मत्ती 15

¹तेवी यरूशलेम हेयराम रेन थोड़ाक फरिसी एने देरेमगुरू यीशुन आहने आवीन केतेह,

²“तारा चेला डायडायान रितीह काहा नाह पालते? एने बिगेर आथ दुयेल रूटो खातेह!” यहुदिन आथ दोवणेन रिती

³यीशु ताह जापाप आप्यो, “तुमू बी तुमरी रितीह मान्नेन केरता काहा बोगवानान उकुमाह टालतेह?

⁴काहाकाय बोगवान कियेल हे, ‘तार आबाख एने तार आईख ने मान मिलज्यो, एने जो कुण आबाख नाहते आईख खाराब केय तो माराय जाय।’15:4 निर्गमन 20:12; 21:17; व्यवस्था 5:16; लेव्यवस्था 20:9

⁵पुण तुमू केतेह केदी एगदो तान आबाख नाहते आईख केय, ‘जो काय तुवाह माहु फाय रेन जुड़तालो, तो मी बोगवानाह बेट चेड़ाव दियेल हे,’

⁶ते तो तान आबाख ने मान नाह मेलेत।15:6 थोड़ाक लेख माय तान आहख आबोख लिखेल हे तानकेरीन तुमरी रितीन केरता बोगवानान वचनाह टाल देनाह।

⁷एय कोपट्या! यशाया जाणकार तुमरा बाराम ज्यी जाणाव ठिक किरेल हे!

⁸“न्या माणहे, ओठा केरीन ते मारो मान मेलतेह,

⁹एने न्या उदडुस मार नावान बोक्ती केरतेह,

¹⁰तेवी यीशु माणहाह आहने हादिन केयो, “हुमलो एने सोमजो!

¹¹जो मुया माय जाथे तो माणहाह एठो नाह किरेत, पुण जो मुयाम रेन निकलेह, तोच माणहाह एठो किरेह।”

¹²तेवी चेला आहने आवीन केया, “तुवाह मालुम हे काय तारी ज्यी वात होमलीन फरिसी नाराज एय गीया?”

¹³तो चेलाह केयो, “एकेक जाड़ जाह मार हेरगावालो आबोख नाह लागाड़ेल सोतो, ताह तु मुला बेलुच उखाल देय।

¹⁴15:14 लुका 6:39ताह जाणे दिवो, ता आंदलाह वाट देखाड़नारे हेते; एने केदी आंदलो आंदलाह वाट देखाड़ी, ते दुयू बी खाडाम जाय पोड़ती।”

¹⁵ज्य होमलीन पतरस ताह केयो, “ज्यो किस्सो आमुह सोमजाड़ दे।”

¹⁶तो चेलाह केयो, “काय तुमू बी नासमज हेते।

¹⁷काय तुमू नाह जाणते, जो काय मुयाम रेन पेटाम जाथे, तो आगणेन द्‍वारे बाहेर निकेल जाथे।

¹⁸15:18 मत्ती 12:34पुण जो काय माणहान मुयाम रेन निकलेह, तो मोनाम रेन निकलेह एने तोच माणहाह एठो केरने।

¹⁹काहाकाय खाराब विचार, खुन, चोरी, सिनालो, दिहरा सिनालाम फासाड़ने, जुठो पुरावो, एने चिहटा मोना माय रेन निकेलने।

²⁰ज्योच हे जो माणहाह एठो केरने, पुण बिगेर आथ दुयेल रूटो खाणु तो माणहाह एठो नाह किरेत।”

²¹यीशु तारीन निकलीन सुर एने सेदान देसा माय जात रिनो।

²²ता देसा माय रेणार एक कनानी जातीन बायकु रेड़तेन ता फाय आवीन आयड़ीन केयी, “एय मालीक! दाऊदान सोरा, यीशु। मार पोर किव केर, काहाकाय मार सोरीह बुतड़ो जुलूम विताड़ने बाजरिनोह।”

²³पुण यीशु तीह कायच जापाप नाह आप्यो। तेवी तान चेला आवीन ताह केया, “तीह मोकेल दे, काहाकाय ती आमरे पासाण आयेड़तेन आवणे बाजरेनीह।”

²⁴यीशु जापाप आप्यो, “इस्राएलान गेराणान टाकायेल मेंड्राह सोड़ीन, बोगवान माहु दिहरा कुणीस फाय नाह मोकलेल सोतो।”

²⁵पुण ती बायकु आवी एने यीशुह नमस्‍कार केरीन केणे बाज गियी, “एय मालीक, मारी मोदेक केर।”

²⁶यीशु तीह जापाप आप्यो, “सोरान रूटो चिताह आपणे हाजो नाह सोतो।”

²⁷ती केयी, “ज्य खेरीच हे मालीक, पुण चिता बी ते मालक्यान खाणे बुखेत टेबला पोर रेन उसटालो बुंदे पुड़ेह ते, विसीन खाणु ते खोरा।”

²⁸ज्य होमलीन यीशु तीह जापाप आप्यो, “एय बाय, तारो बुरहो मोटलो हे! जिहकेरीन तु हुदेह तिहेस केरीन तार केरता एय।” एने तीन सोरी चालोस हुदरी गियी।

²⁹ओवतो यीशु ता रेन निकलीन गेलीलान देरीयान आहने आवो, एने एक बोयड़ा पोर चेड़ीन बोह गीयो।

³⁰तेवी माणहे यीशु फाय लेंगड़ाह, आंदलाह, पांगलाह मुकाह, एने दुखाऱ्या माणहाह बी लावीन यीशुन पाया हेऱ्या मेल देना, एने यीशु ता आखाह हुदार दिनो।

³¹मुका बोलतेह, एने पांगला हुदेरतेह, एने लेंगड़ा चालतेह, एने आंदला देखतेह, ज्य आखो देखीन माणहे बोंगलाय गीया, एने इस्राएलान बोगवानान बोड़ाय केऱ्या।

³²तेवी यीशु तान चेलाह हादिन केयो, “माहु न्या माणहा पोर किव आवेह, काहाकाय न्या तीन दिह रेन मार हेऱ्या हेते, एने न्या फाय खाणेन केरता कायच नाह सोतो। मी न्याह बुखल्योच मोकेलने नाह होदेत, नाह ते बुखल्या न्या वाटेच लेवायीन रेय जाती।”

³³चेला ताह फुशा, “आपुह ज्या उजाड़ी माय ओला रोटा कारीन जुड़ती, काय आपु ओला होवटा माणहाह खावाडीन आफराव हु?”

³⁴यीशु ताह फुशो, “तुमू फाय कोलाक रोटा हेते।” ता जापाप आप्या, “हात रोटा, एने थोड़ाक आतल्या मासा बी हेते।”

³⁵तेवी यीशु माणहाह बुई पोर बोहणे केयो।

³⁶एने तो ता हात रोटा, एने मासाह आथाम लेन हेरगान उगे देखीन बोगवानान दन्यवाद केरीन मुड्यो, एने तान चेलाह आपते गीयो; एने चेला माणहाह वाट देना।

³⁷इहकेरीन आखा माणहे खाईन आफरी गीया, एने चेला उगरेल रोटान टुकड़ा हात टोपला बोरीन विशा।

³⁸खाणारे बायकुह एने सोराह सोड़ीन चार एजार एदमीच एता।

³⁹तेवी यीशु माणहाह मोकेल देन डोंडह्या पोर चेड़ीन बोह गीयो, एने मगदन देसान एद्दी माय आवो।