1Dimaadua ga helekai gi Job,
2“Job, goe dela guu hai baahi gi God Mogobuna,
3Job ga helekai anga,
4“Au gu helekai hua dadaulia, meenei Dimaadua.
5Au gu helekai e logo i agu helekai belee helekai ai.”
6Dimaadua ga leelee mai i lodo di madangi maaloo gi Job labelaa, boloo,
7“Du gi nua be taane, helekai mai gi agu heeu ala gaa hai.
8Goe e hiihai e hagamodongoohia aga bolo Au e hala,
9Do maaloo le e maaloo be ogu maaloo?
10Maa goe e mee, du gi nua laa i lodo do aamua mo doo aali.
11Mmada gi digau ala e hagapuu.
12Uaa, mmada gi digaula, dugua digaula gi lala,
13Danumia digaula huogodoo gi lodo di gelegele.
14Gei Au ga daamada ga hagaamu goe i di matagidagi,
15“Mmada gi di manu haga madagudagu dangada go ‘Behemoth’.
16Di maaloo dela i lodo dono huaidina le e damanaiee,
17Di hugu o maa e duu be di laagau ‘cedar’,
18Nia iwi o maa e mau dangihi be nia baalanga mmee,
19Mee la di manu e koia e haga goboina dangada
20Nia geinga ala e gai go mee e tomo i hongo nia gonduu
21Mee e moe i lala nia geinga duduia, ge e noho hagammuni
22Nia geinga duduia mono laagau ‘willow’
23Mee hagalee madagu i di monowai mmidi.
24Ma koai dela e mee di hai a mee gi dee gida, be e kumi a mee?