1ⲡϣⲗⲏⲗ ⲛⲇⲁⲩⲉⲓⲇ ⲡϫⲟⲉⲓⲥ ⲣⲉⲕⲧⲡⲉⲕⲙⲁⲁϫⲉ ⲛⲅⲥⲱⲧⲙ ⲉⲣⲟⲓ ϫⲉ ⲁⲛⲟⲕ ⲁⲛⲅ ⲟⲩϩⲏⲕⲉ ⲁⲛⲅ ⲟⲩⲉⲃⲓⲏⲛ</ab>
2ϩⲁⲣⲉϩ ⲉⲧⲁⲯⲩⲭⲏ ϫⲉ ϯⲟⲩⲁⲁⲃ ⲡⲛⲟⲩⲧⲉ ⲙⲁⲧⲟⲩϫⲉ ⲡⲉⲕϩⲙϩⲁⲗ ⲉⲧϩⲉⲗⲡⲓⲍⲉ ⲉⲣⲟⲕ</ab>
3ⲛⲁ ⲛⲁⲓ ⲡϫⲟⲉⲓⲥ ϫⲉ ⲁⲓϫⲓϣⲕⲁⲕ ⲉϩⲣⲁⲓ ⲉⲣⲟⲕ ⲙⲡⲉϩⲟⲟⲩ ⲧⲏⲣϥ</ab>
4ⲉⲩⲫⲣⲁⲛⲉ ⲛⲧⲉⲯⲩⲭⲏ ⲙⲡⲉⲕϩⲙϩⲁⲗ ϫⲉ ⲁⲓϥⲓ ⲛⲧⲁⲯⲩⲭⲏ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ</ab>
5ϫⲉ ⲛⲧⲟⲕ ⲡϫⲟⲉⲓⲥ ⲛⲧⲕ ⲟⲩⲭⲣⲏⲥⲧⲟⲥ ⲁⲩⲱ ⲛⲧⲕ ⲟⲩϩⲁⲕ ⲛⲁϣⲉⲡⲉⲕⲛⲁ ⲉϫⲛ ⲟⲩⲟⲛ ⲛⲓⲙ ⲉⲧⲱϣ ⲉϩⲣⲁⲓ ⲟⲩⲃⲏⲕ</ab>
6ⲡϫⲟⲉⲓⲥ ⲥⲱⲧⲙ ⲉⲡⲁϣⲗⲏⲗ ⲛⲅϯ ϩⲧⲏⲕ ⲉⲡⲉϩⲣⲟⲟⲩ ⲙⲡⲁⲥⲟⲡⲥ</ab>
7ϩⲙ ⲡⲉϩⲟⲟⲩ ⲛⲧⲁⲑⲗⲓⲯⲓⲥ ⲁⲓϫⲓϣⲕⲁⲕ ⲉϩⲣⲁⲓ ⲉⲣⲟⲕ ϫⲉ ⲁⲕⲥⲱⲧⲙ ⲉⲣⲟⲓ</ab>
8ⲙⲛⲡⲉⲧⲉⲓⲛⲉ ⲙⲙⲟⲕ ⲡϫⲟⲉⲓⲥ ϩⲛ ⲛⲛⲟⲩⲧⲉ ⲁⲩⲱ ⲙⲛⲟⲩⲟⲛ ⲕⲁⲧⲁ ⲛⲉⲕϩⲃⲏⲩⲉ</ab>
9ⲛϩⲉⲑⲛⲟⲥ ⲧⲏⲣⲟⲩ ⲉⲛⲧⲁⲕⲧⲁⲙⲓⲟⲩ ⲛⲏⲩ ⲛⲥⲉⲟⲩⲱϣⲧ ⲙⲡⲉⲕⲙⲧⲟ ⲉⲃⲟⲗ ⲡϫⲟⲉⲓⲥ ⲛⲥⲉϯⲉⲟⲟⲩ ⲙⲡⲉⲕⲣⲁⲛ</ab>
10ϫⲉ ⲛⲧⲟⲕ ⲟⲩⲛⲟϭ ⲉⲕⲉⲓⲣⲉ ⲛϩⲉⲛϣⲡⲏⲣⲉ ⲛⲧⲟⲕ ⲡⲉ ⲡⲛⲟϭ ⲛⲛⲟⲩⲧⲉ ⲙⲁⲩⲁⲁϥ</ab>
11ϫⲓⲙⲟⲉⲓⲧ ϩⲏⲧⲧ ⲡϫⲟⲉⲓⲥ ϩⲛ ⲧⲉⲕϩⲓⲏ ⲁⲩⲱ ϯⲛⲁⲃⲱⲕ ϩⲛ ⲧⲉⲕⲙⲉ ⲙⲁⲣⲉⲡⲁϩⲏⲧ ⲉⲩⲫⲣⲁⲛⲉ ⲉⲧⲣⲁⲣϩⲟⲧⲉ ϩⲏⲧϥ ⲙⲡⲉⲕⲣⲁⲛ</ab>
12ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ⲡⲛⲟⲩⲧⲉ ϩⲙ ⲡⲁϩⲏⲧ ⲧⲏⲣϥ ⲁⲩⲱ ϯⲛⲁϯⲉⲟⲟⲩ ⲙⲡⲉⲕⲣⲁⲛ ⲛϣⲁ ⲉⲛⲉϩ</ab>
13ϫⲉ ⲟⲩⲛⲟϭ ⲡⲉ ⲡⲉⲕⲛⲁ ⲉϩⲣⲁⲓ ⲉϫⲱⲓ ⲁⲩⲱ ⲁⲕⲧⲟⲩϫⲉⲧⲁⲯⲩⲭⲏ ⲉⲃⲟⲗ ϩⲛ ⲁⲙⲛⲧⲉ ⲙⲡⲉⲥⲏⲧ ⲇⲓⲁⲯⲁⲗⲙⲁ</ab>
14ⲡⲛⲟⲩⲧⲉ ⲁϩⲉⲛⲡⲁⲣⲁⲛⲟⲙⲟⲥ ⲧⲱⲟⲩⲛ ⲉϩⲣⲁⲓ ⲉϫⲱⲓ ⲁⲩⲱ ⲧⲥⲩⲛⲁⲅⲱⲅⲏ ⲛⲛϫⲱⲱⲣⲉ ⲁⲥϣⲓⲛⲉ ⲛⲥⲁ ⲧⲁⲯⲩⲭⲏ ⲙⲡⲟⲩⲕⲁⲁⲕ ⲙⲡⲉⲩⲙⲧⲟ ⲉⲃⲟⲗ</ab>
15ϫⲉ ⲛⲧⲟⲕ ⲡϫⲟⲉⲓⲥ ⲡⲛⲟⲩⲧⲉ ⲛⲧⲕ ⲟⲩϣⲁⲛϩⲧⲏϥ ⲁⲩⲱ ⲛⲧⲕ ⲟⲩⲛⲁⲏⲧ ⲛⲧⲕ ⲟⲩϩⲁⲣϣϩⲏⲧ ⲉⲛⲁϣⲉⲡⲉϥⲛⲁ ⲁⲩⲱ ⲛⲧⲕ ⲟⲩⲙⲉ</ab>
16ϭⲱϣⲧ ⲉϩⲣⲁⲓ ⲉϫⲱⲓ ⲛⲅⲛⲁ ⲛⲁⲓ ϯⲟⲩⲧⲁϫⲣⲟ ⲙⲡⲉⲕϩⲙϩⲁⲗ ⲛⲅⲧⲟⲩϫⲟ ⲙⲡϣⲏⲣⲉ ⲛⲧⲉⲕϩⲙϩⲁⲗ</ab>
17ⲁⲣⲓⲟⲩⲙⲁⲉⲓⲛ ⲛⲙⲙⲁⲓ ⲉⲩⲡⲉⲧⲛⲁⲛⲟⲩϥ ⲁⲩⲱ ⲙⲁⲣⲟⲩⲛⲁⲩ ⲛϭⲓ ⲛⲉⲧⲙⲟⲥⲧⲉ ⲙⲙⲟⲓ ⲛⲥⲉϫⲓϣⲓⲡⲉ ϫⲉ ⲛⲧⲟⲕ ⲡϫⲟⲉⲓⲥ ⲁⲕⲃⲟⲏⲑⲉⲓ ⲉⲣⲟⲓ ⲁⲕⲥⲉⲡⲥⲱⲡⲧ</ab>