1Jop ua kamaghɨn mɨgɨa ghaze:
2Gumazir arazir kurabagh amiba igharaz darazir nguaziba okɨmasa,
3Gumazir kurar kaba, arazir kurar kam gami, me borir afeziaba ovengezibar, donkiba okei.
4Gumazamizir dagɨaba ko biziba puvatɨziba, gumazir kurar kaba, me gamima me atiati,
5Onganarazibagh amir gumazamizir kaba, mevzika, me mangɨ gumazamiziba puvatɨzir danganimɨn ikiam.
6Me gumazir igharazibar nguazibar ghua dagher bar kurabara isi.
7Me dɨmagaribar, mɨkarzir kɨnibar akuava arugharusi.
8Me mɨghsɨamɨn itir danganimɨn itima, amozim me gizima me kumkui.
9“Gumazir kurar kaba ghua, amizir paba ovengezibar,
10Gumazamizir kaba, mevzika, me uan mɨkarziba avamin korotiaba puvatɨ.
11Me olivɨn temebar tongɨn ikia dar ovɨziba mɨrmɨrir danganimɨn dagɨamɨn da mɨrmɨri,
12Nguibar ekiabar aven ovengasava amir gumazamiziba puvɨram arai.
13“Gumazamizir maba God ifongezir arazibar tuavimɨn gɨn mangan aghua.
14Bar mɨzaraghara, amɨnim tɨghar tiam, gumazir kuraba dɨkavigh mangɨ
15Poroghamiba uari bakeir arazim gamir gumaziba, me aruem bararti,
16Dɨmagarimɨn okɨmakɨar gumaziba dɨpeniba akara aven ghua biziba okei.
17Gumazir kaba aruer ekiamɨn daruan atiati, mati gumazir igharaziba dɨmagarimɨn daruan atiati.
18“Ia kamaghɨn mɨgɨrɨgɨar kabanang gami,
19Aruem anaga isɨrazɨma ghuariar orangtɨzim ghua gefi.
20Eghtɨ men mɨkarziba apizibar dagher isɨngtɨzimɨn mɨn otogham.
21“Gumazir kurar kaba paza furabaghatir amizibagh ami.
22Ezɨ God uan gavgavimɨn, gumazir gavgavibar akurvazima, me dughiar ruaribar iti.
23God me gamima, me nɨmɨram apiav ikia osɨmtɨziba men puvatɨ.
24Ezɨ me ziar ekiaba iti.
25Nan mɨgɨrɨgɨaba guizɨn mɨgɨrɨgɨaba puvatɨghtɨ,