1Vinoga kuwa na sifa inogile kubanza ugoli,
2Mgoli na mkiwa wose kinhu kimoja,
3Munhu mbala yahagona gehile koifisa,
4Wahamdumba Mndewa Imulungu na kuwa muhole,
5Nzila ya wanhu wehile imema miba na mitego,
6Mfunze mwanago viilondeka kukala goya,
7Tajili komtawala mkiwa,
8Yonogelwa na gehile kosenga magazo,
9Munhu yeli na moyo wa kulava komweda,
10Muwinge munhu yeli na bezi na ndwagi yosegela,
11Yonogela moyo unogile na mbuli zake zogala ganogile,
12Mndewa Imulungu kokaliza kutanga vinhu,
13Munhu mnyeke kolonga,
14Mulomo wa mgoni kolongo tali,
15Mwana konogelwa na mbuli za kibozi muumoyo wake,
16Yowadununza wakiwa ili yongeze ugoli wake,
17Tega gwiti uhulike mbuli za wanhu weli na ubala,
18Vinoga kamba kogeka mgati ya moyo wako,
19Ili tamanilo jako diwe kwa Mndewa Imulungu,
20Nikwandikila nongezi malongo madatu,
21ili kukufunza mbuli za ukweli,
22Sikuumzulumu mkiwa kwavija heyo mkiwa,
23Kwavija Mndewa Imulungu kowagombela,
24Sikuutende umbwiga na munhu yogundumuka himahima,
25sambi uifunze nzila zake,
26Sikuuwe imoja wa kuika zamana,
27kamba kwabule kinhu cha kuliha,
28Sikuusegese zimbaka za umwaka,
29Tanhu mulole munhu mwene nzewele mzisang'hano zake.