1ⲉⲡϫⲱⲕ ⲉⲃⲟⲗ ϩⲁ ⲛⲉϩⲣⲱⲧ ⲡⲉⲯⲁⲗⲙⲟⲥ ⲛⲁⲥⲁⲫ ⲙⲡϯⲟⲩ ⲙⲡⲥⲁⲃⲃⲁⲧⲟⲛ</ab>
2ⲧⲉⲗⲏⲗ ⲙⲡⲛⲟⲩⲧⲉ ⲡⲉⲛⲃⲟⲏⲑⲟⲥ ϯⲗⲟⲩⲗⲁⲓ ⲙⲡⲛⲟⲩⲧⲉ ⲛⲓⲁⲕⲱⲃ</ab>
3ϫⲓ ⲛⲟⲩⲯⲁⲗⲙⲟⲥ ⲛⲧⲉⲧⲛϯ ⲛⲟⲩⲧⲩⲙⲡⲁⲛⲟⲛ ⲟⲩⲯⲁⲗⲧⲏⲣⲓⲟⲛ ⲉϥⲛⲟⲧⲙ ⲙⲛⲟⲩⲕⲓⲑⲁⲣⲁ</ab>
4ⲥⲁⲗⲡⲓⲍⲉ ⲛϩⲉⲛⲥⲁⲗⲡⲓⲅⲝ ϩⲛ ⲛⲥⲟⲩⲁ ⲙⲡⲉϩⲟⲟⲩ ⲉⲧⲟⲩⲟⲛϩ ⲉⲃⲟⲗ ⲙⲡⲉⲛϣⲁ</ab>
5ϫⲉ ⲟⲩⲡⲣⲟⲥⲧⲁⲅⲙⲁ ⲙⲡⲓ︤ⲏ︦ⲗ︥ ⲡⲉ ⲁⲩⲱ ⲟⲩϩⲁⲡ ⲡⲉ ⲙⲡⲛⲟⲩⲧⲉ ⲛⲓⲁⲕⲱⲃ</ab>
6ⲁϥⲕⲁⲁϥ ⲙⲙⲛⲧⲣⲉ ⲛⲓⲱⲥⲏⲫ ϩⲙ ⲡⲧⲣⲉϥⲉⲓ ⲉⲃⲟⲗ ϩⲙ ⲡⲕⲁϩ ⲛⲕⲏⲙⲉ ⲁϥⲥⲱⲧⲙ ⲉⲩⲁⲥⲡⲉ ⲉⲛϥⲥⲟⲟⲩⲛ ⲙⲙⲟⲥ ⲁⲛ</ab>
7ⲁϥⲕⲧⲟ ⲛⲧⲉϥϫⲓⲥⲉ ⲉⲃⲟⲗ ϩⲛ ⲟⲩⲉⲧⲡⲱ ⲛⲉϥϭⲓϫ ⲁⲩⲣϩⲙϩⲁⲗ ϩⲛ ⲟⲩⲕⲟⲧ</ab>
8ⲁⲕⲱϣ ⲉϩⲣⲁⲓ ⲉⲣⲟⲓ ϩⲛ ⲟⲩⲑⲗⲓⲯⲓⲥ ⲁⲓⲛⲁϩⲙⲉⲕ ⲁⲓⲥⲱⲧⲙ ⲉⲣⲟⲕ ϩⲙ ⲡⲡⲉⲑⲏⲡ ⲛⲟⲩϩⲁⲧⲏⲩ ⲁⲓⲇⲟⲕⲓⲙⲁⲍⲉ ⲙⲙⲟⲕ ϩⲓϫⲙ ⲡⲙⲟⲟⲩ ⲛⲧⲁⲛⲧⲓⲗⲟⲅⲓⲁ ⲇⲓⲁⲯⲁⲗⲙⲁ</ab>
9ⲥⲱⲧⲙ ⲡⲁⲗⲁⲟⲥ ⲧⲁϣⲁϫⲉ ⲛⲙⲙⲁⲕ ⲡⲓ︤ⲏ︦ⲗ︥ ⲧⲁⲣⲙⲛⲧⲣⲉ ⲛⲁⲕ ⲉϣⲱⲡⲉ ⲉⲕϣⲁⲛⲥⲱⲧⲙ ⲉⲣⲟⲓ</ab>
10ⲙⲙⲛⲛⲟⲩⲧⲉ ⲛⲃⲣⲣⲉ ⲛⲁϣⲱⲡⲉ ⲛϩⲏⲧⲕ ⲟⲩⲇⲉ ⲛⲛⲉⲕⲟⲩⲱϣⲧ ⲛⲛⲟⲩⲧⲉ ⲛϣⲙⲙⲟ</ab>
11ⲁⲛⲟⲕ ⲅⲁⲣ ⲡⲉ ⲡϫⲟⲉⲓⲥ ⲡⲉⲕⲛⲟⲩⲧⲉ ⲡⲉⲛⲧⲁϥⲛⲧⲕ ⲉϩⲣⲁⲓ ϩⲙ ⲡⲕⲁϩ ⲛⲕⲏⲙⲉ ⲟⲩⲱⲛ ⲛⲧⲉⲕⲧⲁⲡⲣⲟ ⲧⲁⲙⲁϩⲥ</ab>
12ⲙⲡⲉⲡⲁⲗⲁⲟⲥ ⲥⲱⲧⲙ ⲉⲧⲁⲥⲙⲏ ⲡⲓ︤ⲏ︦ⲗ︥ ⲙⲡⲉϥϯ ϩⲧⲏϥ ⲉⲣⲟⲓ</ab>
13ⲁⲓϫⲟⲟⲩⲥⲉ ⲕⲁⲧⲁ ⲛⲉⲡⲓⲑⲩⲙⲓⲁ ⲛⲛⲉⲩϩⲏⲧ ⲥⲉⲛⲁⲙⲟⲟϣⲉ ϩⲛ ⲛⲉⲩϩⲃⲏⲩⲉ</ab>
14ⲉⲛⲉⲛⲧⲁⲡⲁⲗⲁⲟⲥ ⲥⲱⲧⲙ ⲛⲥⲱⲓ ⲡⲓ︤ⲏ︦ⲗ︥ ⲉⲛⲉⲛⲧⲁϥⲃⲱⲕ ϩⲓ ⲛⲁϩⲓⲟⲟⲩⲉ</ab>
15ⲛⲉⲓⲛⲁⲑⲃⲃⲓⲟ ⲛⲛⲉⲩϫⲁϫⲉ ⲡⲉ ⲛⲟⲩⲉϣ ⲛⲗⲁⲁⲩ ⲁⲩⲱ ⲛⲉⲓⲛⲁⲉⲓⲛⲉ ⲛⲛⲁϭⲓϫ ⲉϫⲛ ⲛⲉⲧⲑⲗⲓⲃⲉ ⲙⲙⲟⲟⲩ</ab>
16ⲁⲛϫⲓϫⲉⲉⲩ ⲙⲡϫⲟⲉⲓⲥ ϫⲓϭⲟⲗ ⲉⲣⲟϥ ⲁⲩⲱ ⲡⲉⲩⲟⲩⲟⲉⲓϣ ⲛⲁϣⲱⲡⲉ ϣⲁ ⲉⲛⲉϩ</ab>
17ⲁϥⲧⲙⲙⲟⲟⲩ ⲉⲃⲟⲗ ϩⲙ ⲡⲱⲧ ⲙⲡⲉⲥⲟⲩⲟ ⲁϥⲧⲥⲓⲟⲟⲩ ⲛⲉⲃⲓⲱ ⲉⲃⲟⲗ ϩⲛ ⲟⲩⲡⲉⲧⲣⲁ</ab>