1Mwanangu, sikuugasemwe mafundizo gangu,
2Kwavija zokongezela siku nyingi,
3Unogelo hawishaga na kutamanilwa sambi viwe kutali na gweye.
4Avo kotogoligwa na kugweleligwa nhogolwa kwa Imulungu na iwanhu.
5Mtamanile Mndewa Imulungu kwa moyo wako wose,
6Umtambule Imulungu mzisang'hano zako,
7Sikuuiyone gweye mwenyego kwa mbala,
8Ayo yokuwa dawa mulukuli lwako,
9Mtegeleze Mndewa Imulungu kwa vinhu vako na vija va ichanduso kusengigwa mmigunda yako yose.
10Baho makanho gako gomemezigwa,
11Mwanangu sikuubeze kukobozigwa na Mndewa Imulungu,
12Kwavija Mndewa Imulungu komzuma ija yomnogela,
13Kamweda munhu ija yopata ubala,
14avo vinoga kubanza shaba,
15Ubala unoga kubanza mabwe ga bei ng'hulu,
16Ubala mumkono wake wa kudila kana siku nyingi,
17Nzila zake zinoga, zose zolozela mditindiwalo.
18Ubala ajo biki da ugima kwa wose omgoga,
19Kwa ubala Mndewa Imulungu kaisimika isi,
20Kwa kutanga vinhu vidibo vitulika,
21Mwanangu, ugogeleze ubala na kusagula goya,
22Avo vokuwa ugima muumoyo wako,
23Baho kodaha kuchola bila shaka,
24Wahawasa honda uwase kwa minyagu nyagu, kowasa utulo unogile.
25Sikuudumbe ng'hondo ya kusinhukiza,
26kwavija Mndewa Imulungu ajo tamanilo jako,
27Sikuumwime munhu yolonda kutazigwa kuno gweye kodaha kumtaza.
28Sikuumulongele miyago,
29Sikuugelegeze gehile kwa miyago,
30Sikuugombe na munhu kamba kuduhu mbuli yoyose,
31Sikuumonele migongo munhu msede,
32Kwavija wehile omgevuza Mndewa Imulungu,
33Mndewa Imulungu koziduwila ng'anda za wehile,
34Heyo kowabezeli weli na bezi,
35Weli na ubala ohazi kutegelezigwa,