1Mwana yeli na ubala kotegeleza malagizo ga tatake,
2Munhu yanogile koja ganogile gake kulawa mmulomo wake,
3Munhu yokaliza mulomo wake kokaliza ugima wake,
4Mnyeke kosulukila lakini honda yapate kinhu chochose,
5Yeli na haki kowihila uvizi,
6Haki yomkaliza munhu yosang'hana ganogile,
7Munhu imoja koitenda mgoli kumbe kabule kinhu,
8Munhu tajili kolondeka kuliha kwa ugoli wake kukaliza ugima wake,
9Yeli na haki kong'ala kamba taa,
10Kibuli chogala ndwagi,
11Ugoli wa himahima osegela,
12Tamanilo hadina vikizwa dolumiza moyo,
13Yobezeli mafundizo koibananga mwenyego,
14Mafundizo ga munhu yeli na ubala ayo nzasa ya ugima,
15Nzewele zogala kutogoligwa,
16Munhu mbala kosang'hana kila kinhu kwa kugelegeza goya,
17Msenga yehile kowagela wanhu mmagazo,
18Ukiwa na kinyala vompata ija yogalema mafundizo,
19Kupata gaja gousulukila koudeng'heza moyo,
20Yoilumba na mbala na heyo kokuwa mbala,
21Wene nzambi opata mikubulo,
22Munhu yanogile kowalekela uhazi unogile ulelo wake,
23Mgunda wa mkiwa odaha kulela ndiya nyingi,
24Yoleka kumzuma mwanage kwa mbalati hamnogela,
25Yeli na haki kana ndiya ya kumwenela,