1Kwavija tosang'hana hamoja na Imulungu, towapula mweye mubokele ng'hekewa ya Imulungu, sikumutogole yage bule.
2Imulungu kolonga,
3Hatulonda kumwikila munhu yoyose ng'hwalo, ili sang'hano yetu sikuilongigwe vihile.
4Avo toilagusa kamba kweli twa wasang'hanaji wa Imulungu kwa kila kinhu, kwa kufunga umoyo na kwa kugaya na kwa kipindi kidala na kwa madununzo,
5kwa kutoigwa na kwa kugodekigwa mkifungo na kwa kuding'huligwa na kwa kusang'hana ng'hani na kwa kuwasa meso na kwa nzala.
6Tuilagusa twa wasang'hanaji zake kwa kung'ala kwetu na kwa nzewele na kwa kubetela na kwa moyo unogile na kwa Loho Yang'alile na unogelwa wa ukweli,
7na kwa kulonga ukweli na kwa nguvu ya Imulungu. Totenda goyolonda Imulungu kamba mgoha wetu wa kuitowela na kuigombela wenyego.
8Totenda kwa kutegelezigwa na kugeligwa kinyala, tolongigwa vinogile na tolongigwa vihile, tolongigwa twa wavizi, lakini tolonga ukweli.
9Tojuwika, lakini totendigwa kamba hatujuwika, tokoneka tofa, lakini tung'hali wagima, tutoigwa lakini hatukomigwe bule.
10Tunyunyuwala lakini siku zose todeng'helela, twa wakiwa lakini towatenda wanhu bwando wawe wagoli, tokoneka twabule kinhu lakini kila kinhu chetu.
11Ndugu zetu Wakolinto! Tulonga na mweye vinogile, mizoyo yetu yaduhu lusikisiki.
12Siye twabule lusikisiki na mweye, lakini mweye muna lusikisiki na siye.
13Sambi nolonga na mweye kamba wanangu, sikumuwe na lusikisiki mmizoyo yenu kamba siye vitutendile.
14Sikumuilumbe na wanhu hawamtogola Yesu. Vino ganogile na gehile gana umbwiga gani? Hebu yodahikaze mulenge na ziza kukala hamoja?
15Vino Kilisito na Mwenembago oilumbaze? Vino munhu yomtogola Kilisito koilumbaze na ija hamtogola Kilisito?
16Vino Ng'anda ya Imulungu yoilumbaze na vinyago va imilungu? Avo siye twa Ng'anda ya Imulungu yeli mgima! Kamba viyalongile Imulungu mwenyego,
17Avo Mndewa kolonga,
18Nokuwa Tataenu,