2 कुरिंथीयो 1

¹पौलुसान उगे रेन जो बोगवानान मोरजी से मसी यीशुन प्रेरित हे, एने बाहख तीमुथीयुस ने उगे रेन बोगवानान ती मोंडली जी कुरिंथीयो माय हे, एने आखा बोगवानान माणहान नावे जा आखाया माय हेते:

²बोगवान आपणो आबोख एने मालीक यीशु मसीन उगे रेन तुमूह गीण एने सान्ती जुड़ती रेय।

³आपणो मालीक यीशु मसीन आबाख ने जो बोगवान हे, तान दन्यवाद एय, जो गीण ने आबोख एने आखी बातीन सान्तीन बोगवान हे!

⁴तो आमरे आखा संकटाम आमुह दिलासो आपेह, एने आमु ता दिलासान कारेण जो बोगवान आमुह आपेह, ता माणहाह बी दिलासो आप सेकी जा काल्ली बी बातीन संकटाम एती।

⁵जिहकेरीन मसीन दुखाम आमु होवटाह बाग लेतेह, तिहेस केरीन आमु दिलासा माय बी यीशुन द्‍वारे होवटाह बाग लेतेह।

⁶केदी संकट आमु पोर आवीह, ते ज्य तुमरे दिलासान एने सुटकारान केरता हे; एने केदी आमुह दिलासो जुड़ेह, ते ज्य तुमूह दिलासो जुड़ी तान केरता हे, ज्य केरने से तुमू दिर देरीन ता संकटाह वेठ लेतेह, जाह आमु वेठतेह।

⁷आमरी आसा तुमरे बाराम मोजबुत हे; काहाकाय आमु जाणतेह काय तुमू जिहकेरीन आमरा दुखाम बाग लेतेह, तिहेस केरीन दिलासान बी बागीदार हेते।

⁸एय बाय बोणहा, आसीया गावा माय आमु पोर आयेल संकटान बाराम तुमू एंजाणल्या रिहो ओहली आमरी मोरजी नाह सोती। आमु ओहला बारला वोजाम दाबाय जायेल एता, जो आमरी ताकेतीह रेन बाहेर एतो, ओहलो ईयेल एतो काय आमु एवी मोरीस जाहु।

⁹एने आमु मोरीस गीयाह ओहलो आमरो मोन आमुह केतालो। ते ज्य तानकेरता एनो काय आमु खुद फिसलो नाह केऱ्या, पुण बोगवाना पोर बुरहो केरी जो मुरेलाह जीवाड़ ने।

¹⁰1:10 मोत ने बयानक दुको; थोड़ाक लेख माय बयानक मोत।तोच आमुह मोतीन मोटला संकटाम रेन वोचाड़ेल, एने वोचाड़ी बी; एने ता पोर आमरी ज्यी आसा हे। एने तो आमुह ओंगाण बी खेतेरनाक संकटाम रेन वोचाड़ते रेय,

¹¹तुमू बी आखा मिलीन विन्तान द्‍वारे आमरी मोदेक किरो, काय जो मोटलो वरदान मोकतास ने द्‍वारे आमुह जुड़ेल हे, तान कारेण मोकतास माणहे आमरी उगे रेन दन्यवाद केर सेकी।

¹²काहाकाय आमु आमरा मोनान ज्यी गोवाय पोर मोठाय केरतेह, काय दुनिया माय एने खास केरीन तुमरी विचीम; आमरो सोबाव बोगवानाह पोटी ओहलो चोखालो एने खेरायी माय एतो, जो सेरीरान इकेल केरीन नाह पुण बोगवानान गीणी हेऱ्यो एतो।1:12 स्पष्ट; थोड़ाक लेख माय चोखाला माय हे।

¹³आमरी पोत्री माय ओहलो कायच नाह सोतो, जो तुमू वाच एने सोमेज नाह सेकतेह, एने मारी आसा ज्यी हे काय तुमू सेवली बुखेत आखो काय सोमेज लिहो।

¹⁴एने एवी तुमू थोड़ोक आमुह सोमेजतेह पुण जेदिह मालीक यीशु आवी ते दिह मोठाय किरहो जिहकेरीन आमु तुमरी पोर केरतेह।

¹⁵ज्यास बोरहा हिऱ्यो मी पेल आवणे होदतालो काय तुमू फाय आवो, काय तुमूह एक वार उंजु होवटीह गीण जुड़ी।

¹⁶1:16 प्रेरितान काम 19:21एने तुमरी हिऱ्यो रेन मकादुनिया माय जाह, एने पुशो मकादुनियाम रेन तुमू फाय आवो, एने तुमू माहु यहुदिया उगे आदेक वोर पोचाड़ दिज्यो।

¹⁷जेवी मी ओहलो विचार किरेल तेवी काय मी संका माय ईतो। एने काय मी ज्यो ठेराव केरथु तो मी सेरीरान गेत केरथु; काय मी वातुम “होव, होव” केरू एने “नाह, नाह” बी केरू?

¹⁸बोगवान आमरो खीरलो गोवा हे; काय ज्यी खुबेर आमु तुमूह कियेल ती होव एने “नाह” दुयू नाह जुड़ते।

¹⁹1:19 प्रेरितान काम 18:5काहाकाय बोगवानान सोरो यीशु मसी जान आमरे द्‍वारे मतलब मार एने सिलवानुस ने एने तीमुथीयुस ने द्‍वारे तुमरी विचीम पारचार एनो, ता माय होव एने नाह दुयू नाह एता, पुण बोगवानान उगे रेन होवुज एती।

²⁰काहाकाय बोगवानान जोला बी वायदा हेते, ता आखा ता माय “होव” हेऱ्या खेरीच हेते। तानकेरता तान द्‍वारे “आमेन” बी एनो काय आमरे द्‍वारे बोगवानान बोड़ाय एय।

²¹एने आमुह निवाड़ेन तुमरी हिऱ्यो नाता माय मसीम मोजबुत किरेल हे, तोच बोगवान हे।

²²एने तो आमु पोर साप लागाड़ील हे काय आमु तान हेते, एने चोखालो जीव बी बियानान रूप माय मोनाम आपेल हे, जो आवणारा कालाम जुड़ी।

²³मी बोगवानाह पुरावो मेलीन केथु काय मी कुरिंथीयो माय ज्यानकेरता नाह आवो काय मी तुमूह दोपकाड़ ने नाह होद्थु।

²⁴ज्यी वात नाह सोती काय आमु बोरहा माय तुमू पोर दाबाव टाकणे होद्तेह, पुण आमु तुमरी खुसीन केरता तुमू हेऱ्या हाती हेते, काहाकाय तुमू बुरहो केरीन मोजबुत रेतेह।