प्रकाशितवाक्य 11

¹ज्यान पासाण कुण तीबी माहु एक मोजणेन केरता डेंगी आप्यो, एने माहु केयो, “जा, बोगवान ने मोंदिर एने वेदीह मोज ली, एने मोंदिर माय आरादना केरनारान गीणती किर ली।

²11:2 लुका 21:24पुण मोंदिरान बाहेर ने खोली सोड़ दे; एने ताह मा मुजही, काहाकाय तो बिगेर यहुदिन केरता हे, एने ता बेचाड़ीस मोयना वोर चोखाला हेयराह पायान बुंदे रोहंदेलती।

³मी मारा दुय गोवाह पुरी ताकेत आपुह, एने ता एक एजार दुय होव साठ दिह वोर जाणाव केरती, ता गोंटान गेत फाड़का पिरील रेती जाह दुख देखाड़नेन केरता फांगेरनु।”

⁴देरतीन मालीक ने ओंगाण उबरेणारे दुय जेतुन ने जाड़े, एने दुय दिवा ज्यास हेते।

⁵केदी एगदो ताह नुकसान पोचाड़ने हुदिह, ते तान मुयाम रेन आक्‍ठो निकलीन तान दुसमोनाह हेलगाड़ दिथे; केदी एगदो ताह नुकसान पोचाड़ने हुदिह, ते खेरीच तो इहीचकेरीन माराय जाय।

⁶तान जाणाव केरनेन दिह्या माय पाणी नाय पोड़ी, केरीन ताह जुगाह बोंद केरनेन आदिकार आपेल हे। एने ताह आखा पाणी पोर आदिकार हे काय लुय माय बोदेल देय; एने ताह ज्यो बी आदिकार हे काय ताह पोटी तुलबूखे आखी बातीन तेकलीत देरती पोर लाव सेकती।

⁷जेवी ता बोगवानान खोबरीन पुकार केर देती, तेवी नेरेग कुंड माय रेन एक खाराब जेनवेर उपेर आवी। एने ता हिऱ्यो लेड़ाय केरीन ताह आरवी देय, एने ताह मार देय,

⁸एने ता दुय गोवाह ने देड़ ता मोटला हेयरान वाटी पोर पोड़ रेती, ज्यो हियोर निसाणीन रूप माय सदोम एने मीस्र केवाथी। न्यास तान मालीक यीशुह खुरूसखाम पोर चेड़ावीन मारील एता।

⁹आखा देस, आखा गेराणा, आखी बाषा, एने आखी जातीन माणहे तान देड़ाह साड़े तीन दिह वोर देखती रेती, एने तान देड़ाह माहणा माय बुजणे नाय देती।

¹⁰देरती पोर रेणारे माणहे तान मोतीन कारेण जुलूम खुस एती एने खुसी माणावती, एने ता एका दिहराह बोकसीस आपती। काहाकाय ज्या दुय जाणकार देरती पोर रेणारे माणहाह जुलूम तेकलीत दियेल एता।

¹¹पुण साड़े तीन दिह्यान पासाण बोगवानान उगे रेन जीवणान हाह ता माय आव गीयो, एने ता तान पायान ताकेत पोर उबरी गीया, एने ताह देखणारे माणहाम जुलूम बिय सावाय गियी।

¹²तेवी ता दुय जाणकाराह हेरगाम रेन एक मोटलो आवाज होमलानो, “न्या उपेर आवो!” तेवी ता वादला माय उपेर जात रेना, ताह उपेर जाताला तान दुसमोन देख्या।

¹³11:13 प्रकाशितवाक्य 6:12; 16:18तुलेचबूखी देरती फाटनी, एने हेयरान दाहवो बाग पोड़ गीयो; ती देरती फाटतास हात एजार माणहे मोर गीया। एने बाकी वोचेल माणहे बिय गीया एने बोगवानान बोड़ाय केऱ्या।

¹⁴दुसरी पिड़ा खेतेम एय गियी, एवी तिसरी पिड़ा आवणी हे!

¹⁵जेवी हातवो हेरोगदुत तान पावलीह फुक्यो, तेवी हेरगा माय मोटलो मोटलो आवाज एणे लागो, “एवी दुनिया पोर राज केरनेन ताकेत आमरा मालीक फाय हे, एने तान मसीन हे, एने तान राज कायेम कायेम रेय!”

¹⁶तेवी चोववीस डावाला माणहे जा बोगवानान ओंगाण जान तान राजगादि पोर बोह रियेल एता, ता बोगवानान ओंगाण मुयान बोरहे पोड़ीन आरादना केऱ्या:

¹⁷एने केया, “एय आखाह रेन ताकेतवाला मालीक बोगवान, जो हे, एने जो ईतो!

¹⁸आखा देसान माणहे खीजवाय रियेल एता,

¹⁹तेवी बोगवानान जो मोंदिर हेरगा माय हे तो उगड़ी गीयो, एने तान मोंदिर माय तान वायदान पेटी देखानी। तेवी विजेलनो, गाजणे, आयेड़नो, एने देरती आलनी, एने मोटलो बोरफो पोड़नो।