1Magi e ruodhi mag pinje mane jo-Israel oloyo kendo mane gikawo gwengegi ma yo wuok chiengʼ mar aora Jordan, kochakore e holo mar Arnon nyaka e Got Hermon, moriwo nyaka yo wuok chiengʼ mar Araba.
2Negiloyo Sihon ma ruodh jo-Amor manodak Heshbon.
3Bende norito yo wuok chiengʼ mar Araba kochakore e Nam mar Kinereth nyaka e Nam mar Araba (tiende ni, Nam Chumbi), to nyaka Beth Jeshimoth, bangʼe nyaka yo milambo e tiend gode mag Pisga.
4Kendo gwenge mag Og ruodh Bashan, achiel kuom mago mogik mag jo-Refai, ma lochne ne nitie Ashtaroth kod Edrei.
5Norito Got Hermon, Saleka, Bashan duto, nyaka e tongʼ mar jo-Geshur gi Maaka, kendo gi nus mar Gilead nyaka e tongʼ-gi gi Sihon, ruodh Heshbon.
6Musa, jatich Jehova Nyasaye kod jo-Israel noloyogi kendo Musa ma jatich Jehova Nyasaye nochiwo pinygino ne jo-Reuben, jo-Gad gi nus mar dhood Manase mondo obed kaka girkeni mag-gi.
7Magi e ruodhi mag pinyno mane Joshua kod jo-Israel oloyo yo podho chiengʼ mar aora Jordan, kochakore Baal Gad mantie e Holo mar Lebanon nyaka Got Halak mochakore yo Seir. Pinjegi duto Joshua nochiwo kaka girkeni ni dhout Israel kaluwore gi dhoutgi kaka opog-gi mondo obed mag-gi.
8Ne en piny gode, gi pinje mantiere e tiend gode ma yo podho chiengʼ, Araba, pewe manie tiend gode, gi thim kod Negev. Kuondego ema ne jo-Hiti, jo-Amor, jo-Kanaan, jo-Perizi, jo-Hivi kod jo-Jebus odakie.
9Ruodh Jeriko, ngʼato achiel,
10Ruodh Jerusalem, ngʼato achiel,
11Ruodh Jarmuth, ngʼato achiel,
12Ruodh Eglon, ngʼato achiel,
13Ruodh Debir, ngʼato achiel,
14Ruodh Horma, ngʼato achiel,
15Ruodh Libna, ngʼato achiel,
16Ruodh Makeda, ngʼato achiel,
17Ruodh Tapua, ngʼato achiel,
18Ruodh Afek, ngʼato achiel,
19Ruodh Madon, ngʼato achiel,
20Ruodh Shimron Meron, ngʼato achiel,
21Ruodh Tanak, ngʼato achiel,
22Ruodh Kedesh, ngʼato achiel,
23Ruodh Dor (man Nafoth Dor), ngʼato achiel,
24kod Ruodh Tirza, ngʼato achiel.