1ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲛϣⲏⲣⲉ ⲛⲕⲟⲣⲉ</ab>
2ⲡϫⲟⲉⲓⲥ ⲁⲕⲟⲩⲉϣⲡⲉⲕⲕⲁϩ ⲁⲕⲕⲧⲟ ⲛⲧⲁⲓⲭⲙⲁⲗⲱⲥⲓⲁ ⲛⲓⲁⲕⲱⲃ</ab>
3ⲁⲕⲕⲱ ⲉⲃⲟⲗ ⲛⲛⲁⲛⲟⲙⲓⲁ ⲙⲡⲉⲕⲗⲁⲟⲥ ⲁⲕϩⲱⲃⲥ ⲉⲃⲟⲗ ⲉϫⲛ ⲛⲉⲩⲛⲟⲃⲉ ⲧⲏⲣⲟⲩ ⲇⲓⲁⲯⲁⲗⲙⲁ</ab>
4ⲁⲕⲧⲁⲗϭⲉⲧⲉⲕⲟⲣⲅⲏ ⲧⲏⲣⲥ ⲁⲕⲕⲧⲟⲕ ⲉⲃⲟⲗ ϩⲛ ⲧⲟⲣⲅⲏ ⲙⲡⲉⲕϭⲱⲛⲧ</ab>
5ⲙⲁⲕⲧⲟⲛ ⲡⲛⲟⲩⲧⲉ ⲛⲛⲉⲛⲟⲩϫⲁⲓ ⲛⲅⲕⲧⲟ ⲙⲡⲉⲕϭⲱⲛⲧ ⲛⲥⲁⲃⲟⲗ ⲙⲙⲟⲛ</ab>
6ⲙⲏ ⲉⲕⲛⲁⲛⲟⲩϭⲥ ⲉⲣⲟⲛ ϣⲁ ⲉⲛⲉϩ ⲏ ⲉⲕⲛⲁⲥⲱⲙⲛⲧ ⲛⲧⲉⲕⲟⲣⲅⲏ ϫⲓⲛ ⲟⲩϫⲱⲙ ϣⲁ ⲟⲩϫⲱⲙ</ab>
7ⲡⲛⲟⲩⲧⲉ ⲛⲧⲟⲕ ⲉⲕⲛⲁⲕⲟⲧⲕ ⲁⲩⲱ ⲛⲅⲧⲁⲛϩⲟⲛ ⲁⲩⲱ ⲡⲉⲕⲗⲁⲟⲥ ⲛⲁⲉⲩⲫⲣⲁⲛⲉ ⲉϩⲣⲁⲓ ⲉϫⲱⲕ</ab>
8ⲙⲁⲧⲥⲁⲃⲟⲛ ⲡϫⲟⲉⲓⲥ ⲉⲡⲉⲕⲛⲁ ⲁⲩⲱ ⲉⲕⲉϯ ⲛⲁⲛ ⲙⲡⲉⲕⲟⲩϫⲁⲓ</ab>
9ϯⲛⲁⲥⲱⲧⲙ ϫⲉ ⲉⲣⲉⲡϫⲟⲉⲓⲥ ⲡⲛⲟⲩⲧⲉ ⲛⲁϫⲉⲟⲩ ⲛϩⲏⲧⲧ ϫⲉ ⲉϥⲛⲁϫⲱ ⲛⲟⲩⲉⲓⲣⲏⲛⲏ ⲙⲡⲉϥⲗⲁⲟⲥ ⲁⲩⲱ ⲉϫⲛ ⲛⲉϥⲡⲉⲧⲟⲩⲁⲁⲃ ⲙⲛ ⲛⲉⲧⲕⲧⲟ ⲙⲡⲉⲩϩⲏⲧ ⲉⲣⲟϥ</ab>
10ⲡⲗⲏⲛ ⲡⲉϥⲟⲩϫⲁⲓ ϩⲏⲛ ⲉϩⲟⲩⲛ ⲉⲛⲉⲧⲣϩⲟⲧⲉ ϩⲏⲧϥ</ab>
11ⲉⲧⲣⲉⲟⲩⲉⲟⲟⲩ ⲟⲩⲱϩ ϩⲙ ⲡⲉⲛⲕⲁϩ ⲁⲡⲛⲁ ⲙⲛ ⲧⲙⲉ ⲧⲱⲙⲛⲧ ⲉⲛⲉⲩⲉⲣⲏⲩ ⲁⲧⲇⲓⲕⲁⲓⲟⲥⲩⲛⲏ ⲙⲛ ϯⲣⲏⲛⲏ ϯⲡⲉⲓ ⲉⲣⲛⲛⲉⲩⲉⲣⲏⲩ</ab>
12ⲁⲧⲙⲉ ϯⲟⲩⲱ ⲉⲃⲟⲗ ϩⲙ ⲡⲕⲁϩ ⲁⲩⲱ ⲁϯⲇⲓⲕⲁⲓⲟⲥⲩⲛⲏ ϭⲱϣⲧ ⲉⲃⲟⲗ ϩⲛ ⲧⲡⲉ</ab>
13ⲕⲁⲓ ⲅⲁⲣ ⲡⲉⲛⲛⲟⲩⲧⲉ ⲛⲁϯ ⲛⲟⲩⲙⲛⲧⲭⲣⲏⲥⲧⲟⲥ ⲁⲩⲱ ⲡⲉⲛⲕⲁϩ ⲛⲁϯ ⲙⲡⲉϥⲕⲁⲣⲡⲟⲥ</ab>
14ⲧⲇⲓⲕⲁⲓⲟⲥⲩⲛⲏ ⲛⲁⲙⲟⲟϣⲉ ϩⲁ ⲧⲉϥϩⲏ ⲁⲩⲱ ϥⲛⲁⲕⲱ ⲛⲛⲉϥⲧⲁϭⲥⲉ ⲉⲩϩⲓⲏ</ab>