Jop 23

¹Jop kamaghɨn Elifasɨn mɨgɨrɨgɨam ikarvasi:

²“Nɨ oragh. Datɨrɨghɨn kɨ bar osemegha iti,

³Oio! God itir danganim, kɨ a gɨfogha deraghai,

⁴Egha na batozir osɨmtɨzimɨn gun deravɨram a mɨgɨai,

⁵Egh kɨ fogham, a ikarvazir manam nan mɨgɨrɨgɨabar anɨngam,

⁶Ia ti ghaze, God nan apanim damuva, uan gavgavimɨn na abɨragham?

⁷Kɨ Godɨn damazimɨn derazir gumazim, egh kɨ an guamɨn kotɨn tughtɨ,

⁸“Ame! Kɨ aruem anadi naghɨn God buri, ezɨ a itir puvatɨ.

⁹God uan ingangarim not ko sautɨn amadaghan a gami.

¹⁰Ezɨ God nan daroriba bar dagh fo.

¹¹Tuavir God zuim, kɨ deravɨram an zui.

¹²Kɨ an akam batoghezir puvatɨ.

¹³“Ezɨ God uabɨra, a bizitam damusɨ nɨghnɨghtɨ, tinara an nɨghnɨzim otevkɨnigham? Bar puvatɨgham.

¹⁴Kamaghɨn amizɨ, bizir a na damuasa nɨghnɨzir manaba, an adar amuam.

¹⁵Kamaghɨn amizɨ, kɨ an guamɨn tughamin bizir kam gɨnɨghnɨgha, puvɨram an atiati.

¹⁶Godɨn Gavgaviba Bar Itim nan gavgaviba bar da agɨvagha,

¹⁷Kɨ faragha kamaghɨn ikezir pu.