1Mtwanzi mbala koigangamiza ng'anda yake,
2Yogenda mnzila igoloke komdumba Mndewa Imulungu,
3Mbozi kokobozigwa kwa mbuli zake za kuitapa,
4Kamba habule ng'ombe wa kulimila kuduhu ndiya nyingi,
5Msindila yotamaniligwa halonga uvizi,
6Yeli na bezi kouzahila ubala na honda yaupate bule,
7Segela himahima hanhu hayeli mbozi,
8Nzewele za munhu mbala zomgwaa kutanga goya nzila yake,
9Wabozi oideng'helela nzambi,
10Moyo otanga usungu wake wenyego,
11Ng'anda ya munhu yosang'hana gehile yobomoligwa,
12Hana nzila yokoneka kamba inoga kwa munhu,
13Kunyunyuwala kodaha kufisigwa kwa daba,
14Munhu yohinduka mnzila ihile kopata matunda ga nzila zake,
15Zozolo kotogola kila mbuli yonda yalongeligwe,
16Yeli na ubala koiteganya na koinega kutali na gehile,
17Yogundumuka himahima kosang'hana ubozi,
18Mizozolo ohazi ubozi,
19Wanhu osang'hana gehile ofugama kuulongozi wa wanhu wanogile,
20Mkiwa kokwihiligwa hata na wayage,
21Yombezeli miyage kana nzambi,
22Yoitanda kusang'hana gehile ayo kobananga,
23Kuiyoha mna ikila sang'hano kogala kumweda,
24Ugoli dijo taji da weli na ubala,
25Msindila wa ukweli koukombola ugima,
26Yomdumba Mndewa Imulungu kana tamanilo ditelele,
27Kumdumba Mndewa Imulungu ayo nzasa ya ugima,
28Ukulu wa mndewa awo wingi wa wanhu zake,
29Munhu yoleka kugevuzika himahima kotanga goya,
30Tindiwalo muumoyo domgwaa munhu ugima,
31Yombezeli mkiwa komuliga yamulumbile,
32Yosang'hana gehile konangigwa na gehile gake,
33Ubala okala kwa munhu mwene nzewele,
34Haki yoigwaa ukulu isi,
35Mndewa konogezwa na msang'hanaji yosang'hana kwa nzewele,