प्रकाशितवाक्य 12

¹पोशो एक मोटली निसाणी जुगा माय देखानी, मतलब एक बायकु दिह्याह पांगेर रियेल एती, एने चांद तीन पायान नेचो एने मुंडा पोर बारा तारान मुकूट ईतो।

²ती बायकुह दिह एता, एने तेकलीत ने कारेण ती आयेड़ने बाजरियेल एती, काहाकाय सोराह पायदा केरनेन टेम एतो।

³एक उंजु निसाणी जुगा माय देखानी। एने दिखो, रातला रेंगान एक मुठलो एजगेर ईतो, तान हात मुंड एने दोह हिंगे एता एने तान हातु बी मुंडा पोर एक एक मुकूट एतो।

⁴तो तान सेमटा केरीन जुगान एक उगेन ताराह खेचीन देरती पोर नोवो टाक दिनो। तो एजगेर सोराह पायदा एतास खाणेन होदतालो, केरीन ती बायकुन ओंगाण उबरी गीयो जी सोराह पायदा केरनी एती।

⁵ओवती ती बायकु एक सोराह जेल्मो देनी, एने ता सोराह लोखंडान राजडेंगा केरीन आखा देसा पोर राज केरनु एतो। पुण ता सोराह बोगवान एने तान राजगादि फाय उखलीन पोचाड़ाय गीयो।

⁶पुण ती बायकु नाहीन ता जेंगला माय जात रेनी, जा बोगवानान उगे रेन तीन केरता जागु तियार किरेल एतो, ताकाय ती एक एजार दुय होव दिह वोर होमलावाय जाय।

⁷तेवी हेरगा माय लेड़ाय एनी। मीखायेल एने तान हेरोगदुत एजगेरा हेऱ्या लेड़ाणेन केरता निकेलना, एजगेर एने तान हाती ता हेऱ्या लेड़ाना;

⁸पुण एजगेर जिक नाह सीक्‍यो, एने हेरगा माय तान केरता रेणेन जागु नाह रेनो।

⁹12:9 लुका 10:18एने ता एजगेरा एने तान हेरोगदुताह बुंदे टाक देना, ज्यो तोस जुनालो गेयड़ेक हे, जो खाराब एने सैतान केवाथी, एने आखी दुनियाह बोटकावणार हे।

¹⁰पुशो मी हेरगा माय रेन ज्यो मोटलो आवाज आवतालो होमल्यो, एवी आमरा बोगवानान सुटकारो, ताकेत, राज! एने तान मसीन आदिकार देखानोह! काहाकाय बुरहो केरनारा पोर आरोप लागाड़नार जो आमरा बोगवानान ओंगाण रात दिह ताह गुनेगार ठेरावीह, ताह नेचो जुगार दियेल हे।

¹¹पुण ता मेंड्रान लुय एने तान गोवाहीन वचना केरीन ता पोर जिक सापड़ायेल हेते; काहाकाय ता तान जीवान बी पारवा नाह केऱ्या।

¹²केरीन एय हेरोग एने ता माय रेणारे खुस ईवो, पुण देरती एने देरीया पोर हाय! काहाकाय सैतान जुलूम राग माय तुमरी फाय उतेर आयेल हे, काहाकाय तो जाणेह काय ता फाय टेम थुड़ोस बाकी हे।

¹³जेवी एजगेराह सोमेज माय आवो काय माहु देरती पोर नेचो टाक दियेल हे, ते ती बायकुन पासाण लागो जी सोराह पायदा किरेल एती।

¹⁴पुण ती बायकुह मोटला मोराग्यान दुय फाके आपाय गीया काय एजगेर ने ओंगाण रेन उड़ीन जेंगला माय ती जागी पोच जाय, जा तीह एजगेरान ढाचाम रेन होमालीन मेलने माय एक एजार साठ दिह वोर द्यान मेलाय जाय।

¹⁵एने एजगेर ती बायकुन पासाण तान मुयाम रेन नेदीन गेत पाणी वोयाड्यो, ज्यानकेरता काय ती बायकुह पाण्या केरीन वोयाड़ ली जाय।

¹⁶पुण देरती ती बायकुन मोदेक किरेल, एने बुय तीन मुय खोलीन ती नेदीह गील लेदी, जी एजगेरान मुयाम रेन निकेलताली।

¹⁷ज्यान पासाण एजगेराह ती बायकु पोर जुलूम राग आवो; एने बायकु दिहरा वुचेल वोस फाय जा बोगवानान उकुमाह मानतेह एने यीशुन गोवाही केणेन मोजबुत हेते, ता हिऱ्यो लेड़ाणेन केरता गीयो।

¹⁸12:18 एने एजगेर उब रिनो; थोड़ाक लेख माय मी उबरिनोह लिखेल हे, न्या सोबदा से ओंगाण ने बाग हेऱ्यो जोड़ाय जाथे।एने एजगेर देरीयान मीरे जाईन उबरी गीयो।