1Wahakala hamoja na mtawala kuna indiya,
2Ikimile ng'hani kusulukila kwako ndiya,
3Sikuusulukile ndiya zake zinogile,
4Sambi uigaze kuzahila ugoli,
5Kufing'hiliza na kufumbula ugoli ulawanya,
6Sambi uje lujo lwa munhu mgila,
7kwavija moyo wake opeta chuuja.
8Kodeka kija kiudile,
9Sikuulonge mbuli zako hamoja na mbozi,
10Sambi usegese zimbaka za umwaka,
11kwavija Imulungu ayo mkombola wao, kana udahi,
12Tumia nzewele zako kukweleleza kuzumwa,
13Sambi uleke kumzuma mwana,
14Wahamzabula mbalati,
15Mwanangu, kamba moyo wako wahawa na ubala,
16Moyo wangu odeng'helela,
17Moyo wako sambi uwonele migongo weli na nzambi,
18Kweli kuna siku zinogile ako kumwande,
19Tegeleza mwanangu, uwe na ubala,
20Sambi uwe imoja wa wang'waji ugimbi,
21kwavija wang'waji na wamelo ohelela muukiwa,
22Mtegeleze tatako yakulelile,
23Gula ukweli, sambi uuchuuze,
24Tata wa mwana yeli na haki komema deng'ho,
25Wanogeze tatako na mamako,
26Mwanangu, nitegeleze kwa moyo wako wose,
27Mtwanzi mgoni kaigala na kolongo tali,
28Heyo konyaluka kamba mbokaji,
29Nani yotowa lukenze?
30Waja waiyeka kipindi chose wa mwiidivai,
31Sambi uisulukile divai hata kamba yahawa ndung'hu,
32Wahesha kuing'wa yoluma kamba nyoka,
33Meso gako gokona maluweluwe,
34Koyona kotigisika kamba munhu yowasa mwiimeli kuno kuna kukuzumbi,
35Kolonga, “Wanizabula, lakini silumile,