1Wanangu, tegelezeni mafunzo ga tataenu,
2Kwavija nowagwaa malagizo ganogile,
3Niye vivija ng'hala mwana kwa tatangu,
4Tatangu kanifunza kino,
5Bokela ubala bokela nzewele,
6Sambi uuleke ubala nao okwika goya,
7Ubala unoga kubanza vinhu vose,
8Unogele ng'hani ubala nao okukweza,
9Okuvaza kilemba cha ng'hekewa mdipala jako,
10Mwanangu, tegeleza na kuzibokela mbuli zangu,
11Nikufunza nzila ya ubala,
12Wahatembela hatuwa zako honda zikimiligwe,
13Gagoge mafundizo ga nzewele sikuugaleke gakupulusuke,
14Sikuuingize mnzila za wehile,
15Inege na nzila ayo, sambi ubite behi nayo,
16Wanhu wehile hawawasa mbaka wasang'hane gehile,
17Kwavija gehile ayo ndiya yao,
18Nzila za wanhu wene haki ziigala na zuwa da imitondo,
19Lakini nzila za wehile kamba ziza kulu,
20Mwanangu, zitegeleze goya mbuli zangu,
21Sambi uzileke zisegele mgameso gako,
22Kwavija azo awo ugima kwa munhu yeli nazo,
23Ulole goya moyo wako kubanza vose viuvilola goya,
24Inege kutali na ulonzi wihile,
25Meso gako galole kuulongozi,
26Uigelegeze ng'hani nzila yonda ubite,
27Sikuuhinduke ukudila hebu ukumoso,