गलातीयो 5

¹मसी स्वतंत्रान केरता आपुह स्वतंत्र किरेल हे, तानकेरता मोजबुत रिवो एने गुलाम ने जुवाला माय पोशा मा सापड़ो।

²हुमलो, मी पौलुस तुमूह केथु काय केदी खेतना केरावहो, तुमू मसीन उगे से तुमूह काय फायदो नाय एय।

³तीबी मी आखा खेतना केरावणाराह केय दिथो काय ताह आखो नेम मान्ने पोड़ी।

⁴तुमू जा नेमान द्‍वारा न्यायी ठेराणे होदतेह, मसी रेन आंगे एने गीणीह रेन पोड़ जायेल हेते।

⁵काहाकाय जीवान वोजेसे आमु बोरहा केरीन, आसा किरेल देरमीपोणान वाट जोवतेह।

⁶जेवी मसी यीशु माय एक एतेह, तेवी नाह खेतनान काह काम हे, एने नाह बिगेर खेतनान एणेन; पुण फोक्‍तो बोरहान जो मोंगान द्‍वारा ईथे।

⁷तुमू ते हास केरीन दोवेड़ताला। एवी कुण तुमूह रोक देनो काय खेरायीह नाय माने।

⁸ओहली हिक तुमूह हादणारा बोगवानान उगे रेन नाह।

⁹5:9 1 कुरिंथीयो 5:6थोड़ोक खमीर कुहणेल पुरा फिटाह खमीर केर दिथे।

¹⁰माहु मालीक माय तुमरी पोर बुरहो हे काय तुमरो एगदो दिहरो विचार नाय रेय; पुण जो तुमूह बिवाड़ दिथे, तो एगदो काहा नाय रेय डेंड बोगी।

¹¹पुण एय बाय बोणहा, केदी मी आज बी जीहे काय थोड़ाक माणहे सोमेजतेह खेतनान ज्यो पारचार केरथु ते माहो एवी वोर काहा सेतावेह? तेवी मसीन खुरूसखाम ने कारीन पायदा ईयेल सोब बादा खेतेम एय जाणे जुवे।

¹²हाजो रेतो काय जा तुमूह दुखी केरतेह ता सोता तास ने सेरीर काट देता।

¹³एय बाय बोणहा, तुमू स्वतंत्र एणेन केरता हादाड़ाय जायेल हेते; ज्यी स्वतंत्राह सारिरीक कामान केरता सादेन मा बाणावो, पुण मोंग से एका दिहरान सेवा किरो।

¹⁴काहाकाय आखो नेम ज्यी एकुस वाती माय पुरी एय जाथे, “तु तारा आहेंल्या हिऱ्यो तार गेत मोंग केर।”

¹⁵पुण केदी तुमू एका दिहराह दुख एने पोचाड़तेह दाता केरीन चावतेह एने फाड़ खातेह, ते चेकचेल्या रिवो काय एका दिहरान खेतेम नाय केर दिहो।

¹⁶पुण मी केथु, चोखाला जीवान गेत चालो ताहार तुमू सेरीरान लालुस काल्ली बी रिती से पुरी नाय किरहो।

¹⁷5:17 रोमीयो 7:15-23काहाकाय सेरीर ते जीवान विरोद माय एने जीव सेरीरान विरोद माय लालुस किरेह, एने ज्या एका दिहरान विरोदी हेते; ज्यानकेरता काय जो तुमू केरने होदतेह ताह नाय केर सिकहो।

¹⁸पुण केदी तुमू जीवान चालाड़ेल चालतेह, ताहार नेमान काबाम नाह रेना।

¹⁹सेरीरान काम ते देखातेह, मतलब सिनालो, खाराब पोण, बोगविलास,

²⁰मुरती पुजा, जादुटोणा, दुसमोनाय, राड़, कुयराणे, राग, स्वार्थीपोण, फुट, विदर्म,

²¹दारकुट्यो, लीलाक्रिड़ा एने इहकेरीन दिहरा उंजु कामे हेते, जान बाराम मी तुमूह पेलुस रेन केय दिथो जिहकेरीन पेल केय बी दियेल हे, काय ओहला ओहला काम केरनारे बोगवानान राज ने वारीस नाय रेती।

²²पुण जीवान फोल मोंग, खुसी, सान्ती, दिर, गीण, बोलाय, बुरहो,

²³गेरबोड़ाय, एने संयम हे; ओहला ओहला कामान विरोद माय काल्लो बी नेम नाह।

²⁴एने जा मसी यीशुन हेते, ता सेरीराह तान आसा एने अबिलाषा बेल खुरूसखाम पोर चेड़ाव दियेल हे।

²⁵केदी आपु जीवान द्‍वारा जीवताला हेते, ताहार जीवान गेत चाले बी।

²⁶आपु गोमेंडी नाय बोणी एने एका दिहराह नाय विताड़े, एने नाय एका दिहरा हेऱ्या कुयराय केरी।