गलातीयो 1

¹मी पौलुसान उगे रेन प्रेरित जो नाह माणहान उगे रेन एने नाह माणहान द्‍वारा निवोड़नो, पुण यीशु मसी एने आबोख बोगवानान द्‍वारा जो यीशुह मुरेल माय रेन जीवाड्यो।

²एने आखा बायाख ने उगे रेन जा मार हेऱ्या हेते, गलातीयान मोंडलीह नमस्‍कार मोकेलतेह।

³आपणो आबोख बोगवान एने मालीक यीशु मसीन उगे रेन तुमूह गीण एने सान्ती जुड़ते रेय।

⁴जो आपणा पापान केरता सोताह आप दिनो, काहाकाय आपणो बोगवान एने आबाख ने मोरजीन गेत आपुह ज्यी एवीन खाराब दुनिया से सोड़वे।

⁵तान बोड़ाय जेलेम एते रेय। आमेन।

⁶माहु आश्‍चर्य ईथे काय जो तुमूह मसीन गीण माय हाद्यो ताह तुमू ओला उतवाल्या एगदी दिहरीस हाजाली खोबरीन केरता बोटेकणे बाजरेनाह।1:6 मसीन गीण से; थोड़ाक लेख माय तान गीण से लिखेल हे।

⁷पुण “दिहरी हाजाली खुबेर सोतीस नाह,” पुण वात ज्यी हे काय थोड़ाक माणहे ओहला हेते जा तुमूह गाबराव देतेह, एने मसीन हाजाली खोबरीह बिगाड़ ने होदतेह।

⁸पुण केदी आमु, नाहते हेरोगदुत बी ती हाजाली खोबरीह सोड़ीन जी आमु तुमूह होमलाड़ेल हेते, एगदी दिहरी हाजाली खुबेर तुमूह होमलाड़े ताहार हाराप एय।

⁹जीहे आमु पेल कियेल हेते, तिहेच केरीन मी एवी उंजु केथु काय ती हाजाली खोबरीह सोड़ीन जीह तुमू स्वीकार किरेल हेते, केदी एगदी दिहरी हाजाली खुबेर होमलाड़ेह, ताहार हाराप एय!

¹⁰काय ज्याकेरीन ओहलो लागेह काय मी माणहाह मानथु काय बोगवानाह? काय मी माणहाह खुस केरनेन कोसीत केरने कोसीत केरथु? केदी मी माणहास खुस किरतो, ताहार मी मसीन सेवक नाय बोण सेकतो।

¹¹एय बाय बोणहा, मी तुमूह केय दिथो काय जी हाजाली खुबेर मी होमलाड़ेल हे ती माणहान उगे रेन नाह।

¹²काहाकाय ती माहु काल्ला माणहान उगे रेन नाह पोचनी, एने नाह माहु एगदो हिकाड़ेल, पुण यीशु मसीन द्‍वारा देखानी।

¹³यहुदि देरमा माय जो पेल मारो बोलनो चालनो एतो, तान बाराम तुमू होमेल लियेल हेते काय मी बोगवानान मोंडलीह जुलूम वेला केरायेल एने खेतेम केरतालो।

¹⁴1:14 प्रेरितान काम 22:3मारा जुलूम होवटा जातीवालाह जा मारी वोयावाला एता, यहुदि देरमा माय जुलूम वोदते जाताला एने मारा डायडायान रितीन केरता उत्साही ईतो।

¹⁵पुण बोगवान तान गीणीन द्‍वारा माहु मारी आईख ने पेटास माय रेन निवाड़ लिदो, एने हाद्यो काहाकाय मी तान सेवा केर सेकु,

¹⁶जेवी तो निर्णय लिदो काय तान सोराह मार माय देखाड़ी काय मी बिगेर यहुदि माय तान हाजाली खुबेर होमलाडु, ते मी काल्ला माणहान मोदेक नाह लिदो।

¹⁷एने नाह मी ता फाय गीयो जा माहु रेन पेल यरूशलेम माय प्रेरित निवड़ायेल एता, पुण मी अरब माय जात रिनो, एने ता रेन पोशो दमिश्‍क माय वोलीन आवतरनो।

¹⁸ओवतो तीन वोरह्या बाद मी पतरसा हिऱ्यो मिलनेन केरता यरूशलेम गीयो, एने ता फाय पोंदरा दिह वोर रिनो।

¹⁹1:19 याकुबाह सोड़ीन दिहरो काल्लो बी प्रेरित; नाहते काल्लो बी प्रेरित नाह, जा दिहरा एदम्याह मी दिखेल ईतो तो याकुब ईतो।पुण मालीकान बाहख याकुबाह सोड़ीन काल्ला दिहरा प्रेरिताह नाह मिलनो।

²⁰बोगवान मारो गोवा हे काय ज्‍यु वातु मी तुमूह लेखथु, त्यु जुठ्यु नाह।

²¹तान बाद मी सीरीया एने किलीकीयान फोलाम आवो।

²²पुण यहुदियान मोंडली जा मसीन बोरहाम हेते, माहु व्यक्तिगत रूप से केदी नाह मीलना;

²³पुण मार बाराम जाणताला काय जो आपुह पेल वेला केरावतालो, “तो एवी तास बोरहान हाजाली खुबेर होमलाड़ेह जीह पेल खेतेम केरतालो।”

²⁴एने ता मार बाराम बोगवानान बोड़ाय केरताला।