1 कुरिंथीयो 9

¹काय मी सुटालो नाह सुतो? काय मी प्रेरित नाह सुतो? काय मी यीशुह जो आपणो मालीक हे नाह दिख्यो? काय तुमू मार कामान वोजेसे बोगवाना बाणायेल नाह सोता?

²केदी मी दिहरान केरता प्रेरित नाह सुतो, तीबी तुमरे केरता ते हे, काहाकाय तुमरो मालीका माय एकी हे ज्योस सबुत हे काय मी प्रेरित हे।

³जा माणहे मार चोकसी केरने होद्तेह तानकेरता ज्योच मारो जापाप हे।

⁴काय आमुह मेहनेत केरीन खाणे पिणेन आदिकार नाह सुतो?

⁵काय आमुह ज्यो आदिकार नाह सुतो काय आमु आमरी बायकुह सेवान केरता आरही लेन फिरी, जिहकेरीन दिहरा प्रेरित एने मालीक ने बाहख पतरस किरेह?

⁶काय माहु एने बरनबासाह ज्यो आदिकार नाय मीले काय मेहनेत केरीन कामावीन जिवी।

⁷ओहलो सिपाय कुण हे जो बिगेर मोंजरीन सिपायीन काम केरी? एने ओहलो कुण हे जो अंगुर ने वाड़ी लागाड़ीन तान फोल नाह खाणे? एने पोशो ओहलो कुण हे, जो मेंड्रान टोलान राखवाली केरीन तान दुद नाह पिणे?

⁸काय मी ज्यी वातु माणहान रिती पोर रेन बोलथु? नियमान पुस्तेक ज्यी वात नाह कित?

⁹9:9 1 तीमुथीयुस 5:18काहाकाय मुसान कायदा माय लिखेल हे, “मोलने बुखेत बोयलान मुय मा बांदहो।” काय बोगवान बोयलान उलुस कालजी किरेह?

¹⁰काय खास केरीन आमरी केरता किथे, होव, आमरी केरतास लेखायेल काहाकाय हाजो हे, काय मोलनार कामाय वाटणेन आसा माय बेसकाणेन केरता चाल्या केरी।

¹¹9:11 रोमीयो 15:27जेवी आमु तुमरी केरता आत्मिक वोस्तु पिरील हेते तेवी ज्यी काल्ली मोठी वात हे? काय तुमरी सारिरीक वोस्तुन कामाय काटी।

¹²जेवी दिहरान तुमू पोर ज्यो आदिकार हे, ते काय आमरो ज्याह रेन वादार नाय रेय?

¹³काय तुमू नाह जाणते काय जा माणहे मोंदिर माय सेवा चाकरी केरतेह, ता मोंदिरा माय रेन खातेह एने जा वेदीन सेवा चाकरी केरतेह, ता चेड़ावो चेड़ायेल वोस्तु माय इसादार एय जातेह?

¹⁴9:14 मत्ती 10:10; लुका 10:7इहकेरीन मालीक उकुम आपेल हे काय जा माणहे हाजाली खुबेर होमेलतेह, तान खीरचो हाजाली खुबेर होमेलनारेच पुरो केरी।

¹⁵पुण मी न्या माय रेन काल्लो बी आदिकार कामा माय नाह लावु, एने मी जी वात ज्यानकेरता नाह लेखथु काय मार केरता ओहलो केरने जुवे, पुण ज्याह रेन ते माहु मोर जाणुस हाजो हे, ते कुण मार मोठायाह उदेड़ ठेरावी।

¹⁶केदी मी हाजाली खुबेर केय होमलावु, ते मार फाय मोठाय केरनेन काय कारेण नाह सोतो, काहाकाय ज्यो ते मार केरतास हे, केदी मी हाजाली खुबेर नाय केय होमलावो ते मार पोर हाय।

¹⁷काहाकाय केदी मारी मोरजी माय ज्यो केरथु, ते माहु मोंजरी जुड़ेह, पुण मी ज्यो केरथु काहाकाय बोगवान माहु होपेल हे।

¹⁸ते मारी काल्ली मोंजरी हे? ज्यो काय हाजाली खुबेर होमलावणे माय मी मसीन हाजाली खुबेर बिगेर पोयशा लेन दिहराह होमलावथु, न्या वोर काय हाजाली खुबेर माय ज्यो मारो आदिकार हे ताह बी मी पुरी रिती माय काम माय नाय लावु।

¹⁹पुण मी आजाद हे एने कुणीन बी काबाम नाह सुतो, तीबी मी मोकतास माणहाह बोगवाना राज माय लावणेन केरता आखा पावोर बोण गीयो।

²⁰जा माणहे मुसान कायदान ताबा माय हेते, ता माणहाह मी मसी माय लावणेन केरता तान गेत बुणील, पुण तान कायदान ताबा माय नाह ईतो।

²¹जेवी मी बिगेर यहुदि हिऱ्यो ईतो जा बोगवानान कायदान गेत नाह जीवाय जीवतेह, तान गेत मी बी कायदान ताबा माय नाह सोतो, ताकाय ताह मसी फाय लाव सेकु। पुण बोगवानान कायदाह टालेत नाह, एने मी मसीन कायदान पालेन केरथु।

²²मी कोमजोरान केरता कोमजोरूस बुणेल काय कोमजोराह खेचीन लियावो, मी आखा माणहान केरता आखो काय बुणेल काय काल्लीन काल्ली रिती माय काल्ला एकान सुटकारो केरावो।

²³मी ज्यो आखो काय हाजाली खोबरीन केरता केरथु, काय दिहरा हिऱ्यो तान बागीदार एय जाव।

²⁴काय तुमू नाह जाणते काय दुवेड़ माय ते सोब दोवेड़तेह, पुण ईनाम एकुस जाण ली जाणे? तुमू तिहेस दुवड़ो काय जिकहो।

²⁵एकेक पेहेलवान आखी बातीन दिर खाणे; ता ते एक कोमाणार हार सापड़ावणेन केरता ज्यो सोब केरनु, पुण आपु ते ता हारान केरता काम केरतेह, जो कायेम कोमात नाह।

²⁶तानकेरता मी बिगेर निसाणीन नाह दोवेड़थु, एने नाह वारा माय दुमा देथु।

²⁷पुण मी मार सेरीराह कुटणे मारने एने ताबाम लावथु, ओहलो नाय एय काय दिहराह पारचार केरीन मी सोताच काल्ली बी रिती माय ईनाम लेणेन लायकीन नाय ठेराव।