Psalms 105

¹alleluia confitemini Domino quoniam bonus quoniam in saeculum misericordia eius alleluia confitemini Domino quoniam bonus quoniam in aeternum misericordia eius

²quis loquetur potentias Domini auditas faciet omnes laudes eius quis loquetur fortitudines Domini auditas faciet omnes laudes eius

³beati qui custodiunt iudicium et faciunt iustitiam in omni tempore beati qui custodiunt iudicium et faciunt iustitiam in omni tempore

⁴memento nostri Domine in beneplacito populi tui visita nos in salutari tuo recordare mei Domine in repropitiatione populi tui visita me in salutari tuo

⁵ad videndum in bonitate electorum tuorum ad laetandum in laetitia gentis tuae et lauderis cum hereditate tua ut videam bona electorum tuorum et laeter in laetitia gentis tuae et exultem cum hereditate tua

⁶peccavimus cum patribus nostris iniuste egimus iniquitatem fecimus peccavimus cum patribus nostris inique fecimus impie egimus

⁷patres nostri in Aegypto non intellexerunt mirabilia tua non fuerunt memores multitudinis misericordiae tuae et inritaverunt ascendentes in mare * mare; Rubrum patres nostri in Aegypto non intellexerunt mirabilia tua non sunt recordati multitudinis misericordiae tuae et ad iracundiam provocaverunt super mare in mari Rubro

⁸et salvavit eos propter nomen suum ut notam faceret potentiam suam salvavit autem eos propter nomen suum ut ostenderet fortitudinem suam

⁹et increpuit mare Rubrum et exsiccatum est et deduxit eos in abyssis sicut in deserto et comminatus est mari Rubro et aruit et transduxit eos per abyssos quasi in deserto

¹⁰et salvavit eos de manu odientium et redemit eos de manu inimici et salvavit eos de manu odientis et redemit eos de manu inimici

¹¹et operuit aqua tribulantes eos unus ex eis non remansit et operuit aqua hostes eorum unus de ipsis non superfuit

¹²et crediderunt in verbis eius et laudaverunt laudem eius et crediderunt verbis eius cecineruntque laudem eius

¹³cito fecerunt obliti sunt operum eius non sustinuerunt consilium eius cito obliti sunt operum illius nec expectaverunt voluntatem eius

¹⁴et concupierunt concupiscentiam in deserto et temptaverunt Deum in inaquoso et desideraverunt desiderium in deserto et temptaverunt Deum in solitudine

¹⁵et dedit eis petitionem ipsorum et misit saturitatem in anima eorum dedit ergo eis petitionem eorum et misit tenuitatem in animam eorum

¹⁶et inritaverunt Mosen in castris Aaron sanctum Domini et zelati sunt Mosen in castris Aaron sanctum Domini

¹⁷aperta est terra et degluttivit Dathan et operuit super congregationem Abiron aperta est terra et devoravit Dathan et operuit synagogam Abiram

¹⁸et exarsit ignis in synagoga eorum flamma conbusit peccatores et succensus est ignis in synagoga eorum flamma exusit impios

¹⁹et fecerunt vitulum in Choreb et adoraverunt sculptile fecerunt vitulum in Horeb et adoraverunt conflatile

²⁰et mutaverunt gloriam suam in similitudine vituli comedentis faenum et mutaverunt gloriam suam in similitudine bovis comedentis faenum

²¹obliti sunt Deum qui salvavit eos qui fecit magnalia in Aegypto obliti sunt Dei salvatoris sui qui fecit magnalia in Aegypto

²²mirabilia in terra Cham terribilia in mari Rubro mirabilia in terra Ham terribilia super mare Rubrum

²³et dixit ut disperderet eos si non Moses electus eius stetisset in confractione in conspectu eius ut averteret iram eius ne disperderet eos dixit ergo ut contereret eos nisi Moses electus eius stetisset medius contra faciem illius ut converteret indignationem eius et non interficeret

²⁴et pro nihilo habuerunt terram desiderabilem non crediderunt verbo eius et dispexerunt terram desiderabilem nec crediderunt sermoni eius

²⁵et murmurabant in tabernaculis suis non exaudierunt vocem Domini et murmuraverunt in tabernaculis suis non audierunt vocem Domini

²⁶et elevavit manum suam super eos ut prosterneret eos in deserto et levavit manum suam super eos ut deiceret eos in deserto

²⁷et ut deiceret semen eorum in nationibus et dispergeret eos in regionibus et ut deiceret semen eorum in gentibus et dispergeret eos in terris

²⁸et initiati sunt Beelphegor et comederunt sacrificia mortuorum et consecrati sunt Beelphegor et comederunt victimas mortuorum

²⁹et inritaverunt eum in adinventionibus suis et multiplicata est in eis ruina et concitaverunt eum in studiis suis et percussit eos plaga

³⁰et stetit Finees et placavit et cessavit quassatio stetit autem Finees et deiudicavit et est retenta percussio

³¹et reputatum est ei in iustitiam in generatione et generationem usque in sempiternum et reputatum est ei in iustitia in generatione et generatione usque in aeternum

³²et inritaverunt ad aquam Contradictionis et vexatus est Moses propter eos et provocaverunt super aquam Contradictionis et adflictus est Moses propter eos

³³quia exacerbaverunt spiritum eius et distinxit in labiis suis quia provocaverunt spiritum eius et praecepit labiis suis

³⁴non disperdiderunt gentes quas dixit Dominus illis non exterminaverunt populos quos dixit Dominus eis

³⁵et commixti sunt inter gentes et didicerunt opera eorum et commixti sunt gentibus et didicerunt opera eorum

³⁶et servierunt sculptilibus eorum et factum est illis in scandalum et servierunt sculptilibus eorum et factum est eis in scandalum

³⁷et immolaverunt filios suos et filias suas daemoniis et immolaverunt filios suos et filias suas daemonibus

³⁸et effuderunt sanguinem innocentem sanguinem filiorum suorum et filiarum *suarum; quas sacrificaverunt sculptilibus Chanaan et interfecta est terra in sanguinibus et effuderunt sanguinem innocentem sanguinem filiorum suorum et filiarum suarum quos immolaverunt sculptilibus Chanaan et polluta est terra sanguinibus

³⁹et contaminata est in operibus eorum et fornicati sunt in adinventionibus suis et coinquinati sunt in operibus suis et fornicati sunt in studiis suis

⁴⁰et iratus est furore Dominus in populo suo et abominatus est hereditatem suam iratus est itaque furor Domini in populum suum et abominatus est hereditatem suam

⁴¹et tradidit eos in manus gentium et dominati sunt eorum qui oderant eos et dedit eos in manu gentium et dominati sunt eorum qui oderant eos

⁴²et tribulaverunt eos inimici eorum et humiliati sunt sub manibus eorum et adflixerunt eos inimici sui et humiliati sunt sub manu eorum

⁴³saepe liberavit eos ipsi autem exacerbaverunt eum in consilio suo et humiliati sunt in iniquitatibus suis multis vicibus liberavit eos ipsi vero provocabant in consiliis suis et humiliati sunt propter iniquitates suas

⁴⁴et vidit cum tribularentur et audiret orationem eorum et vidit tribulationem eorum cum audiret eos rogantes

⁴⁵et memor fuit testamenti sui et paenituit eum secundum multitudinem misericordiae suae et recordatus est pacti sui cum eis et paenituit eum secundum multitudinem misericordiae suae

⁴⁶et dedit eos in misericordias in conspectu omnium qui ceperant eos et dedit eos miserabiles coram omnibus qui ceperant eos

⁴⁷salvos fac nos Domine Deus noster et congrega nos de nationibus ut confiteamur nomini tuo sancto et gloriemur in laude tua salva nos Domine Deus noster et congrega nos de gentibus ut confiteamur nomini sancto tuo et canamus laudantes te

⁴⁸benedictus Dominus Deus Israhel a saeculo et usque in saeculum et dicet omnis populus fiat fiat benedictus Dominus Deus Israhel ab aeterno et usque in aeternum et dicet omnis populus amen alleluia