मत्ती 24

¹जेवी यीशु मोंदिर माय रेन निकलीन जातालो, ते तान चेला ताह मोंदिरान आवाली देखाड़नेन केरता जागे आवा।

²तेवी यीशु चेलाह किथे, “तुमू ज्य आखो देखतेह ने मी तुमूह खेरीच केथु, न्या देगड़ा पोर दिगोड़ नाय पोड़ी जाह पाड़ती नाय।”

³जेवी यीशु जेतुन बोयड़ा पोर बोह रियेल ईतो, ते चेला ठावकास यीशु फाय आवीन केतेह, “आमुह कि काय ज्यी वातु केवीह एती? तारो आवणेन एने देरतीह खेतेम एणेन काय निसाणी रेय।”

⁴यीशु ताह जापाप आप्यो, “होमालीन रिवो कुण तुमूह फासाड़ने नाय जुवे।

⁵काहाकाय जुलूम ओहला रेती, जा मारो नाव लेन आवीन केती, ‘मी मसी हे!’ एने मोकतास जाणाह खोवाड़ती।

⁶तुमू लेड़ाय एने लेड़ाय ने वात होमेलहो ताहार बिय मा जाहो, काहाकाय ज्य ते एण्योच हे, पुण तुलबूखेच खेतेम नाय एय।

⁷काहाकाय देसा पोर देस एने राज पोर राज उठ बोही, एने जागा जागा काल पोड़ती, एने बुकम्प एती।

⁸ज्यी आख्‍यु वातु पिढान सुरवात रेती।”

⁹तेवी ता तेकलीत आपणेन केरता तुमूह देराव देती, एने तुमूह मार टाकती एने मार नावान कारेण आखा देसान माणहे तुमू हेऱ्या दुसमोनाय केरती।

¹⁰तेवी मोकतास माणहे ठोकरा खाती, एने एका दिहराह देराव देती, एने एका दिहरा हेऱ्या विरोद केरती।

¹¹मोकतास जुठा जाणकार उठ बोहती, एने मोकतास माणहान मोन बोटकावती।

¹²एदेरमो वोड़ने से मोकतास माणहान मोंग ठेंडो पोड़ जाय,

¹³24:13 मत्ती 10:22पुण जा सेवली बुखे वोर दिर खाती रेती, ताच ने सुटकारो एय।

¹⁴एने राज ने ज्यी हाजाली खुबेर आखी देरती पोर पारचार एय जाय। काय आखी जाती पोर गोवाय रेय, तेवी सेवल्यो टेम आव जाय।

¹⁵ज्यानकेरता तुमू ती उजेड़णार खाराब चिज जीन वात दानिएल जाणकारान द्‍वारे ईयेल एती, चोखाली जागे उबरियेल दिख्यो, “जो वाची तो सोमजी।”24:15 दानिएल 9:27; 11:31; 12:11

¹⁶तेवी जा यहुदिया माय रेती ता, बोयड़ा माय नाह जाया।

¹⁷24:17 लुका 17:31जा दाबा पोर रेती ता तान गेरा माय रेन सामान लेणेन केरता नाय उतरी।

¹⁸एने जा खेता माय रेती, ता तान फाड़का लेणेन केरता पासाण नाय वोलती।24:18 लुका 17:31

¹⁹ता दिह्या माय जी पेटावाली एने आतल्या सोराह बुजो खावाड़तेय, त्युन केरता हाय, हाय!

²⁰एने बोगवाना फाय विन्ता किरते रिवो काय तुमूह ईवाला माय विहेवणेन दिह नाहणे नाय पोड़ी।

²¹काहाकाय तुलबूखे उहलो मोटलो तेकलीत रेय, जोहलो देरतीन पेल रेन एवी वोर नाह एनो एने नाय केदी एय।24:21 दानिएल 12:1; प्रकाशितवाक्य 7:14

²²केदी ता दिह कोम नाय एता, ते काल्लोस जेनवार नाय वोचतो, पुण जा निवाड़ेल हेते, तान कारेण ता दिह कोम एय जाती।

²³तुलबूखे केदी ईखेह तुमूह केय दिखो, मसी न्या हे, नाहते ता हे, ते बुरहो मा किरहो।

²⁴काहाकाय जुठा मसी एने जुठा जाणकार उठ बोहती, एने मोटली निसाणी, एने बोंगलाड़ टाके ओहला कामे देखाड़ती काय केदी एय सेकी ते निवाड़ेलाह बी खोवाड़ देती।

²⁵दिखो, मी तुमूह पेलुच रेन ज्य सोब केय दिनोह।

²⁶तानकेरता केदी ता तुमूह केती, तो जेंगला माय हे; बाहेर मा निकेल जाहु; नाहते दिखो, तो गेरा माय हे, ते बुरहो मा किरहो।24:26 लुका 17:23-24

²⁷काहाकाय जिहकेरीन विज जीहे दिह उगता उगे रेन निकलीन दिह बुड़ता उगे वोर विजलेह, तिहेस माणहान बेटाख ने बी आवणो रेय।24:27 लुका 17:23-24

²⁸24:28 लुका 17:37जाहरी देड़ रिथे, ताच मोराग्या टुलो एती।

²⁹ता दिह्या माय सेताव ने पासाण तुलेचबूखे दिह आदारो एय जाय, एने चांदान उजेड़ जात रेय, एने तारा जुगाम रेन बुई पोर आव पोड़ती एने जुगान ताकेत आलाड़ाय जाय।24:29 यशाया 13:10; 34:4; यहेजकेल 32:7; योएल 2:10,31; 3:15; प्रकाशितवाक्य 6:12-13

³⁰तेवी माणहान बेटाख ने निसाणी वादला माय देखाय, एने तेवी देरतीन आखा जातीन माणहे साती ठोकती; एने माणहान बेटाख मोटली ताकेत एने बोड़ाय हिऱ्यो जुगान वादला पोर आवतालो देखती।24:30 दानिएल 7:13; जकर्‍या 12:10-14; प्रकाशितवाक्य 1:7

³¹तो पावलान सोबदा हिऱ्यो तान हेरोगदुताह मुकल्यो, एने ता वादलान ज्यी उगे रेन ती उगे वोर चार उगे रेन तान निवाड़ेल माणहाह एकठा केरती।

³²अंजीरान जाड़ा पोर रेन ज्यो किस्सो हिको; जेवी तान डाल कोमाय जाथे एने डाले हेहड़ी जातेह, ते तुमू सोमजी जातेह काय हियालो आहने हे।

³³24:33 टेम आहने आवणे बाजरेनोह, सुरू एणे वालो हे, नाहते आहने हे, आवणेन केरता तियार हे तिहेच केरीन जेवी तुमूह ज्यु आख्‍यु वातुह दिखहो ताहार सोमजी जाज्यो काय तो आहने हे, एने बायणा पोर हे।

³⁴मी तुमूह खेरीच केथु काय जाह वोर ज्यी आख्‍यु वातु पुऱ्यू नाय एय जाती, ताह वोर ज्यी पिढी खेतेम नाय एय।

³⁵जुग एने देरती टेल जाय, पुण मार वचन केदी नाय टेली।

³⁶ते दिह एने तुलबूखेन बाराम कुण नाह जाणेत; नाह हेरगान हेरोगदुत एने नाह बिटोख,24:36 थोड़ाक लेख माय बेटाख बी नाह लिखेल सोतो। पुण आबोख उलोस।

³⁷जिहकेरीन नोहान दिह्या माय ईयेल एतो, तिहेच केरीन माणहान बेटाख ने आवणो बी एय।24:37 उत्पत्ती 6:5-8

³⁸काहाकाय जीहे वादोण पाण्याह रेन पेल्ला दिह्या माय जेदिह वोर नुहो डोंडह्या माय नाह बुठो, ते दिह वोर माणहे खाते पिते रेना एने ता माय वाराड़ ईती रेनो।

³⁹एने जाह वोर वादोण पाणी आवीन ता आखाह वोयाड़ नाह ली गीयो, ताह वोर ताह काईच बी मालुम नाह पोड़नो; तिहेस माणहान बेटाख ने बी आवणो रेय।24:39 उत्पत्ती 7:6-24

⁴⁰तुलबूखे दुय खेता माय रेती; ता माय रेन एक विसाय जाय एने दिहरो रेय जाय।

⁴¹दुय बायकु गेरटी देलने बाज रेती, त्यु माय रेन एक विसाय जाय एने दिहरीह सोड़ देय।

⁴²तानकेरता जाकता रिवो, काहाकाय तुमू जाणते नाह काय तुमरो मालीक काल्ले दिह आवी।

⁴³पुण ज्य जाण लिवो काय केदी गेरान मालीक जाणतो काय चोर कुलबुखे आवण्यो हे, ते जागतो रितो, एने तान गेर लुटणे नाय दितो।24:43 लुका 12:39-40

⁴⁴तानकेरता तुमू बी तियार रिवो, काहाकाय ज्यी टेम माय तुमू विचार नाय केरती, ती टेम माय माणहान बिटोख आव लागी।

⁴⁵बोरहावालो एने ईकेलवालो पावोर कुण हे, जाह मालीक तान पावरा पोर सरदार ठेरायेल काय ताह खाणो आपी?

⁴⁶बोरकेतवालो हे तो पावोर, जाह तान मालीक आवीन तिहेस केरताला देखी।

⁴⁷मी तुमूह खेरीच केथु तो ताह सोब मालदेना पोर आदिकारी ठेरावी।

⁴⁸पुण केदी तो खाराब पावोर मोना माय सोचणे बाज जाय काय मार मालक्याह आवणेन उंजु जुलूम वार हे,

⁴⁹एने तान हातीन पावराह देणे बाज जाय, एने पिणारा हिऱ्यो खाय पिय।

⁵⁰ते ता पावरान मालीक ओहले दिह आवी, जेदिह तो तान आवणेन वाट बी निहे जोवतेय, एने जान ताह खुबेर बी निहे एय,

⁵¹24:51 तान टुकड़ा टुकड़ा किर दिवो, नाहते बाहेर जुगार दिवो।तेवी तो ताह डेंड सेजा देय, एने तान ईसो कोपट्या हिऱ्यो ठेरावी; ता रेड़णो एने दात केकड़ावणे रेय।