1in Salomonem Salomonis
2Deus iudicium tuum regi da et iustitiam tuam filio regis iudicare populum tuum in iustitia et pauperes tuos in iudicio Deus iudicium regi da et iustitiam tuam filio regis iudicabit populum tuum in iustitia et pauperes tuos in iudicio
3suscipiant montes pacem populo et colles iustitiam adsument montes pacem populo et colles iustitiam
4iudicabit pauperes populi et salvos faciet filios pauperum et humiliabit calumniatorem iudicabit pauperes populi salvabit filios pauperis et confringet calumniatorem
5et permanebit cum sole et ante lunam generationes generationum et timebunt te quamdiu erit sol et ultra lunam in generatione generationum
6descendet sicut pluvia in vellus et sicut stillicidia stillantia super terram descendet ut pluvia super vellus ut stillae inrorantes terram
7orietur in diebus eius iustitia et abundantia pacis donec auferatur luna germinabit in diebus eius iustitia et multitudo pacis donec non sit luna
8et dominabitur a mari usque ad mare et a flumine usque ad terminos orbis terrarum et dominabitur a mari usque ad mare et a flumine usque ad terminos terrae
9coram illo procident Aethiopes et inimici eius terram lingent ante eum procident Aethiopes et inimici eius pulverem lingent
10reges Tharsis et insulae munera offerent reges Arabum et Saba dona adducent reges Tharsis et insulae munera offerent reges Arabiae et Saba tributum conferent
11et adorabunt eum omnes reges omnes gentes servient ei et adorabunt eum omnes reges universae nationes servient ei
12quia liberavit pauperem a potente et pauperem cui non erat adiutor quia eruet pauperem a potente et inopem cui non est adiutor
13parcet pauperi et inopi et animas pauperum salvas faciet parcet inopi et pauperi et animas pauperum salvabit
14ex usuris et iniquitate redimet animas eorum et honorabile nomen eorum coram illo ab usura et iniquitate redimet animam eorum et pretiosus erit sanguis eorum coram oculis eius
15et vivet et dabitur ei de auro Arabiae et orabunt de ipso semper tota die benedicent ei et vivet et dabitur ei de auro Saba et orabunt de eo iugiter tota die benedicent ei
16erit firmamentum in terra in summis montium superextolletur super Libanum fructus eius et florebunt de civitate sicut faenum terrae erit memorabile triticum in terra in capite montium elevabitur sicut Libani fructus eius et florebunt de civitate sicut faenum terrae
17sit nomen eius benedictum in saecula ante solem permanet nomen eius et benedicentur in ipso omnes tribus terrae omnes gentes beatificabunt eum erit nomen eius in aeternum ultra solem perseverabit nomen eius et benedicentur in eo omnes gentes et beatificabunt eum
18benedictus Dominus Deus Deus Israhel qui facit mirabilia solus benedictus Dominus Deus Deus Israhel qui facit mirabilia solus
19et benedictum nomen maiestatis eius in aeternum et replebitur maiestate eius omnis terra fiat fiat et benedictum nomen gloriae eius in sempiternum et implebitur gloria eius universa terra amen amen
20defecerunt laudes David filii Iesse conpletae sunt orationes David filii Iesse