोरी नाय केरी, पुण हाजा काम केरनेन केरता मेहनेत केरी, ज्यानकेरता काय जा माणहाह गिरेज पुड़ेह ताह आपणेन केरता ता फाय जुलूम काय रेय।

²⁹तुमरा मुयाम रेन हानिकारक खाराब वात नाय निकले, पुण जो हाजो रेय जी हाजी हे, एने आखान फायदान केरता एय, काय होमेलनारान जीवणाम गीण लावी।

³⁰तुमू बोगवानान चोखाला जीवाह दुख मा पोचाड़ो; काहाकाय तास ने द्‍वारा तुमू पोर सुटकारान दिह्यान केरता साप लागाड़ेल हे।

³¹आखी कड़वाहट, प्रकोप, राग, राड़, खाराब बोलने एने दुख पोचाड़नार वातु एने आखी बातीन खाराबपोणा माय निकाल दिवो।

³²4:32 कुलीसियो 3:13एका दिहरा पोर मोंग एने गीण केरनार बुणो, एने तुमू एका दिहराह माफ केरनारे बुणो, जिहकेरीन बोगवान मसीन वोजेसे तुमूह माफ किरेल हे।