गलातीयो 2

¹चोवदा वोरह्या बाद मी बरनबासा हिऱ्यो पोशो यरूशलेम माय गीयो, एने तीतुसाह बी आरही ली गीयो।

²बोगवानान मारो जाणो बोगवानान गेत एनो, एने जी हाजाली खुबेर मी बिगेर यहुदि माय पारचार केरथु, तीह मी ताह केय दिनो, पुण कुवालोच ताह जा मोटला सोमजाय जाताला, काहाकाय इही नाय एय काय मारी ज्यी टेमीन नाहते पासाणली दोवेड़ फालतुक ठेराय।

³पुण तीतुसाह बी जो मारो मोदेक केरनार हे, एने जा बिगेर यहुदि हेते, खेतना केरावणेन ता पोर दाबाव नाह टाक्‍यो।

⁴एने ज्यो ता जुठा बायह्याख ने वोजेसे एनो जा लिकाएन रिग जायेल एता, काय आपणी ती स्वतंत्रान जा मसी यीशु माय आपुह जुड़ेल हे, जाणकारी लेन आपुह गुलाम बाणावी।

⁵आमु तान आदिन ता माय गुटण्या नाह टेक्या, ज्यानकेरता काय हाजाली खोबरीन खेराय तुमरे माय बोणीन रेय।

⁶पुण जा माणहे खाज लागतेह ता कोहलाक बी एता माहो ताहसे काय फारेक नाह फुड़ीत बोगवान कुणी बाहेरल्यो रूप देखीन कुणी नियाव नाह केरने ता से जा आपणे आपणा खाज केवाताला ता से माहु काय फायदो नाह ईनो।

⁷पुण ज्यान उलटो जिहकेरीन यहुदि माणहाह हाजाली खुबेर केणेन काम पतरसाह होपायेल, तिहेच केरीन बिगेर यहुदि माणहान केरता माहु हाजाली खुबेर होमलावणेन होपायेल हे।

⁸काहाकाय जो पतरस खेतना वालान माणहाह प्रेरिताईन काम मोटलो प्रबावा बेल केरायो, तोस माहु बी बिगेर यहुदि माय प्रबावशाली काम केरायो,

⁹एने जेवी ता ती गीण माहो बोगवाना फाय रेन जुड़ेल एती, ओलख्या जी माहु ते याकुब, केफा एने योहान जा मोंडलीन खाम सोमजाय जाताला, माहु एने बरनबासाह सेंगेतीन जीवड्यो आथ आप्या काय आमु बिगेर यहुदि माय एने, ता खेतनावाला माय काम केरी।

¹⁰2:10 आहने हे; नाहते आहने ईतो।फोक्‍तो आमु जाह जोरवुत हे ताह आपणो, ओहली तान मोरजी एती; एने ज्यास कामाह केरनेन मी खुद कोसीत केरतालो।

¹¹पुण जेवी पतरस अन्ताकियाम आवो, ते मी आखान सामने तान विरोद किऱ्यो, काहाकाय तान गेलती साप साप एती।

¹²काहाकाय याकुबान द्‍वारे मोकलायेल थोड़ाक माणहे न्या आवणेन पेल पतरस बिगेर यहुदि बुरहो केरनारा हिऱ्यो खाणो खाया केरतालो, पुण जेवी ता माणहे आवा पतरस बिगेर यहुदि बुरहो केरनारा हिऱ्यो रेन सिटो ईनो एने ता हिऱ्यो खाणे पिणेन सोड़ दिनो ज्यो तु ता माणहान बिय माय किरेल काय ता होदताला बिगेर यहुदिन खेतना एणे जुवे।

¹³दिहरा यहुदि माणहे बी ज्या कोपेट माय पतरसान साथ देना, न्या वोर काय बरनबास बी ता माणहान कोपेट ने कारेण बोटेक गीयो।

¹⁴पुण जेवी मी दिख्यो काय ता हाजाली खोबरीन खेराय पोर हुतरा नाह चालते, ते मी आखान सामने पतरसाह केयो, “जेवी तु यहुदि एन बिगेर यहुदिन गेत जीवनो जिवेह यहुदिन गेत नाह ताहार तु बिगेर यहुदिह यहुदिन गेत चालनेन काहा किथे?”

¹⁵आमु ते पायदा सेस यहुदि हेते, एने पापी बिगेर यहुदि माय रेन नाह।

¹⁶2:16 रोमीयो 3:20; रोमीयो 3:22आमु जाणतेह काय माणुह नेमान कामा केरीन नाह पुण मसी यीशु पोर बुरहो केरनेन द्‍वारा देरमी ठेराथे, आमु खुद मसी यीशु पोर बुरहो केऱ्या काय आमु नेमान कामा केरीन नाह, पुण मसी पोर बुरहो केरने से देरमी ठेराय; ज्यानकेरता काय नेमान कामा केरीन काल्लो बी माणुह देरमी नाय ठेराय जाय।

¹⁷आपु जा मसी माय देरमी ठेराणे होदतेह, केदी सोतास बिगेर यहुदिन गेत पापी निकल्या ते काय मसी पापान सेवक हे? केदिस नाह!

¹⁸काहाकाय जो काय मी पाड़ दिनो केदी ताहास पोशो बाणावथो, ताहार सोताह गुनेगार ठेरावथो।

¹⁹काहाकाय मी ते नेमान द्‍वारा नेमान केरता मोर गीयो काय बोगवानान केरता जीवो। मी मसी हिऱ्यो खुरूसखाम पोर चेड़ावाय जायेल हे,

²⁰एने एवी मी जीवतालो नाह रिनो, पुण मसी मार माय जीवतालो हे; एने मी सेरीर माय एवी जो जीवतालो हे, ते फोक्‍तो ता बोरहा केरीन जीवतालो हे जो बोगवानान बेटाख पोर हे, जो माहु मोंग किऱ्यो एने मार केरता सोताह आप दिनो।

²¹मी बोगवानान गीणीह नाह नाकारणे। पुण केदी काल्लो माणुह नेमान द्‍वारा देरमी रेतो, ते ज्यान मतलब ज्यो हे काय मसीन मोरनो व्यर्थ रेतो।