1E higa mar apar gabich mar loch Kaisar Teberio, kane Pontio Pilato ne ruodh Judea, to Herode ne ruodh Galili, kendo Filipo owadgi ne ruodh Iturea gi Trakoniti, to Lusania ne ruodh Abilen,
2e kinde ma jodolo madongo ne gin Anas gi Kaifas, wach Nyasaye ne obiro ne Johana wuod Zekaria e thim.
3Nodhi e piny duto molworo Jordan, koyalo batiso mar weyo richo mondo mi owenegi richo.
4Kaka nondiki e kitabu mar weche mag Isaya janabi niya:
5Hoho ka hoho nobugi mapongʼ,
6Kendo ji duto biro neno warruok mar Nyasaye.’ ”3:6 Isa 40:3-5
7Johana nowacho ne oganda mane biro mondo obatisgi niya, “Un koth thuondegi! En ngʼa mane onyisou mondo uring utony ne mirima mager mabiro?
8Nyaguru olemo manyiso ni uselokoru uweyo richo. Kendo kik upar e kindu uwegi ni, ‘Wan gi Ibrahim kaka wuonwa.’ Nimar awachonu ni kata mana kitegi Nyasaye nyalo loko nyithind Ibrahim.
9Le oseketi e tiend yiende, kendo yien ka yien ma ok nyag olemo mabeyo ibiro tongʼ mi go piny kendo witi e mach.”
10Oganda nopenje niya, “Kara en angʼo monego watim?”
11Johana nodwoko niya, “Ngʼat man-gi sede ariyo owinjore chiw achiel okonygo nyawadgi ma ongego, kendo jalno man kod chiemo bende onego tim kamano.”
12Josol osuru bende nobiro ire mondo obatisgi. Negipenje niya, “Japuonj. En angʼo mowinjore watim?”
13Nonyisogi niya, “Kik usol osuru moloyo kaka idwaro ni mondo usol.”
14Eka askeche moko nopenje niya, “To en angʼo mowinjore watim.”
15Ji ne pod rito gi geno ahinya kendo giduto ne giwuoro ka giparo e chunjegi ni nyalo bedo ni Johana e Kristo.
16Johana nodwokogi duto niya, “An abatisou gi pi. To ngʼato moro biro bangʼa ma oloya gi duongʼ, ma ok awinjora gonyo tond wuochene. En obiro batisou gi Roho Maler kod mach.
17Odheru mare mar piedho cham ni e lwete mondo opiedhgo cham duto maler e kar dino cham, kendo ochok cham koketo e deche, to obiro wangʼo mihudhi gi mach ma ok nyal negi.”
18To gi weche moko mangʼeny Johana nojiwo ji kendo noyalo Injili ne ji.
19To ka Johana nokwero Ruoth Herode nikech wach Herodia, ma chi owadgi, kendo kuom gik mamoko maricho mane osetimo,
20Herode nomedo timo gima rachie moloyo kendo nomako Johana motero e od twech.
21Kane ibatiso ji duto, Yesu bende ne obatisi. To kane olemo, polo noyawore
22kendo Roho Maler mane obiro e kido mar akuru nolor mopiyo kuome, to dwol noa e polo mawacho niya, “In e Wuoda, ma ahero; chunya mor kodi.”
23Koro ka Yesu owuon nochako tichne ka hike dirom piero adek. Ne iparo nine en wuod Josef,
24wuod Mathat,
25wuod Matathias, wuod Amos,
26wuod Maath,
27wuod Joanan, wuod Resa,
28wuod Melki,
29wuod Joshua, wuod Eliezer,
30wuod Simeon,
31wuod Melea, wuod Mena,
32wuod Jesse,
33wuod Aminadab, wuod Arni,
34wuod Jakobo,
35wuod Serug, wuod Reu,
36wuod Kainan,
37wuod Methusela, wuod Enoka,
38wuod Enosh,